Azã 14:27 - ZE'ELEGO PAALEGA

²⁷ Suma'ahum ti mam dikɛ baha ya. Mam mɛŋa suma'ahum ti mam dikɛ bɔ'ɔra ya. Mam ka bo'ori n suma'ahum wa wuu timpaberɛ zuo nɛreba n bo'ori ba suma'ahum se'em la. Da bahɛ ya ti ya suya daana, gee me da bahɛ ya ti dabeem tara ya.

Farefare Ninkaré

²⁷ Mam basrɩ sũ-mã'asʋm bɔ ya, mam mẽŋa sũ-mã'asʋm tɩ mam bɔ'ɔrɩ ya. Mam ka bɔ'ɔrɩ ya wʋ dũnia n bɔ'ɔrɩ se'em na. Da basɛ-ya tɩ ya sũure sã'am, da zɔta-ya dabeem.

Azã 14:27 ပူးပေါင်းရင်းမြစ်များ

Amatie 10:26

“Bala zuo, da tara ya dabeem la ba. Se'ere en sɔi la, sɛla ka boi pi' kan pilege, sɛla me ka boi sugɛ kan niiɛ na.

Aluki 1:79

Bo wan niiɛ bo' sɛba en zi' lika puan, la sɛba en boi Kum nyɔ̃pɔ̃hega puan. Bo wan niiɛ gu'ura tu nama suma'ahum sore la zuo.”

Aluki 10:5

Yire se'ere woo ti ya yeti ya kɛ̃ de puan, yia ni yele ya yeti, “Suma'ahum bɔna yire wa puan.”

Aluki 12:4

“N yeti ya mɛ wa, n zɔduma wa, da zoti ya sɛba en wan ku inganɛ wa ma'a gee kan ta'am iŋɛ se'ere pa'ahɛ la.

Aluki 2:14

“Pɛka paaɛ Yinɛ, se'em en boi saazuin zuin ha wa, gee ti timpaberɛ wa me zuo, suma'ahum bɔna la saaleba ti a zu'uhɛ ba la!”

Azã 14:1

“Da bahɛ ya ti ya suya daana, nam ya Yinɛ, gee nam mam me.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Azã 20:19

Dabeha ayopɔi pɔhega daarɛ zaanuurɛ, ti Yezu zahereba la lagehɛ bɔna yire deyima puan, gee yu' yire la nayahi za'a, dabeem n tari ba Yuuduma la zuo. Ba ta yeti ba bihɛ ti Yezu kɛ̃ na zɛ'a la ba, pu'uhɛ ba yeti, “Suma'ahum bɔna la ya.”

Azã 20:21

Ti Yezu yele ba yeti, “Suma'ahum bɔna la ya. Wuu sɔ la n tum mam na se'em la, bala mɛa ti mam me tuna ya.”

Azã 20:26

Ti la le paaɛ dabeha ayopɔi, ti Yezu zahereba la le lagehɛ yire la puan, ti Tɔmasi bɔna bini. Ti ba yu' yire la kulehi la za'a. La ban yu' kulehi, Yezu wa'am me na, zɛ'a la ba, gee yele ba yeti, “Suma'ahum bɔna la ya.”

Tõoma 10:36

Ya mi' yelehum sebo ti a yuum tum bo' Izirale buuri la, muula suma'ahum yelehum Yezu Kiresta puan. Eŋa n de sɛla woo Daana la.

Tõoma 18:9

Yu'uŋɔ kuyima ti Daana la yele Pɔɔl lilegere puan yeti, “Da tara dabeem, tɔgera, da sina.

Aromduma 1:7

Mam Pɔɔl n gulehɛ bɔ'ɔra la yamam sɛba woo ti Yinɛ nɔŋɛ ya, ti ya bɔna Arome tiŋa puan, ti Yinɛ yi' ya ti ya dɛna nɛresunduma la. Zu'uhegɔ dɛna ya dinɛ, ti suma'ahum en ze'eti Yinɛ en de tu Sɔ, la Daana Yezu Kiresta zi'an la dɛna ya dinɛ.

Aromduma 15:13

Nananawa,Yinɛ se'ere en sɔi beere puti'irɛ la, pirɛ ya la nyɛɛma woo la suma'ahum yan nam la zuo, ya pirɛ la beere puti'irɛ ti bu yabera doohe Fa'a Sia la paŋa puan.

Aromduma 5:1

Bala zuo, tumam en to'e buurɔ doohe sakerɛ puan la, tu tari suma'ahum mɛ la Yinɛ, suma'ahum buna wa ze'ele la tu Daana Yezu Kiresta puan na.

Aromduma 5:10

Se'ere en sɔi la, tumam nyaa daa han tugum dɛna Yinɛ dinduma, gee ti a dikɛ tu naaɛ la a mɛŋa, doohe a dayua kum la puan, sɛla en nyaa gani bala dela, en dikɛ tu naaɛ a mɛŋa la, tu wan nyɛ faarɛ a vom la puan.

Aromduma 8:6

Fum dikɛ fu puti'irɛ delum inganɛ wa la dela kum, gee fum dikɛ fum puti'irɛ delum Fa'a Sia la dela vom, la suma'ahum.

1 Korẽntɩ 1:3

Zu'uhegɔ dɛna ya dinɛ, la suma'ahum en ze'ele Yinɛ en de tu Sɔ la, la tu Daana Yezu Kiresta zi'an na, bɔna la ya.

Galatɩ 1:3

Zu'uhegɔ bɔna la ya, ti suma'ahum en ze'ele tu Sɔ Yinɛ, la tu Daana Yezu Kiresta zi'an bɔna la ya,

Galatɩ 5:22

Gee Sia la walɛ dela, nɔŋerɛ, nyɛɛma, suma'ahum, ŋmibega, pupɛɛla itesuŋɔ, la sakerɛ,

Galatɩ 6:16

Gee sɛba en wan dɔla pa'ali kuna wa la, suma'ahum, la a nimbɔ'zɔrɛ bɔna la ba, gee bɔna la Yinɛ Izirale paalega la.

Filipi 4:7

Ti Yinɛ suma'ahum la n gani bɔkerɛ za'a la, gu'ura ya suya la ya ti'ihegɔ sɛ ti zɛ'a kankaŋi Yezu Kiresta puan.

Kolɔsɩ 1:2

Tu gulehɛ bɔ'ɔra la nɛresunduma, la sakereba en de tu suurɔ Kiresta puan, bɔna Kolose tiŋa la. Zu'uhegɔ dɛna ya dinɛ, la Yinɛ en de tu sɔ la suma'ahum.

Kolɔsɩ 1:20

eŋa ti Yinɛ nini tigɛ ti a doohe a puan dikɛ sɛla woo naaɛ taaba bo' a mɛŋa, sɛla woo en boi timpaberɛ wa zuo, bii saazuo, doohe la Yinɛ en iŋɛ suma'ahum doohe la a ziim la pumpuuredɔɔ la zuo la.

Kolɔsɩ 3:15

Gee me bahɛ ti Kiresta suma'ahum pirɛ ya suya, yele se'ere zuo ti ba yi' ya na pa'ahɛ inganɛ deyina lageŋɔ la puan en bala. Gee la ya me bo'ori Yinɛ fara.

2 Tesaloniki 1:2

Zu'uhegɔ bɔna la ya, ti suma'ahum en ze'ele Yinɛ tu Sɔ, la tu Daana Yezu Kiresta zi'an na bɔna la ya.

2 Tesaloniki 3:16

Nananawa, suma'ahum Daana la mɛŋa wan bo' ya suma'ahum saŋa woo, sadɔɔ seko woo puan. Daana la bɔna la ya za'a.

2 Timoti 1:7

se'ere en sɔi la, Yinɛ ka bo' tu la dabeem Sia, gee a tugum bo' tu la Sia en tari paŋa, la nɔŋerɛ, la fum mɛŋa tarega.

Hiburuduma 13:20

Nananawa, Yinɛ se'em en de suma'ahum daana la, se'em daana en tari a piihi dunkiin kãtɛ wa ze'ele kum puan lebe na la, tu Daana Yezu Kiresta doohe a ziim la nɔpu'ulegɔ la en ka tari ba'ahegɔ la puan,

Hiburuduma 7:2

Ti Aberaham yehe lɔgeseto woo ti a nyɛ la puan, “Seko woo en pa'aheri pia la bo' en.” Yia, a yu'urɛ la vuurɛ dela, “Tuntɔɔ naba” Buyi', a dela Salem tiŋa naba, ti de vuurɛ dɛna la, “Suma'ahum naba.”

Lilegere 1:4

Mam Yɔn en gulehɛ bɔ'ɔra lageŋɔ tuyopɔi la en boi Esiya tiŋa puan la. Zu'uhegɔ bɔna la ya, ti suma'ahum en ze'ele se'em daana en de, gee daa dɛna, la se'em en ye' na la, la sɛɛhi siyopɔi la en ze' a na'am kuka la nɛŋan la,

Lilegere 2:10

Da zoti ya dabeem la yan boi bini ti ya namehɛ namehegɔ seko wa. Mini ya suŋa ti bumbe'o la maahum mɛ ti a bahɛ ti ba pagɛ ya sɛba paka deto puan, ti la dɛna makerɛ bo' ya, dabeha pia ti ba wan dikɛ pɔgelum ya. Gee tari ya sakerɛ ta paaɛ kum, gee ti n bo' ya vom muŋa la.

Lilegere 21:8

Gee han dɛna dabɛɛbehi la, la sɛba en ka sakɛ la, sɛba ti ba galum ba la, la nɛrekuureba la, yaluntuuma duma la, sɔ̃niniduma, bage kaabereba, la pumparenduma la za'a, ba bɔŋa zi'an ta bɔna la bugum mɔgerɛ la ti tahi taaɛ bugum dita la puan. Yi'i kum la en bala.”