Azã 14:21 - ZE'ELEGO PAALEGA

²¹ Se'em n mi' mam Pa'alegɔ duma la, gee dɔla a n de se'em n nɔŋɛ mam. Se'em en nɔŋɛ mam la, mam Sɔ la me wan nɔŋɛ en, ti mam mɛŋa me nɔŋɛ en, gee niira n mɛŋa pa'ala en.”

Farefare Ninkaré

²¹ Sɛka n bãŋɛ mam nõorɛ la tɩ mam bɔ la, dee sakra ɩta bɛla, la de la ẽŋa n nõŋɛ mam. Mam Sɔ la wʋn nõŋɛ sɛka n nõŋɛ mam na mɛ. La mam wʋn nõŋɛ ẽŋa dãana, dee dɩkɛ m mẽŋa pa'alɛ ẽ.»

Azã 14:21 ပူးပေါင်းရင်းမြစ်များ

Aluki 11:28

Gee Yezu yele en yeti, “Sum tugum bɔna mɛ la sɛba en wum Yinɛ yelehum wa gee gurɛ bu suŋa suŋa.”

Azã 14:15

“Ya han nɔŋɛ mam, ya wan gurɛ mam pa'alegɔ kankaŋi.

Azã 14:18

“N kan bahɛ ya ti ya ana wuu kiibehi la. N lebere ya zi'an me na.

Azã 15:14

Yamam dela mam zɔduma, ya han ita mam bo' ya nuurɛ ti ya ita sɛla la.

Azã 16:14

A wan bo' mam pɛka, se'ere n sɔi la, a wan dikɛ la sɛla n de mam dinɛ, muulɛ bo' ya.

Azã 16:27

se'ere en sɔi la, Sɔ la mɛŋa nɔŋɛ ya mɛ, la yamam n nɔŋɛ mam, gee nam ti mam ze'ele la Yinɛ zi'an na la.

Azã 17:23

Mam bɔna la ba, ti fum bɔna la mam, ti bamam me naaɛ taaba bi'ɛ kahegɛ dɛna buyina, ti timpaberɛ wa zuo nɛreba baŋɛ ti fum tum mam na, gee me nɔŋɛ ba wuu fum nɔŋɛ mam se'em la.

Tõoma 22:18

ti n nyɛ en ti a yɛta mam yeti, ‘Iŋɛ kalam la fum yehe Yerusalɛm wa tɔtɔ, se'ere n sɔi la, ba kan to'e fum yeti fum tɔgɛ mam yele se'em wa.’

2 Korẽntɩ 12:8

Sugum nuuren butã ti mam suhɛ Daana la yele wa zuo ti de bahɛ mam,

2 Korẽntɩ 3:18

Gee tumam za'a pilehe tu nɛhi bahɛ mɛ, gee biha Daana la suŋa la, wuu biheŋa puan la, ti la tee tu, ti tu tara Yezu naanɛ, zɛ'ɛta suŋa puan malum paara suŋa puan. Yele dina wa ze'eti la Daana la n de Fa'a Sia la zi'an.

2 Korẽntɩ 4:6

Se'ere en sɔi la, la dela Yinse'ere n daa yeti, “Bahɛ ti niihum ze'ele lika puan niiɛ na la,” Yinɛ dinɛ mɛa n niiɛ tumam suya puan, ti a bo' tu a mi'ilum niihum la, n de Yinɛ suŋa niira Yezu Kiresta nɛŋa puan la.

2 Tesaloniki 2:16

Nananawa, tu Daana Yezu Kiresta mɛŋa, la Yinɛ en de tu Sɔ se'em en nɔŋɛ tɔ gee doohe a zu'uhegɔ puan, bo' tu sumbugehum la beere putɛ'sunɛ en ka tari ba'ahegɔ la,

2 Timoti 4:22

Daana la bɔna la hɔ sia, zu'uhegɔ bɔna la hɔ.

1 Zã 2:5

Gee se'em woo en nane a yelehum la, yelemɛŋerɛ, nɛre-ina daana puan, Yinɛ nɔŋerɛ la bi'ɛ paaɛ mɛ a puan. Dina ti tu wan baŋɛ ti tu boi a puan.

1 Zã 3:1

Bihɛ ya nɔŋerɛ kãtɛ se'ere en boi de tɔka ti Sɔ la dikɛ bo' tu, ti ba yi'ira tumam Yinɛ kɔma. Ɛ̃ɛ tumam en sirum de sɛba n bala. Se'ere en sɔi ti tiŋa wa ka mina tu la dela, tiŋa wa yuum ka ka mi' en.

1 Zã 5:3

Yinɛ nɔŋerɛ en de se'em ŋwana, ti tu nana a nɔze'elego la. A nɔze'elego la me ka tibegɛ vilegera,

2 Zã 1:6

Nɔŋerɛ n ŋwana, ti tu vɔna dɔla a nɔze'elego la, nɔze'elego la dela, wuu fum wum de se'em pi'ileŋo na la, dɔla a.

Lilegere 2:17

Bahɛ ti se'em woo en tari tuberɛ, a kɛleha Sia la en yeti se'em bɔ'ɔra lageŋɔ la za'a la. Fum se'em woo en nyaŋɛ, n wan bo' en maana dia la basɛba en dikɛ sugɛ la, gee bo' en maanɛ kugepeele, ti kugere wa zuo, ba gulehɛ la a yu'paalɛ iŋɛ de zuo, yu'se'ere ti se'em ka mina, han dagena fum se'em daana en to'e de la ma'a.

Lilegere 22:14

Sum wan bɔna la sɛba en pee ba futo, bala ti ba wan tara sore ti ba paaɛ vom tia la, gee me ta'am doohe tiŋa la nayahi la puan kɛ̃.

Lilegere 3:20

Kelehe ya, mam ze' la kuleŋa la nuuren ŋmɛ'ɛra, se'em han wum mam kua gee yu'ɛ kuleŋa la, n wan kɛ̃ a zi'an na, di la en, ti a me di la mam.