Azã 16:13 - ZE'ELEGO PAALEGA

¹³ Gee se'em en de Sia yelemɛŋerɛ la han ta wa'am na, a wan gu'ura ya ti ya mina yelemɛŋerɛ la za'a. Se'ere n sɔi la, a ka yeti a tɔgera la a mɛŋa yetɔgum, gee a wan tɔgɛ la sɛla woo ti a wum Yinɛ zi'an, ti a wan muulɛ bo' ya yele sɛ'a n wan wa'am na.

Farefare Ninkaré

¹³ La Nawẽnnɛ Sɩa n de sɩra dãana la sãn wa'am, a wʋn pa'alɛ ya sɩra wuu, se'ere n soe la, a yetɔga la ka ze'etɩ a mẽŋa zẽ'am, a wʋn tɔgɛ la sɛla tɩ a wõm na wuu bɔ ya, dee yele ya sɛla n boe nẽŋa sẽna.

Azã 16:13 ပူးပေါင်းရင်းမြစ်များ

Azã 12:49

Se'ere en sɔi la, mam ka tɔgɛ la mam mɛŋa n boti se'em, gee Sɔ la n tum mam na la n bo' mam nuurɛ, mam wan tɔgɛ sɛla, la mam wan yele sɛla.

Azã 14:17

Eŋa en de Fa'a Sia la n de yelemɛŋerɛ la, se'em ti Timpaberɛ wa zuo kan to'e en, Se'ere n sɔi la, timpaberɛ wa zuo nɛreba ka nyɛti en, bii ba mina en. Gee yamam mi' en se'ere n sɔi la, a boi mɛ la ya, gee wan kelum bɔna la ya.

Azã 14:26

Gee Tɛ'ɛla la kini na, Fa'a Sia la. Se'em ti Sɔ la wan tum en na mam yu'urɛ puan la. Eŋa wan pa'alɛ ya sɛla woo, gee tiiha ya sɛla woo ti mam yele ya la.

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 15:26

“Gee Tɛ'ɛla la han wa'am na, se'em ti mam wan tum en ti a ze'ele Sɔ la zi'an na la, se'em n de Fa'a Sia la en de yelemɛŋerɛ, ze'ele mam Sɔ la zi'an na la, a wan tɔgera la mam yele bɔ'ɔra ya.

Azã 16:12

“Yɛla zo'e zo'e boi ti n wan yele ya, gee nananawa la, la wan zo'e gaŋɛ ya tarega.

Azã 3:32

Eŋa tɔgeri la sɛla ti a nyɛ, gee wum, gee nɛreba kelum ka nam bo' a yelehum la.

Azã 8:38

Mam yeti ya la sɛla ti mam bɔna Sɔ la zi'an gee nyɛ, gee han dɛna yamam, yamam iti la sɛla ti ya wum ya sɔ la zi'an.

Tõoma 11:28

Ti ba puan ayima yu'urɛ n yi'ira Agabuse, ti Sia la bo' en paŋa ti a vaaɛ ihege ze'ele purɛ yeti, kompɛɛlega wan sige timpaberɛ zuo zi'an woo. Ti la sirum wa'am na iŋɛ bala Kulodeyose Kaiza saŋa puan.

Tõoma 20:23

han dagena Fa'a Sia la mɛŋa n yeti mam tiŋa woo ti n paara ka puan yeti, ti paka la mɛlehegɔ en ga' gura mam bini.

Tõoma 27:24

gee yele mam yeti, ‘Da zɔta dabeem Pɔɔl, gee fum wan ba'ahum ze'ele Kaiza nɛŋan; la dela asira, ti Yinɛ bo' sɛba woo me n boi uureŋɔ wa puan la fum wa piirɛ.’

2 Tesaloniki 2:12

ti la bahɛ ti sɛba woo n ka nam yelemɛŋerɛ la, gee dikɛ la kunkɔma'ahum la dɛgerɔ tuuma la nyɛ sageŋɔ.

2 Tesaloniki 2:3

Da bahɛ ya ti se'em pã'ahɛ ya sadɔɔ seko puan. Se'ere en sɔi la, daan dinɛ daarɛ la kan wa'am na, han dagena pobiriga la n wa'am yia na. Se'em daana en ka kihi yele la, niiɛ a mɛŋa na, se'em ti la pun maahum biŋe ti a nyɛ sageŋɔ la.

Hiburuduma 1:1

Diimen diimen ha la, Yinɛ da tɔgɛ bo' tu yaabeduma mɛ saŋa zo'e zo'e, la sadɔtɔ zo'e zo'e, dɔla nɔtɔgeheba puan,

1 Zã 2:20

Gee Fa'a Daana la en sɔi yamam, ti ya za'a mina dina wa.

1 Zã 2:27

Han dɛna yamam, bi'ihegɔ seko ti ya to'e a zi'an la, boi ya puan mɛ, bala, ya ka eere nɛra ti a pa'alɛ ya. Gee a bi'ihegɔ la en pa'ali ya sɛla woo la, ti la me dɛna sira gee dagena pumpɔreŋɔ, wuu a bi'ihegɔ la en pun pa'alɛ ya se'em la, boni ya a puan.

1 Zã 4:6

Gee tumam ze'ele la Yinɛ zi'an na, se'em woo en mi' Yinɛ kelehe tumam mɛ, se'em woo n ka ze'ele Yinɛ zi'an na ka kelehe tu. Dina puan ti tu mina yelemɛŋerɛ sia, la pã'ahegɔ sia la.

1 Zã 5:6

Yezu Kiresta kana en bala doohe ko'om la ziim puan wa'am na na la. Dagi la a doohe la ko'om la ma'a puan wa'am na, gee ko'om la la ziim. Fa'a Sia la en de aze' nyɛ daana, se'ere en sɔi la, Sia la dela yelemɛŋerɛ.

Lilegere 1:1

Yezu Kiresta lilegere, ti Yinɛ lilege bo' en, ti a pa'alɛ a da'aba, sɛla en wan ba'ahum iŋɛ nananawa. A niiɛ dɛ doohe la en tum a suŋera, a yameŋa Yɔn zi'an na la.

Lilegere 1:19

Nananawa, gulehɛ sɛla ti fum nyɛ, sɛla en iŋɛ wa, la sɛla en wan iŋɛ ŋwana pooren.