Azã 14:26 - ZE'ELEGO PAALEGA

²⁶ Gee Tɛ'ɛla la kini na, Fa'a Sia la. Se'em ti Sɔ la wan tum en na mam yu'urɛ puan la. Eŋa wan pa'alɛ ya sɛla woo, gee tiiha ya sɛla woo ti mam yele ya la.

Farefare Ninkaré

²⁶ La Sõŋra la, mam Sɔ Nawẽnnɛ Sɩa la tɩ a wʋn tõm na mam yʋ'ʋrɛ tɩ a wa'am ya zẽ'am na, ẽŋa n wʋn zãsʋm ya sɛla woo, dee tẽegɛ ya bõn-sɛba wuu tɩ mam yele ya la.

Azã 14:26 ပူးပေါင်းရင်းမြစ်များ

Amatie 1:18

Nananawa, Yezu en de Kiresta la dɔgum en doohe la sadɔtɔ kuna. Lan wa eŋa ti a ma Mɛɛri yeti a ele Yosefe la. Gee se'em ma'a ti ba ta yeti ba nyaa zi'ire la taaba la, a nyɛ ti pun tara la puurɛ, Fa'a Sia la paŋa puan.

Amatie 1:20

Gee en ti'ihɛ ku ti a iŋɛ ŋwana wa la, ti Yinɛ suŋera niiɛ a mɛŋa bo' en zaaheŋɔ puan yi' en yeti, “Yosefe, Deviti dayua, da tara dabeem ti dabeem ti fum to'e Mɛɛri ti a dɛna fum pɔga. Se'ere sɔi la, bisɛka puurɛ ti a tara wa, dela Fa'a Sia la paŋa n bahɛ ti la iŋɛ bala.

Amatie 28:19

Bala, kiŋɛ ya timpaberɛ wa zuo za'a, la ya maahum zahereba bo' mam. Sɔ ya ba ko'om doohe, Sɔ la, la Dayua la, la Fa'a Sia yu'urɛ puan,

Amatie 3:11

“Mam sɔɔri ya mɛ la ko'om wa, ti la pa'alɛ ti ya tee ya puti'ira ya be'em puan. Gee se'em en bi'ihɛ gani mam boi mam pooren kina na. Mam pun ka seke ti n zãla a tagera. Eŋa wan sɔ ya mɛ la Fa'a Sia la, la bugum.

Amarkɩ 12:36

Fa'a Sia la yuum bahɛ ti Deviti purɛ yeti, ‘Daana la yele mam Daana yeti, “Zi'ire mam zuɔ nu'o bɔba wa na, gura ti n bahɛ ti fum dinduma lebege fum na'tagelega.” ’

Amarkɩ 13:11

Ba han ta nyɔgɛ ya kiŋɛ yele gakereba zi'an da fabele ya, ya wan ta tɔgɛ se'em. Gee yeen yele ya se'ere woo n wa'am ya nuuren na sankaŋa puan la, se'ere en sɔi la, la dagi yamam n tɔgeri, gee la dela Fa'a Sia la.

Aluki 1:15

se'ere en sɔi la, ka yeti ka dɛna la nɛre kãtɛ, Daana la zi'an. Ka da makɛ nyu daam bii sɛla en kpe'em. Ba ta dɔgera ka la, ti ka pun pirɛ mɛ la Fa'a Sia la.

Aluki 1:35

Ti Suŋera la yele en yeti, “Fa'a Sia la wan sige fum zuo, ti Gani Za'a Daana paŋa pi' fum. Bala zuo, bia la ti fum yeti fum dɔgɛ la wan dɛna la Fa'a. Ba wan yi'ira ka la Yinɛ Dayua.

Aluki 1:41

Ti Elizabɛte en wum Mɛɛri pu'uhegɔ la, bia la damɛ mɛ a puuren ha. Ti Elizabɛte pirɛ la Fa'a Sia la,

Aluki 1:67

Ti bia wa sɔ Zekariya, pirɛ la Fa'a Sia la, nyaa purɛ purega wa yeti,

Aluki 11:13

Yamam en tugum dɛna be'em duma, han mina yan bo'ori ya kɔma bo'olum suma se'em, Ŋwani ti ya Sɔ en boi saazuo ha kan bo' sɛba en suhɛ en Fa'a Sia la gaŋɛ bala.”

Aluki 2:25

Bala ma'a ti buraa kayima en boi Yerusalɛm ti ka yu'urɛ yi'ira Simeyɔn, dɛna tuuntɔɔ, kaabɛ a mɛŋa bo' Yinɛ, gee gura Izirale sumbugelegɔ dabeherɛ la. Ti Fa'a Sia pirɛ en.

Aluki 24:49

Nyaa bihɛ ya, n yeti n tum la mam Sɔ la n biŋe nuurɛ ti a iŋɛ se'em la. Bala, boni ya tinkana wa puan gura ti ba ta pirɛ ya la saazuo paŋa.”

Aluki 3:22

Ti Fa'a Sia la sige a zuo na, la naanɛ en ani wuu dayene la. Ti kua ze'ele saazuo ha tɔgɛ bahɛ na yeti, “Fum en de mam Dayua ti n nɔŋɛ, mam nini tigɛ mɛ la fum.”

Azã 1:33

Mam mɛŋa la ka mi' en, gee se'em en tum mam na ti n bo' nɛreba ko'omsua la en yele mam yeti, ‘Se'em ti fum nyɛ ti Fa'a Sia la sige na yagelɛ a zuo la, eŋa en de se'em n sɔɔri nɛreba la Fa'a Sia la.’

Azã 12:16

Yezu zahereba la ka bɔkɛ yele ana wa yia yia ha la, gee Yezu n da ta to'e a suŋa ba'ahɛ la, ti ba nyaa tiɛ ti yele ana wa woo gulehɛ bɔna gɔŋɔ la puan mɛ doohe Yezu puan, ti ba dikɛ a za'a iŋɛ en.

Azã 14:16

Bala ti n wan soke n Sɔ la, ti a wan bo' ya Nu'pu'ŋmɛ'ɛra ayima en kpe'em paaɛ paaɛ ti a bɔna la ya wuuha.

Azã 14:25

“N yeti ya yele ana wa woo ti n nan boi la ya wa.

Azã 15:26

“Gee Tɛ'ɛla la han wa'am na, se'em ti mam wan tum en ti a ze'ele Sɔ la zi'an na la, se'em n de Fa'a Sia la en de yelemɛŋerɛ, ze'ele mam Sɔ la zi'an na la, a wan tɔgera la mam yele bɔ'ɔra ya.

Azã 16:7

Gee la bala za'a, mam yeti ya la yelemɛŋerɛ wa, ti yamam sum zuo, la ani suŋa ti mam kiŋɛ. Se'ere n sɔi la, mam han ka kiŋɛ Tɛ'ɛla la kan wa'an ya zi'an na. Gee mam han kiŋɛ, n wan tum en ya zi'an na.

Azã 2:22

En nyaa wa ihege a kum la puan la, ti a zahereba la tiɛ ti a tabelɛ tɔgɛ tugum wa, ti ba malum nam gulehegɔ la, la yelehum la ti Yezu tɔgɛ bo' ba la.

Azã 20:22

En yele ba ŋwana ba'ahɛ la, a pebele la sabeeo tuule ba, gee yele ba yeti, “To'e ya Fa'a Sia la.

Azã 6:45

La gulehɛ bɔna nɔtɔgeheba gɔŋɔ puan yeti, ‘Yinɛ mɛŋa wan pa'alɛ ba za'a.’ Se'em woo n wum Sɔ la kua, gee zamehɛ Sɔ la zi'an n ye' mam zi'an na.

Azã 7:39

Yezu n yeti ŋwana la dela, Fa'a Sia la ti sɛba n nam en la wan to'e la. Saŋa kana wa puan la, ti Fa'a Sia la nan ka wa'am na se'ere n sɔi la, Yezu nan ka to'e a suŋa.

Tõoma 1:2

ta paaɛ daan se'ere daarɛ ti a zom saazuo la. Gee ti a zom saazuo la, a daa bo' la pa'alegɔ Fa'a Sia la puan, bo' a tuntuneba la ti a mɛŋa looe la.

Tõoma 1:4

En wa vo'e na bɔna la ba la, a bo' ba la nuurɛ yeti, da yehe ya Yerusalɛm wa puan, gee guri ya nɔbiŋere se'ere ti Sɔ biŋe la. A yeti, “Dina” wa “n bala ti ya wum ti n tɔgera de yele yeti,

Tõoma 1:8

Gee yamam wan ta to'e paŋa, Fa'a Sia la han ta sige ya zuo na, ti ya dɛna mam aze' nyɛ duma, Yerusalɛm, la Yudiya za'a puan, la Samariya, la timpaberɛ wa luga za'a.”

Tõoma 11:16

Ti mam tiɛ tu Daana yelehum la, en daa wa yeti, ‘Yɔn sɔɔri ya mɛ la ko'om, gee ba wan ta sɔ yamam mɛ la Fa'a Sia la.’

Tõoma 13:2

Daarɛ deyima ti ba bɔna Daana la na'ahegɔ puan la nɔlurɛ, ti Fa'a Sia la tɔgɛ yeti, “Yehe ya Banabase la Sɔɔl ze'ele bo' tuunse'ere ti mam yi' ba ti ba tum la.”

Tõoma 13:4

Bala, Fa'a Sia la n tum ba ti ba yehe la, ba kiŋɛ Kilikiya, ze'ele bilam zom uureŋɔ kaaɛ Sapuruse.

Tõoma 15:28

Yelemɛŋerɛ la dagi Fa'a Sia la, la tumam me puti'irɛ ti tu pɛregɛ zeero le pa'ahɛ zeseto n pun bɔna ya zuo wa, han dagi yele sɛ'a en pakɛ wa.

Tõoma 15:8

Gee Yinɛ se'em n mi' asaala suuren la, pa'alɛ yeti ba nari mɛ doohe la n bo' ba a Fa'a Sia la, wuu en yuum bo' tumam se'em la.

Tõoma 16:6

Ti ba doohe Firigiya la Galatia sɔ'ɔlum la puan za'a kaaɛ, doohe la Fa'a Sia la n ka bo' ba sore ti ba muulɛ yelehum la Esiya tiŋa puan la zuo.

Tõoma 2:33

En nyaa paaɛ zi'ire Yinɛ na'am paŋa kuka la zuo la, a to'e Fa'a Sia la ti Yinɛ n de Sɔ biŋe nuurɛ ti a wan bahɛ ti a wa'am na la, bala ti a ka'ɛ ŋwana wa bahɛ tumam zuo, ti ya za'a nini nyɛ ti ya tuba wum

Tõoma 2:4

Ti Fa'a Sia la pirɛ ba za'a, ti ba pɔhɛ tɔgera yetɔgesaahi yima yima, wuu Fa'a Sia n bo' ba paŋa se'em la.

Tõoma 20:28

Biheri ya, ya mɛhi suŋa, gee me biha piihi la ti Fa'a Sia la dikɛ ya ti ya biha la. Ya biha Yinɛ lageŋɔ la ti a dikɛ a mɛŋa Dayua ziim to'e ku la.

Tõoma 20:35

Yele ana wa woo puan la, mam iŋɛ mɛ pa'ali ya, ti tu han tuna bala tu wan ta'am suŋɛ sɛba n ka kpe'em la, doohe la tumam n tɛri tu Daana Yezu yelehum la. Se'ere n sɔi la, eŋa yeti, ‘Sunkãtɛ boi mɛ la se'em n bo'ori, gana se'em n to'ohe.’ ”

Tõoma 28:25

Bala, ba ka sakɛ bo' taaba, bala zuo la, ban yiregerɛ la, Pɔɔl tɔgɛ yele deyima ma'a yeti: “Fa'a Sia la yuum tari la buurɔ la a yele ya yaabeduma doohe nɔtɔgeha Azaaya puan yeti,

Tõoma 5:3

Ti Pita soke “Ananiya” yeti, “Ŋwani ti Sagena la pirɛ fum suure paaɛ bala ti fum parum bo' Fa'a Sia, doohe fum aaɛ samanɛ la ti fum koohe la ligeri i se'ehi biŋe la?

Tõoma 7:51

“Tube-kpirega duma wa, ya suya digelum mɛ ti ya tuba li', saŋawoo yamam kan malum nam bo' Fa'a Sia la, ya kɔ'ɔm ita mɛ wuu ya yaabeduma en yuum iti se'em la.

Tõoma 7:55

Gee ti Fa'a Sia la pirɛ en, ti Siteven gorege bihɛ saazuo ha, nyɛ Yinɛ suŋa, ti Yezu zi'a Yinɛ zuɔ nu'o.

Aromduma 14:17

Se'ere en sɔi la, Yinɛ sɔ'ɔlum la puan dagi la dia la nyua, gee tuuntɔɔ vom, suma'ahum la nyɛɛma Fa'a Sia la puan.

Aromduma 15:13

Nananawa,Yinɛ se'ere en sɔi beere puti'irɛ la, pirɛ ya la nyɛɛma woo la suma'ahum yan nam la zuo, ya pirɛ la beere puti'irɛ ti bu yabera doohe Fa'a Sia la paŋa puan.

Aromduma 15:16

ti n dɛna Kiresta Yezu tuntuna bo' sɛba en dagi Yuda buuri la, malema daana tuuma Yinɛ faarɛ yelehum wa puan, ti sɛba en dagi Yuda buuri wa la, Yinɛ to'e ba kaabegɔ, ti Fa'a Sia la pee ba.

Aromduma 5:5

ti beere puti'irɛ wa me kan diihe tu vi, beni zuo, Yinɛ ka'ɛ la nɔŋerɛ bahɛ tu suya puan, doohe Fa'a Sia la ti a bo' tu la puan.

1 Korẽntɩ 12:3

Bala zuo, n boti ya bɔkɛ mɛ ti, nɛra ka boi tɔgera Yinɛ Sia la paŋa puan tabelɛ, “Puta baha Yezu zuo.” Bii nɛra ta'am yeti “Yezu en de Daana,” han dagena Fa'a Sia la paŋa puan.

1 Korẽntɩ 6:19

Bii ya ka mi' ti ya iŋa la dela pu'uhegɔ yire bo' Fa'a Sia la en boi la ya la, se'em ti ya daa to'e Yinɛ zi'an la. Bala, ya ka le sɔna ya mɛhi?

2 Korẽntɩ 13:14

Tu Daana Yezu Kiresta zu'uhegɔ, Yinɛ nɔŋelum, Fa'a Sia suunuurɛ bɔna la ya za'a.

2 Korẽntɩ 6:6

Zulaam, mi'ilum, sugeri, itesuŋɔ, Fa'a Sia puan tuntɔɔnɛ, yelemɛŋerɛ nɔŋerɛ,

Efɛɛzɩ 1:13

Eŋa puan ti yamam me en wum yelemɛŋerɛ yelehum la en de ya faarɛ yelehum la, me daa nam en, ti ba di'e ya la daalehum sebo en de Fa'a Sia la ti Yinɛ biŋe nuurɛ ti a wan bo' la.

Efɛɛzɩ 1:17

N pu'uheri mɛ ti tu Daana Yezu Kiresta Yinɛ la, se'em en de zu'uhegɔ za'a Sɔ la, wan bo' ya a yɛm, la lilegere Sia, yan wa'am na ti ya baŋɛ en wa.

Efɛɛzɩ 4:30

Me da dɛgɛ ya Yinɛ Fa'a Sia la suure, sɛ sɛka ti Yinɛ di'e ya, daalɛ ya a mɛŋa daalehum gura faarɛ daarɛ la.

1 Tesaloniki 4:8

Ŋwana zuo, se'em woo en zagehɛ yele ana wa, ka zagehɛ la asaala kpe'eŋo gee Yinɛ, se'em me en bo'ori tu a Fa'a Sia la.

2 Timoti 1:14

Tara tuulum yelesɛ'a en dikɛ iŋɛ fum puan la suŋa, doohe la Fa'a Sia la en boi tu puan la.

Taitusi 3:5

a faaɛ tu mɛ, dagi la tu tuntɔɔnɛ tuuma ti tu tum zuo, gee a nimbɔ'zɔrɛ la, doohe ko'om dɔgum paalemɔ la, la teere se'ere ti Fa'a Sia la tee tu la.

Hiburuduma 10:15

Fa'a Sia la dela aze'nyɛdaana bo' dina wa, en yele tu yeti,

Hiburuduma 2:4

ti Yinɛ mɛŋa en de aze'nyɛ daana la ba, la nyalema la kirehi, la paŋa tuuma yima yima, doohe Fa'a Sia la bo'olum la ti a tɔrɛ bo' doohe a mɛŋa sumboolum la.

Hiburuduma 3:7

Bala zuo, wuu Fa'a Sia la en yele se'em ti, “Zina, ya han wum Yinɛ kua,

Hiburuduma 9:8

Ŋwana ti Fa'a Sia la pa'alɛ yeti, sadɔɔ seko en dole kɛ̃'ɛra saraa la puan la nan ka yu'ɛ, yia tanɛ deo la en nan kelum zɛ'a la.

1 Pita 1:12

La yuum niiɛ pa'alɛ ba yeti, ba ka tuni bɔ'ɔra la ba mɛhi, gee tumam, doohe yelesɛ'a en nyaa muulɛ bo' ya nananawa, doohe sɛba en tari faarɛ yelehum wa na bo' ya la, doohe Fa'a Sia la ti Yinɛ tum en saazuo ha bahɛ na la.Yele sɛ'a ti suŋereba mu'ɛ nini ti ba nyɛ la.

2 Pita 1:21

beni zuo, purega ka tabelɛ ze'ele asaala sumboolum puan na, gee saaleba, buraahi la pɔgehi en ze' zulaam, ti Fa'a Sia la tɔgɛ Yinɛ zi'an doohe ba puan.

1 Zã 2:20

Gee Fa'a Daana la en sɔi yamam, ti ya za'a mina dina wa.

1 Zã 2:27

Han dɛna yamam, bi'ihegɔ seko ti ya to'e a zi'an la, boi ya puan mɛ, bala, ya ka eere nɛra ti a pa'alɛ ya. Gee a bi'ihegɔ la en pa'ali ya sɛla woo la, ti la me dɛna sira gee dagena pumpɔreŋɔ, wuu a bi'ihegɔ la en pun pa'alɛ ya se'em la, boni ya a puan.

1 Zã 5:7

Ba dela batã en de aze' nyɛ duma. Tinsuŋan, Sɔ la, Yelehum la, la Fa'a Sia la. Bana batã dela bunyinɛ.

Azudi 1:20

Gee yamam n sunɔŋerɛ duma wa, mɛ ya mɛhi yagelɛ tuulum sakerɛ la zuo. Pu'uheri Fa'a Sia la puan.

Lilegere 2:11

Bahɛ ti se'em woo n tari tuba, a kɛleha Fa'a Sia la en yeti se'em bɔ'ɔra lageŋɔ la za'a la. Se'em woo en nyaŋɛ, kum buyi' la kan paaɛ en.