Azã 17:11 - ZE'ELEGO PAALEGA

¹¹ Nananawa, mam kan le bɔna timpaberɛ wa zuo, gee bamam kelum bɔna la ka puan. Gee ti mam yɛ'ɛha fum zi'an na. N Sɔ Fa'a daana, gura ba fum yu'urɛ se'ere ti fum dikɛ bo' mam la puan, ti ba dɛna buyina wuu tumam n de buyina se'em la.

Farefare Ninkaré

¹¹ Mam ka le bɔna dũnia zuo, la bãma boe la dũnia zuo dee tɩ mam sẽna fõn zẽ'am. M Sɔ n de pʋpeelem dãana, gu'ura ba la fʋ yʋ'ʋrɛ la tɩ fʋ bɔ mam na pãŋa, tɩ ba wʋn dɛna ayɩla wʋ mam la fõn n de ayɩla se'em na.

Azã 17:11 ပူးပေါင်းရင်းမြစ်များ

Amatie 10:16

“Bihɛ ya, mam tuni ya mɛ wuu piihi la sahi tiŋasuka. Wikɛ wuu kampiihi la, gee dɛna ya naana wuu dayɛma la.

Amatie 5:48

Deni ya sɛba en bi'ɛ kahegɛ woo ya Sɔ en boi saazuo ha bi'ɛ kahegɛ se'em la.

Amatie 6:9

“Bala zuo, ni pu'uheri ya ŋwana: Tu Sɔ en boi saazuo ha, Fum yu'urɛ dɛna tuulum gana sɛla woo.

Azã 13:1

Nananawa, gee ti azɔɛtole de'eŋo la wan paaɛ la, ti Yezu pun baŋɛ ti a saŋa la paaɛ ya ti a bahɛ timpaberɛ wa, gee lebe a Sɔ zi'an. Bala ma'a ti Yezu nɔŋerɛ pun kɛ̃ sɛba en de a dinɛ la n boi timpaberɛ wa zuo la mɛ paaɛ paaɛ. A nɔŋɛ ba mɛ ta paaɛ ba'ahegɔ.

Azã 13:3

Ti Yezu n pun mina ti a Sɔ dikɛ sɛla woo iŋɛ la eŋa Yezu nu'uhen, gee me mina ti eŋa ze'ele la Yinɛ zi'an na, gee me lɛbera la Yinɛ zi'an la,

Azã 14:20

De daarɛ la, ya wan baŋɛ ti mam boi mɛ la n Sɔ la, ti yamam bɔna la mam, ti mam me bɔna la ya.

Azã 16:28

Mam ze'ele la Sɔ la zi'an sige timpaberɛ wa zuo na, gee le yeti n bahɛ timpaberɛ wa zuo, gee lebe n Sɔ la zi'an.”

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Azã 17:23

Mam bɔna la ba, ti fum bɔna la mam, ti bamam me naaɛ taaba bi'ɛ kahegɛ dɛna buyina, ti timpaberɛ wa zuo nɛreba baŋɛ ti fum tum mam na, gee me nɔŋɛ ba wuu fum nɔŋɛ mam se'em la.

Azã 17:25

“N Sɔ tuntɔɔdaana, timpaberɛ wa zuo nɛreba ka mi' hɔ, gee mam mi' hɔ. Bana me mi' ti fum n tum mam na.

Azã 17:6

“Mam dikɛ fum yu'urɛ wa pa'alɛ sɛba ti fum looe ba bo' mam timpaberɛ wa zuo la. Ba dela fum dinɛ, gee ti fum dikɛ ba bo' mam, ti ba me gurɛ fum yelehum la kankaŋi.

Azã 7:33

Ti Yezu nyaa yeti, “Mam wan bɔna la ya mɛ dabeha fiiwa, gee lebe se'em n tum mam na la zi'an.

Tõoma 3:21

Yezu se'em n wan bɔna saazuo gura sɛla woo maalegɔ seko ti Yinɛ tɔgɛ dɛ yuuman yuuman ha doohe a tuulum nɔtɔgeheba puan la.

Aromduma 12:5

bala mɛa ti tumam en zo'e se'em wa, dɛna iŋa kayima Kiresta puan. Gee la tu yima yima mɛa, tu dela iŋa kayima lɔgerɔ la taaba.

Aromduma 9:17

Gulehegɔ la gulehɛ Faro yele yeti, “Mam yɛɛlɛ fum na'am la yele dina wa zuo, ti n pa'alɛ n paŋa fum puan, ti muulɛ n yu'urɛ wa timpaberɛ wa zuo za'a.”

1 Korẽntɩ 1:10

Nananawa, n yeti ya mɛ la ninmu'urɛ n suurɔ, tu Daana Yezu Kiresta yu'urɛ la puan, ti ya za'a sakera bɔ'ɔra taaba ti bɔgehegɔ da bɔna ya puan, gee ya tugum naaɛ taaba dɛna buyina, la putɛ'yinɛ

Galatɩ 3:28

Dinɛ zuo, Yuuduma buuri bii Giriki buuri ka le bɔna, da'aberɛ bii fai daana ka le bɔna, buraa bii pɔka ka le bɔna. Se'ere en sɔi la, ya za'a dela buyina Kiresta Yezu puan.

Efɛɛzɩ 4:4

Se'ere en sɔi la, Iŋa kayina, la Fa'a Sia kayima ma'a en boi, wuu ban yi' ya beere putɛ'yinɛ wa puan se'em la.

Filipi 2:9

Ŋwana zuo ti Yinɛ me zɛkɛ en saazuo gee bo' en yu'se'ere en gani yu'ura za'a,

Hiburuduma 1:3

A dela Yinɛ suŋa niihum paaɛ paaɛ, dɛna Yinɛ vore vore, bahɛ ti sɛla woo bɔna, doohe a yelehum paŋa puan. Eŋa en duuhe saaleba be'em ba'ahɛ la, a zi'ire la Gani za'a Daana la zuɔ nu'o saazuin ha,

Hiburuduma 9:24

Se'ere ni sɔi la, Kiresta ka kɛ̃ la pu'uhegɔ deo seko ti saaleba nu'uhi mɛ, yeen dɛna yelemɛŋerɛ deo la ti ba tɔgehɛ, gee a kɛ̃ la tinsuŋan mɛŋa puan ha, ti a bɔna Yinɛ nɛŋan nananawa, tumam zuo.

Yemesi 4:4

Bunyaalehi wa! Ya ka mi' ti ya nyɔgɛ zɔtɔ la timpaberɛ wa, dela ya dɛna dinduma la Yinɛ? Ŋwana zuo, fum se'em woo en boti fum dɛna timpaberɛ wa zuo zɔ, lebege la Yinɛ dima.

1 Pita 1:5

Yamam sɛba ti Yinɛ paŋa gu'ura ya doohe ya sakerɛ puan la, ya faarɛ la wan niiɛ ba'ahegɔ saŋa la na.

1 Zã 3:12

Tu da ana wuu Keen se'em en ze'ele Sagena la zi'an na, ku a mɛa suuɔ la. Beni zuo ti a ku en? Se'ere zuo, a mɛŋa tuuma la dela be'em, gee ti a suuɔ la tuuma dɛna tuuntɔɔ.

1 Zã 5:19

Tumam mi' ti tu dela Yinɛ kɔma, gee be'em en ba' zo'e tiŋa wa zuo za'a.

Azudi 1:1

Mam Yude en de Yezu Kiresta da'aberɛ la, dɛna Yemesi suuɔ la en gulehɛ bɔ'ɔra yamam sɛba ti Yinɛ yi' la, yamam sɛba ti Yinɛ en de Sɔ la nɔŋɛ, gee dikɛ ya sugɛ biŋe bo' Yezu Kiresta la.

Azudi 1:24

Nananawa, se'em Daana en wan ta'am tara ya ti ya kan lu la, gee me iŋɛ ya ti ya zɛ'a filam ti dɛkɔ ka lama ya ya Daana la suŋa la nɛŋan, la nyɛɛma.

Lilegere 15:4

Daana, ani en kan zɔta fum, gee na'aha fum yu'urɛ wa? Se'ere en sɔi la, fum ma'a en de Fa'a. Tihi za'a wan wa'am fum nɛŋan na, na'aha hɔ, se'ere en sɔi la, fum tuuntɔɔ tuuma la za'a niiɛ mɛ na.”

Lilegere 19:12

A nini ani mɛ wuu bugum peelum la, ti muhi kekeko vuga a zuo, ti a tara yu'urɛ en gulehɛ lama en, ti se'em kan malum baŋɛ dɛ, han dagena a mɛŋa ma'a.

Lilegere 4:8

Ti bunvɔɔhi sinaahi wa ayima woo tari la kelumpagehi siyoobe, pirɛ la nini ba yiŋa, la ba puan. Ti bulika la yu'uŋɔ za'a, ba kɔ'ɔm yuuna mɛ ka malum gɔ'ɔra. Ba yuuni yeti, “Fa'a, Fa'a, Fa'a, Daana Yinɛ, Gani za'a daana, se'em en daa de, gee kelum dɛna, gee wan wa'am na.”