Azã 14:28 - ZE'ELEGO PAALEGA

²⁸ Ya wum mam pun yele ya yeti, ‘N yeti n kiŋɛ mɛ, gee le lebe ya zi'an na.’ Ya han nɔŋɛ mam, ya wan nyɛɛna, la mam n ye' Sɔ la zi'an la. Se'ere en sɔi la, Sɔ la gani mam mɛ.

Farefare Ninkaré

²⁸ Ya wõm mam n yele ya tɩ mam we'esɩ mɛ, la mam wʋn leme wa'am ya zẽ'am. Ya sãn nõŋɛ nɩ mam, ya wʋn ẽŋɛ nɩ sũ-yẽlʋm mam n we'esɩ m Sɔ zẽ'am na ĩyã. Se'ere n soe la, mam Sɔ la n gãnnɩ mam.

Azã 14:28 ပူးပေါင်းရင်းမြစ်များ

Amatie 12:18

“Bihɛ, mam yameŋa en ŋwana, se'em ti mam looe, Se'em ti mam suure nɔŋɛ, se'em en tigeri mam nini. N wan dikɛ n Sia iŋɛ a puan; a wan muulɛ buurɔ bo' sɛba en dagi Yuda buuri la za'a.

Azã 10:38

Gee mam han tuna a, ti ya pun ka nam bo' mam, nam ya tuuma la, la ya ta'am mina, gee baŋɛ ti Sɔ la boi mɛ la mam, ti mam me bɔna la Sɔ la.”

Azã 13:16

Yelemɛŋerɛ yelemɛŋerɛ ti n yɛta ya wa, ti yameŋa ka gani ka daana, bii bitunehi gana se'em n tum ba la.

Azã 14:12

Yelemɛŋerɛ yelemɛŋerɛ ti n yɛta ya wa, ti se'em woo n nam mam, me wan tuna tuuma sɛ'a ti mam tuna wa, a wan tum a pun gaŋɛ bala, beni zuo, mam ye' la Sɔ la zi'an.

Azã 14:18

“N kan bahɛ ya ti ya ana wuu kiibehi la. N lebere ya zi'an me na.

Azã 16:7

Gee la bala za'a, mam yeti ya la yelemɛŋerɛ wa, ti yamam sum zuo, la ani suŋa ti mam kiŋɛ. Se'ere n sɔi la, mam han ka kiŋɛ Tɛ'ɛla la kan wa'an ya zi'an na. Gee mam han kiŋɛ, n wan tum en ya zi'an na.

Azã 20:17

Ti Yezu yele en yeti, “Da nan gi' mam, se'ere n sɔi la n nan ka zom sɔ la zi'an. Gee kiŋɛ ta yele n suurɔ la yeti, ‘N yeti n kiŋɛ la n sɔ la n de ya sɔ la, la mam Yinɛ la n de ya Yinɛ la zi'an.’ ”

Azã 20:21

Ti Yezu yele ba yeti, “Suma'ahum bɔna la ya. Wuu sɔ la n tum mam na se'em la, bala mɛa ti mam me tuna ya.”

Azã 5:18

Ŋwana zuo, ti Yuuduma wa malum mu'ɛ la nini ɛɛra ba ko' en, beni zuo, a ka galum la vo'ohego daarɛ kiha la ma'a, gee a galum mɛ la eŋa en yi'iri Yinɛ ti a mɛŋa Sɔ, tara a mɛŋa makera la Yinɛ la.

Azã 7:33

Ti Yezu nyaa yeti, “Mam wan bɔna la ya mɛ dabeha fiiwa, gee lebe se'em n tum mam na la zi'an.

1 Korẽntɩ 11:3

Gee n boti ya bɔkɛ yeti, Kiresta en de buraa woo zuo daana, ti sira me dɛna a pɔga zuo daana, ti Yinɛ dɛna Kiresta zuo daana.

1 Pita 1:8

La yan pun ka nyɛ en la, ya nɔŋɛ en mɛ. La yan pun ka nyɛ en nananawa la, ya nam en mɛ, gee nyɛɛna mɛ la nyɛɛma kãtɛ sɛ'a en ka tari tɛka pirɛ suŋa.

Lilegere 1:11

yɛta mam yeti, “Gulehɛ iŋɛ gɔŋɔ puan, sɛla ti fum nyɛ wa, la fum bo' lageŋɔ tu yopɔi la. Bo' Ɛfisu, bo' Semirina, bo' Pɛgamum, bo' Tiyatira, bo' Sadise, bo' Filidelefiya gee bo' Laodisiya.”