Azã 16:20 - ZE'ELEGO PAALEGA

²⁰ Yelemɛŋerɛ yelemɛŋerɛ ti n yɛta ya wa, ti ya wan kele, gee si'im, gee ti timpaberɛ wa zuo nɛreba nyɛɛna. Ya suure wan sagum, gee ya susageŋɔ la wan ta lebege nyɛɛma.

Farefare Ninkaré

²⁰ Mam yetɩ ya la sɩra sɩra, tɩ ya wʋn kaasɛ fablɛ, la dũnia dõma sũure wʋn ãna yẽlʋm. Ya sũure wʋn sã'am, la ya sũ-sã'aŋɔ la wʋn wa lebge sũ-yẽlga.

Azã 16:20 ပူးပေါင်းရင်းမြစ်များ

Amatie 21:38

Gee va'am bihereba la n nyɛ a dayua wa la, ba ɛbegɛ la taaba yeti, ‘Asooevaaɛ daana la n ŋwana. Wa'am ya na, ti tu ku en gee sɔi vaaɛ.’

Amatie 5:4

“Sum boi mɛ la sɛba en kele, ba wan nyɛ subugehum.

Amarkɩ 14:72

Sankana ma'a la ti nɔdɔɔ le kaahɛ pa'ahɛ buyi'. Ti Pita tiɛ ti Yezu pun yele en yeti, “Nɔdɔɔ ta kaahɛ pa'aha buyi' la, ti fum pun ki'ihɛ eŋa la butã.” Ti a suure sagum ti a kele.

Amarkɩ 16:10

Ti pɔka wa yehe ta yele sɛba n daa lagum bɔna la Yezu. Bala ma'a la ti bamam nan kele mɛ gee fabela.

Aluki 22:45

En ihege a pu'uhegɔ la puan la, a lebe la a zahereba la zi'an na, paaɛ na nyɛ ba ti ba gã' giha mɛ, susageŋɔ zo'e zo'e la zuo.

Aluki 22:62

Ti Pita yehe yiŋa ta kele ninmu'urɛ.

Aluki 23:27

Ti nɛrekuuŋɔ en ka ta'am kãalɛ dɔla poore, ti pɔgehi bɔna bini kaaha gee nyɔna zɔ'ɔra.

Aluki 24:17

Ti Yezu tɔgɛ bo' ba yeti, Yamam kini gee suhera la beni la taaba wa? Ti ba ze'ele bããlam la nimbu'ɔ.

Aluki 24:21

Gee tumam me daa biheri la eŋa ti eŋa en de se'em en wan yɔ to'e Izirale bahɛ. Yele ana woo pooren, zina dela dabeha atã, ti yele ana wa iŋɛ.

Aluki 6:21

Sum boi mɛ la yamam sɛba ti kom tara ya nananawa, Se'ere en sɔi Ya wan ta tigɛ. Sum boi mɛ la yamam sɛba en kele nananawa, Se'ere en sɔi la Ya wan ta la'.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Azã 16:6

Gee mam n nyaa yele ya yele ana wa la, susageŋɔ n pirɛ ya suya.

Azã 20:20

En pu'uhɛ ba ŋwana ba'ahɛ la, a tiɛ la a nu'uhi pa'alɛ ba, gee pa'alɛ ba a lugerɛ la me. Ti a dɔleba la nyɛɛna la ban le nyɛ Daana la.

Tõoma 5:41

Ban baheri kiinduma la zi'an la, ba puurɛ pee mɛ ti bamam me ti ba diihe ba vi Yezu yu'urɛ la zuo.

Aromduma 5:11

Gee sɛla en pun gana bala dela, tu ŋmɛ'ɛri la nyu'ɔ Yinɛ puan, tu Daana Yezu Kiresta zuo, se'em zuo ti tu nyaa nyɛ naarɛ la Yinɛ wa.

2 Korẽntɩ 6:10

Tu ani wuu tu suya n sagum la, gee tu nyɛɛni mɛ saŋa woo. Tu ani mɛ wuu naheduma la, gee me iŋɛ nɛreba zo'e zo'e ti ba dɛna buntateba, tu ani wuu tu ka tari la sɛla la, gee me tara sɛla woo.

Galatɩ 5:22

Gee Sia la walɛ dela, nɔŋerɛ, nyɛɛma, suma'ahum, ŋmibega, pupɛɛla itesuŋɔ, la sakerɛ,

1 Tesaloniki 1:6

Ti yamam me tɔgehɛ tumam, la tu Daana la, se'ere en sɔi la, la yan pun nyɛta namehegɔ la, ya to'e yelehum la mɛ la nyɛɛma sɛ'a ti Fa'a Sia bo' la mɛ.

Yemesi 1:2

N suurɔ, ya han ni ta nyɛta maketooro seto woo, da dikɛ ya ku yi' sɛsɛla, gee tugum nyɛɛni ya.

Azudi 1:24

Nananawa, se'em Daana en wan ta'am tara ya ti ya kan lu la, gee me iŋɛ ya ti ya zɛ'a filam ti dɛkɔ ka lama ya ya Daana la suŋa la nɛŋan, la nyɛɛma.

Lilegere 11:10

Ti timpaberɛ wa zuo nɛreba wan nyɛɛna la ba kum la, bɔ'ɔra taaba bo'olum, se'ere en sɔi la, nɔtɔgeheba bana ba yi' wa daa ba kpa' la timpaberɛ wa zuo nɛreba za'a nyɔya.

Lilegere 18:7

Wuu eŋa en daa pa'ali a mɛŋa se'em, dɛla se'em fai a na'am puan la, lebehe namehegɔ la susageŋɔ bala mɛa bo' en. Wuu en diŋɛ yele a suuren ti, ‘N dela pɔge naba, n dagi pokuurɛ, susageŋɔ kan malum paaɛ mam la.’