Azã 17:26 - ZE'ELEGO PAALEGA

²⁶ Mam tɔgɛ fum yu'urɛ la yele pa'alɛ ba, gee wan kelum tɔgɛ de yele pa'alɛ ba, ti nɔŋerɛ se'ere ti fum nɔŋɛ mam la wan bɔna ba puan, ti mam me bɔna la ba.”

Farefare Ninkaré

²⁶ Mam botɩ ba bãŋɛ fõn mɛ, la mam wʋn ken botɩ ba bãŋɛ fɔ, tɩ nõŋlʋm sɛka tɩ fõn nõŋɛ mam na, wʋn bɔna la ba, tɩ mam mẽ bɔna la ba.»

Azã 17:26 ပူးပေါင်းရင်းမြစ်များ

Azã 14:20

De daarɛ la, ya wan baŋɛ ti mam boi mɛ la n Sɔ la, ti yamam bɔna la mam, ti mam me bɔna la ya.

Azã 14:23

Ti Yezu lerege en yeti, “Sɛba en nɔŋɛ mam la, wan tara mam yelehum la, ti mam Sɔ wan nɔŋɛ ba, ti mam la n Sɔ la wan wa'am na iŋɛ tu bɔŋa zi'an ba puan.

Azã 15:15

Mam ka yi'iri ya n yamehi yɛ'ɛha, se'ere n sɔi la, yameŋa ka mi' ka daana n iti sɛla. Gee mam yi'iri ya la n zɔduma se'ere n sɔi la, mam bahɛ ti ya mina sɛla woo ti mam wum n Sɔ la zi'an mɛ.

Azã 15:4

Boi ya la mam, ti mam me bɔna la ya. Wuu yile n kan ta'am wam wala de ma'a se'em, han dagena de naaɛ mɛ la ta'aŋa la, bala mɛa ti yamam me kan ta'am wam, han dagena ya naaɛ mɛ la mam.

Azã 15:9

Wuu Sɔ la n nɔŋɛ mam se'em la, bala mɛa ti mam nɔŋɛ ya. Boni ya n nɔŋerɛ la puan.

Azã 17:23

Mam bɔna la ba, ti fum bɔna la mam, ti bamam me naaɛ taaba bi'ɛ kahegɛ dɛna buyina, ti timpaberɛ wa zuo nɛreba baŋɛ ti fum tum mam na, gee me nɔŋɛ ba wuu fum nɔŋɛ mam se'em la.

Azã 17:6

“Mam dikɛ fum yu'urɛ wa pa'alɛ sɛba ti fum looe ba bo' mam timpaberɛ wa zuo la. Ba dela fum dinɛ, gee ti fum dikɛ ba bo' mam, ti ba me gurɛ fum yelehum la kankaŋi.

Azã 17:8

Se'ere n sɔi la, yelehum la ti fum dikɛ bo' mam la, mam dikɛ bo' ba mɛ, ti ba me to'e bu, gee mina yelemɛŋerɛ la, ti mam sirum ze'ele fum zi'an na. Ba me nam ya ti, fum n tum mam na.

Azã 6:56

Se'em en obe mam iŋa wa, gee nyu mam ziim la boi la mam puan, ti mam me bɔna la en.

Azã 8:50

Gee la bala za'a, mam ka eere n mɛŋa pɛka. A yima n boi nara pɛka la. Eŋa n de gakera la.

Aromduma 8:10

Gee Kiresta han bɔna ya puan, la ya ingana la en pun ki be'em zuo la, gee Sia la en bo'ori vom doohe tuntɔɔnɛ se'ere ti Yinɛ bo' tu la zuo.

1 Korẽntɩ 1:30

Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

1 Korẽntɩ 12:12

Wuu iŋa en de kayina gee tara luga zo'e zo'e se'em la, ti iŋa la luga la zo'e se'em gee dɛna inyiŋa se'em la, la ani la bala Kiresta puan.

Galatɩ 2:20

La le dagena mam mɛŋa en vɔi, gee la dela Kiresta en vɔi mam puan. Ti vom sebo ti n vɔna inganɛ puan nananawa, n vɔi mɛ la sakerɛ Yinɛ Dayua la, se'em en nɔŋɛ mam gee dikɛ a mɛŋa kaabɛ bo' mam la puan.

Efɛɛzɩ 1:6

ti pɛka paaɛ a suŋa zu'uhegɔ la ti a ka'ɛ saarum tu zuo na yoo a dayɔba'arɛ la puan la.

Efɛɛzɩ 3:17

ti Kiresta bɔna ya suya puan, sakerɛ zuo, wuu yan ba' nyɛga gee tara nɔŋerɛ puan se'em la.

Efɛɛzɩ 5:30

Se'ere zuo, tumam dela a iŋa la luga a sɛ'a.

Efɛɛzɩ 5:32

Yele dina wa dela yelekãtɛ se'ere n sugɛ ti mam dikɛ dɛ makera Kiresta la Lageŋɔ la.

Kolɔsɩ 1:27

Bama ti Yinɛ looe ti a doohe ba puan bahɛ ti ba baŋɛ Yinɛ suŋa en zo'e se'em yele se'ere en sugɛ wa puan bo' sɛba en dagi Yuuduma la, yele wa dela Kiresta n boi ya puan, en de ya beere puti'irɛ la suŋa.

Kolɔsɩ 2:10

Yamam n wa'am a zi'an na wa, sɛla woo wan ze'ele tuuntɔɔ bo' ya. Eŋa en de se'em en de zuo daana, sɔna pahi, la kpe'eŋo za'a.

Kolɔsɩ 3:11

Teere dina puan la, Giriki ka boi ti Yuda bɔna; sɛba en ŋma ka boi, ti sɛba en ka ŋma bɔna; nɛreyooro ka boi ti nɛreyaalehi bɔna; da'aba ka boi ti sɛba en boi fai bɔna. Gee Kiresta en de za'a gee bɔna ba za'a puan.

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

Hiburuduma 2:12

bala ti a yeti, “Mam wan muulɛ fum yu'urɛ bo' n suurɔ la, “Lageŋɔ la puan, mam wan pɛgɛ hɔ.”

1 Zã 3:24

Se'em woo en nane a nɔze'elego la boi la a puan, ti eŋa me bɔna a puan. Dina puan ti tu mina ti a boi la tu mɛ, doohe la a Fa'a Sia la ti a bo' tu la.