Azã 17:23 - ZE'ELEGO PAALEGA

²³ Mam bɔna la ba, ti fum bɔna la mam, ti bamam me naaɛ taaba bi'ɛ kahegɛ dɛna buyina, ti timpaberɛ wa zuo nɛreba baŋɛ ti fum tum mam na, gee me nɔŋɛ ba wuu fum nɔŋɛ mam se'em la.

Farefare Ninkaré

²³ Tɩ mam wʋn bɔna la ba, tɩ fõn bɔna la mam, tɩ ba wʋn sɩrɩ dɛna ayɩla, tɩ dũnia nẽrba wʋn bãŋɛ tɩ la de la fõn tõm mam, la fõn nõŋɛ ba wʋ fõn nõŋɛ mam se'em na.

Azã 17:23 ပူးပေါင်းရင်းမြစ်များ

Azã 10:38

Gee mam han tuna a, ti ya pun ka nam bo' mam, nam ya tuuma la, la ya ta'am mina, gee baŋɛ ti Sɔ la boi mɛ la mam, ti mam me bɔna la Sɔ la.”

Azã 13:35

Ya han nɔŋɛ taaba ŋwana, nɛra woo wan baŋɛ ti ya dela mam zahereba.”

Azã 14:10

Fum ka nam ti mam boi mɛ la Sɔ la, ti Sɔ la me bɔna la mam? Yelehum wa ti mam tɔgera wa dagi mam mɛŋa yelehum, gee bu dela Sɔ se'em n boi la mam la n tuni a tuuma mam puan.

Azã 14:23

Ti Yezu lerege en yeti, “Sɛba en nɔŋɛ mam la, wan tara mam yelehum la, ti mam Sɔ wan nɔŋɛ ba, ti mam la n Sɔ la wan wa'am na iŋɛ tu bɔŋa zi'an ba puan.

Azã 15:9

Wuu Sɔ la n nɔŋɛ mam se'em la, bala mɛa ti mam nɔŋɛ ya. Boni ya n nɔŋerɛ la puan.

Azã 16:27

se'ere en sɔi la, Sɔ la mɛŋa nɔŋɛ ya mɛ, la yamam n nɔŋɛ mam, gee nam ti mam ze'ele la Yinɛ zi'an na la.

Azã 17:11

Nananawa, mam kan le bɔna timpaberɛ wa zuo, gee bamam kelum bɔna la ka puan. Gee ti mam yɛ'ɛha fum zi'an na. N Sɔ Fa'a daana, gura ba fum yu'urɛ se'ere ti fum dikɛ bo' mam la puan, ti ba dɛna buyina wuu tumam n de buyina se'em la.

Azã 17:21

Ba za'a me dɛna buyina, wuu fum Sɔ wa n boi la mam se'em la, ti mam me bɔna la fum se'em la, bamam me bɔna la tu bala mɛa, ti timpaberɛ wa zuo nɛreba nam ti fum n tum mam na.

Azã 17:24

N Sɔ, mam le bɔta ti, nɛresɛba ti fum dikɛ bo' mam wa ta lagum bɔna la mam n bɔŋa zi'an la puan, la ba nyɛ na'ahegɔ seko ti fum mɛŋa dikɛ bo' mam, doohe la fum nɔŋɛ mam se'em gee ti timpaberɛ wa baŋɛ naam la zuo.

Azã 17:26

Mam tɔgɛ fum yu'urɛ la yele pa'alɛ ba, gee wan kelum tɔgɛ de yele pa'alɛ ba, ti nɔŋerɛ se'ere ti fum nɔŋɛ mam la wan bɔna ba puan, ti mam me bɔna la ba.”

Azã 17:3

Ŋwana n de vomkanba'ahɛ la, ti saaleba baŋɛ fum, fum se'em n de yelemɛŋerɛ Yinɛ wa ma'a, gee me baŋɛ Yezu Kiresta, se'em ti fum tum na la.

Azã 17:8

Se'ere n sɔi la, yelehum la ti fum dikɛ bo' mam la, mam dikɛ bo' ba mɛ, ti ba me to'e bu, gee mina yelemɛŋerɛ la, ti mam sirum ze'ele fum zi'an na. Ba me nam ya ti, fum n tum mam na.

Azã 3:17

“Yelemɛŋerɛ yelemɛŋerɛ, Yinɛ ka tum a dayua wa ti ka wa'am na gakɛ timpaberɛ wa, gee timpaberɛ wa tugum nyɛ faarɛ doohe a dayua wa puan.

Azã 6:56

Se'em en obe mam iŋa wa, gee nyu mam ziim la boi la mam puan, ti mam me bɔna la en.

1 Korẽntɩ 1:30

Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

2 Korẽntɩ 5:21

Se'ere en sɔi la, tumam zuo ti Yinɛ iŋɛ en ti a ana wuu a dela be'em daana la, eŋa se'em en ka tabelɛ mina be'em, ti doohe eŋa puan tu wan tara Yinɛ tuuntɔɔ vom la.

Galatɩ 3:28

Dinɛ zuo, Yuuduma buuri bii Giriki buuri ka le bɔna, da'aberɛ bii fai daana ka le bɔna, buraa bii pɔka ka le bɔna. Se'ere en sɔi la, ya za'a dela buyina Kiresta Yezu puan.

Filipi 3:15

Bahɛ ya ti tumam sɛba en bi'ɛ la, tara puti'irɛ deyina, gee se'em puti'irɛ han bɔna deyima yelese'ere puan, la han dɛna bala, Yinɛ wan lilege dɛ bo' ya.

Kolɔsɩ 1:28

La dela eŋa ti tu muula wa, ka'ana nɛra woo gee pa'ala nɛra woo yɛm puan, ti tu wan bi'ihɛ nɛra woo Kiresta puan.

Kolɔsɩ 2:2

Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

Kolɔsɩ 3:14

Se'ere en gani za'a dela, bagɛ ya mɛhi la nɔŋerɛ, sɛla en bobere ya lagena taaba, ti ya tara nɔyinɛ sunɛ la taaba en bala.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

1 Zã 1:3

Le yɛ'ɛha tumam muuli la sɛla ti tu nyɛ gee wum bɔ'ɔra ya, ti yamam me bɔna la tɔ kankaŋi, gee yelemɛŋerɛ, tu boi mɛ la Yinɛ en de Sɔ la, la a Dayua Yezu Kiresta la kankaŋi.

1 Zã 3:1

Bihɛ ya nɔŋerɛ kãtɛ se'ere en boi de tɔka ti Sɔ la dikɛ bo' tu, ti ba yi'ira tumam Yinɛ kɔma. Ɛ̃ɛ tumam en sirum de sɛba n bala. Se'ere en sɔi ti tiŋa wa ka mina tu la dela, tiŋa wa yuum ka ka mi' en.

1 Zã 4:19

Tumam tari nɔŋerɛ, beni zuo, eŋa en nɔŋɛ tu yia.

Lilegere 3:9

Bihɛ ya, n wan iŋɛ Sagena lageŋɔ en yeti bamam dela Yuuduma gee dagena, gee parena la, n wan iŋɛ ba ti ba wa'am na kpa' duma ya nɛŋan, la ba zamehɛ bɔkɛ yeti, mam sirum nɔŋɛ ya.