Azã 17:6 - ZE'ELEGO PAALEGA

⁶ “Mam dikɛ fum yu'urɛ wa pa'alɛ sɛba ti fum looe ba bo' mam timpaberɛ wa zuo la. Ba dela fum dinɛ, gee ti fum dikɛ ba bo' mam, ti ba me gurɛ fum yelehum la kankaŋi.

Farefare Ninkaré

⁶ Mam botɩ sɛba tɩ fõn looge dũnia nẽrba pʋam bɔ mam na bãŋɛ fõn mɛ. Ba daan de la fõn nẽrba, tɩ fõn dɩkɛ ba bɔ mam, la ba sakɛ fʋ yetɔga la mɛ.

Azã 17:6 ပူးပေါင်းရင်းမြစ်များ

Azã 1:18

Nɛra nɛra ka tabelɛ nyɛ Yinɛ. Gee la dela Yinɛ biba'arɛ la, en de Yinɛ la bɔna a Sɔ la suure la en dikɛ en pa'alɛ.

Azã 12:28

N Sɔ, bo' fum yu'urɛ wa pɛka.” Ti kua ze'ele saazuo ha tɔgɛ bahɛ na yeti, “Mam bo' n yu'urɛ la pɛka gee wan le bo' de pɛka le yɛ'ɛha.”

Azã 15:19

Ya han deni timpaberɛ wa zuo dinɛ, timpaberɛ wa zuo wan nɔŋɛ ya wuu a dinɛ la. Gee yan dagi timpaberɛ wa zuo dinɛ la, gee mam n looe ya yehe timpaberɛ wa puan la, bala zuo ti timpaberɛ wa zuo yaaɛ ya la.

Azã 15:3

Yamam pun diŋɛ ana la filam, doohe la yelehum la ti n tɔgɛ bo' ya la.

Azã 15:7

Ya han bɔna la mam, ti n yelehum la bɔna la ya, soke ya yan boti sɛla, gee la wan tum bo' ya.

Azã 17:12

Mam n boi la ba la, mam gu'uri ba mɛ la yu'urɛ la ti fum dikɛ bo' mam la. Mam gu'uri ba mɛ, ti ba ayima ka bɔregɛ, han dagena se'em ti la gã'a na ti a bɔregɛ ti gulehegɔ la wa'an asira na la.

Azã 17:14

Mam bo' ba fum yelehum la, ti timpaberɛ wa zuo yaaɛ ba, la bamam n dagi timpaberɛ wa zuo dinɛ, wuu mam n dagi timpaberɛ wa zuo dinɛ se'em la.

Azã 17:16

Ba dagi timpaberɛ wa zuo dinɛ, wuu mam n dagi timpaberɛ wa zuo dinɛ se'em la.

Azã 17:2

Fum n bo' mam kpe'eŋo ti n sɔna asaala woo, la n dikɛ vomkanba'ahɛ bo' sɛba woo ti fum dikɛ bo' mam la.

Azã 17:24

N Sɔ, mam le bɔta ti, nɛresɛba ti fum dikɛ bo' mam wa ta lagum bɔna la mam n bɔŋa zi'an la puan, la ba nyɛ na'ahegɔ seko ti fum mɛŋa dikɛ bo' mam, doohe la fum nɔŋɛ mam se'em gee ti timpaberɛ wa baŋɛ naam la zuo.

Azã 17:26

Mam tɔgɛ fum yu'urɛ la yele pa'alɛ ba, gee wan kelum tɔgɛ de yele pa'alɛ ba, ti nɔŋerɛ se'ere ti fum nɔŋɛ mam la wan bɔna ba puan, ti mam me bɔna la ba.”

Azã 17:7

Nananawa, ba mi' suŋa ti sɛla woo ti fum dikɛ bo' mam sirum ze'ele la fum zi'an na.

Azã 18:9

Dina wa dela la bahɛ ti a yetɔge sebo n yeti, “N ka bɔregɛ sɛba ti fum dikɛ bo' mam la la ayima me, wa'an asira na.”

Azã 6:37

Sɛla woo ti Sɔ la dikɛ bo' mam, wan wa'am mam zi'an na, ti se'em woo me n wa'an mam zi'an na, mam kan makɛ dige en bahɛ.

Azã 6:39

Ti dina wa n de se'em daana n tum mam na la sumboolum yelemɛŋerɛ. Ti n da bɔregɛ se'em, sɛba woo ti a dikɛ bo' mam la puan bahɛ, gee n ihige ba ba'ahegɔ daarɛ.

Azã 8:51

Yelemɛŋerɛ yelemɛŋerɛ ti n yɛta ya wa, “Ti se'em woo n gurɛ mam yelehum wa kankaŋi, kan malum ki.”

Azã 8:52

Ti Yuuduma la yele en yeti“, “Tu nyaa baŋɛ ya ti kulekpa'bɛ'a n sirum yage fum zuo. Aberaham ki mɛ, bala mɛa ti nɔtɔgeheba la woo ki, gee la bala za'a, fum yeti mɛ ti, ‘Se'em woo n gurɛ mam yelehum wa kankaŋi kan malum ki?’

Tõoma 13:48

Sɛba n dagi Yuda buuri la n wum ŋwana la, ba pee puurɛ mɛ, ti ba pɛgera Daana la yelehum la. Bama sɛba ti ba pun maahum ti ba nyɛ vomkan ba'ahɛ la bamam en nam.

Aromduma 11:2

Yinɛ ka zagehɛ a nɛreba sɛba ti a pun mina ba na la. Ya ka mi' Yinɛ gɔŋɔ la en tɔgɛ Elia yele se'em, en yuum ŋmɛ'ɛri nupu'ɔ Yinɛ nɛŋan Izirale yele se'em la?

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

Kolɔsɩ 3:16

Bahɛ ya ti Kiresta yelehum la bɔna ya puan seke. Pa'ali ya gee ka'ana taaba la yɛm, gee ti nyɛɛma en boi ya suya puan la, tari ya saaŋɔ la baaŋa, la Sia puan yuuma ya suya puan bɔ'ɔra Yinɛ.

2 Timoti 1:13

Gurɛ yelemɛŋerɛ pa'alegɔ la suŋa, sebo ti fum wum mam zi'an la, la sakerɛ la nɔŋerɛ se'ere en boi Kiresta Yezu puan la.

Hiburuduma 2:12

bala ti a yeti, “Mam wan muulɛ fum yu'urɛ bo' n suurɔ la, “Lageŋɔ la puan, mam wan pɛgɛ hɔ.”

Hiburuduma 3:6

Gee Kiresta en de se'em la, yuum tari la sakerɛ la Yinɛ lageŋɔ la, dɛna dayua, ti tumam dɛna yire la, tu han gurɛ tu inkpeŋere wa la tu nyu'ɔ ŋma'a sɛka en de tu beere puti'irɛ zuo wa kankaŋi.

1 Pita 1:1

Mam Pita en de Yezu Kiresta tuntuna, en gulehɛ gɔŋɔ wa bɔ'ɔra sɛba en nɔgɛ bɔna zi'an woo, Pɔntusi, Galatia, Kapadosia, Esiya, la Bitiniya tihi puan la.

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.

Lilegere 2:13

“N mi' ya bɔŋa zi'an, la dela zi'an ti Sagena la na'am kuka la bɔna. Gee la bala za'a ya kɔ'ɔm gurɛ mam yu'urɛ la mɛ kankaŋi, gee ka zagehɛ ya sakerɛ la mam, pun ta paaɛ zahera Antipas se'em en daa de mam aze'nyɛ daana, tara sakerɛ la mam, ti ba daa ku en ya tiŋasuka, Sagena la bɔŋa zi'an la.

Lilegere 3:10

Yamam en tari mam yelehum la en de sugeri, la ŋmibega la zuo, n wan gu' ya makerɛ se'ere en ye'ehe timpaberɛ wa zuo na ti de makɛ tiŋa wa zuo nɛreba za'a la puan.

Lilegere 3:8

“N mi' ya tuuma. Bihɛ yaa, N yu'ɛ la kuleŋa biŋe ya, ti se'em ka bɔna wan yu' ka. Mam mi' ti ya tari paŋa fii wa, gee la bala za'a, ya tari mam yelehum la mɛ suŋa suŋa, ka zagehɛ mam yu'urɛ la.