Azã 15:5 - ZE'ELEGO PAALEGA

⁵ Mam n de ta'aŋa la, ti yamam dɛna yila. Sɛba n naaɛ la mam, ti mam me naaɛ la ba la wani zɔ'ɔra mɛ, se'ere zuo, la han dagena la mam puan, ya kan ta'am iŋɛ sɛla.

Farefare Ninkaré

⁵ Mam n de tɩa la, tɩ yãma dɛna wila la. Sɛka n boe la mam, tɩ mam bɔna la ẽ, ẽŋa dãana tõnnɩ tõon-sõma zɔ'ɔra mɛ, se'ere n soe la, ya ka tã wʋn ẽŋɛ sɛla sɛla, tɩ ya sãn ka bɔna la mam.

Azã 15:5 ပူးပေါင်းရင်းမြစ်များ

Amatie 13:21

gee nɛre-ina daana wa nyɛga ka ba, gee a yeen ŋmibe la fii wa, gee daaŋɔ bii mɛlehegɔ han paaɛ en yelefum wa zuo, a duma ni lu mɛ bilam bilam.

Azã 12:24

Yelemɛŋerɛ yelemɛŋerɛ ti n yɛta ya wa, ti beeleho han ka lu tintɔnɔ puan pu'ɛ, bu kelum dɛna la beeleho. Gee bu han lu timpaberɛ pu'ɛ yehe na, bu wan wam biili zo'e zo'e.

Azã 15:16

Yamam ka looe mam, gee mam n looe ya, gee tum ya ti ya kiŋɛ ta wam wala. Ya wam wala sɛ'a n kan pu'ɛ. Bala ti Sɔ la wan bo' ya sɛla woo ti ya soke en mam yu'urɛ puan.

Azã 5:19

Ti Yezu yele ba yeti, “N yeti ya la yelemɛŋerɛ yelemɛŋerɛ wa, ti Dayua la kan ta'an tuna a mɛŋa tuuma, han dagena sɛla ti a nyɛ ti Sɔ la tuna la. Sɛla woo ti Sɔ la tuna la, bala mɛa ti Dayua la tuna.

Azã 9:33

Buraa wa han ka ze'ele ni Yinɛ zi'an na, ka kan ta'am ni looe yele.”

Tõoma 4:12

Faarɛ ka boi se'em puan, se'ere n sɔi la, yu'se'ere ka boi sagbanɛ wa tiŋa bo' nɛresaaleba ti ba wan yi' de nyɛ faarɛ.”

Aromduma 12:5

bala mɛa ti tumam en zo'e se'em wa, dɛna iŋa kayima Kiresta puan. Gee la tu yima yima mɛa, tu dela iŋa kayima lɔgerɔ la taaba.

Aromduma 6:22

Gee nananawa ti ba nyaa faaɛ ya be'em puan bahɛ fai, gee ti ya dɛna Yinɛ da'aberɛ wa, sum sebo ti ya nyɛ dela sakerɛ. Ti de ba'ahegɔ dɛna la vom kamba'ahɛ.

Aromduma 7:4

La dela bala mɛa n zɔduma wa, yamam ki mɛ keehe ze'elego la, Kiresta inganɛ la puan, ti ya dɛna ayima dinɛ, ya dɛna se'em daana ti ba ihege en kum puan, ti tu ta'am wam wala bo' Yinɛ la.

1 Korẽntɩ 10:16

Sum wanɛ la ti tu ni ka' bahɛ de puan la, tu ni ka nyuura la Kiresta ziim la n bala de puan la? Boroboro la me ti tu ni gi'ihɛ la, tu ni ka tɔta la Kiresta iŋa la en bala?

1 Korẽntɩ 12:12

Wuu iŋa en de kayina gee tara luga zo'e zo'e se'em la, ti iŋa la luga la zo'e se'em gee dɛna inyiŋa se'em la, la ani la bala Kiresta puan.

1 Korẽntɩ 12:27

Nananawa, ya dela Kiresta iŋa, ti ya ayima ayima dɛna iŋa la luga.

2 Korẽntɩ 13:8

Se'ere en sɔi la, tu kan ta'am iŋɛ sɛla tuue yelemɛŋerɛ la, han dagena tu tuna yelemɛŋerɛ la ma'a.

2 Korẽntɩ 9:10

Yinɛ se'ere en bo'ori bumbuura ti ba buta, gee bɔ'ɔra buum ti ba dita la, wan bo' ya, gee nɔbɛ ya bumbuura ti ya wan burɛ, gee nɔbɛ ya tuuntɔɔ vom wala la ti ya kɛ̃' zo'e zo'e.

Galatɩ 5:22

Gee Sia la walɛ dela, nɔŋerɛ, nyɛɛma, suma'ahum, ŋmibega, pupɛɛla itesuŋɔ, la sakerɛ,

Efɛɛzɩ 5:9

Se'ere en sɔi la, niihum wa wala boi sɛla woo n ani suŋa, gee dɛna tuuntɔɔ, la yelemɛŋerɛ puan.

Filipi 1:11

Yan diŋɛ wam tuuntɔɔ wala sɛ'a en ze'eti Yezu Kiresta zi'an na, tara na'ahegɔ la pɛka bɔ'ɔra Yinɛ la.

Filipi 4:13

Mam ta'am iŋɛ sɛla woo se'em daana en bo'ori mam paŋa la puan.

Filipi 4:17

Dagi la n eere la bo'olum la, gee mam eere la nyuurɔ seto n wan kã'ahɛ zo'e zo'e beŋe bo' ya la.

Kolɔsɩ 1:10

ti ya vɔna vom sebo en nari bɔ'ɔra Daana la, ti ya vom za'a tigɛ a nini wuu yan wan wuna wala tuunsunɛ woo puan se'em la, la yan zo'ore Yinɛ mi'ilum puan se'em la.

Kolɔsɩ 1:6

n wa'am ya zi'an na la. Woo bumɔ en wani wala gee zɔ'ɔra se'em tiŋa wa zuo za'a se'em la, bala mɛa ti bu wuna wala ya puan, pɔhɛ daan se'ere daarɛ ti ya wum, gee bɔkɛ Yinɛ zu'uhegɔ la.

Yemesi 1:17

Beni zuo, abo'yabiyabi woo, la bo'olum sumɔ woo ze'eti la saazuo, Sɔ la en de niihum daana la zi'an sigera na. Se'em puan ti ŋmɛlema la lika ka bɔna doohe teere se'ere puan.

1 Pita 2:4

Wa'am ya a zi'an na, eŋa en de vom ɛ̃berɛ kugere la, la saaleba en pun zagehɛ en la, gee eŋa ti Yinɛ looe, ti a dɛna tuulum lɔkɔ Yinɛ nɛŋan.

2 Pita 3:18

Gee tugum zo'ore ya zu'uhegɔ, la ya mi'ilum tu Daana la tu faara Yezu Kiresta puan. Eŋa ti pɛka za'a dɛna a dinɛ, nananawa ta paara dabeherɛ se'ere en ka tari ba'ahegɔ la. (Taari.)