Azã 12:48 - ZE'ELEGO PAALEGA

⁴⁸ Se'em n zagehɛ mam gee ka to'e mam yelehum la, tari se'em n wan gakɛ en mɛ. Ba'ahegɔ daarɛ la, yelehum sebo ti mam tɔgɛ wa n wan dɛna gakera.

Farefare Ninkaré

⁴⁸ Sɛka n zagsɛ mam, ka sakɛ mam yetɔga la, a tarɩ sɛka n wʋn di a sarɩya. La de la yetɔga la tɩ mam tɔgɛ la n wʋn pa'alɛ tɩ a ka tarɩ bʋʋrɔ dũnia ba'asgɔ daarɛ.

Azã 12:48 ပူးပေါင်းရင်းမြစ်များ

Amatie 10:15

N yeti ya la yelemɛŋerɛ ti, gakerɛ daarɛ la, la wan ta ana ma'ma' bo' Sodom la Gomora tihi gana tinkaŋa taaba.

Amatie 21:42

Ti Yezu yele ba yeti, “Yamam ka tabelɛ kãalɛ gɔŋɔ la puan n yeti, ‘Tɔŋɔ seko ti mɛteba la zagehɛ la, tɔŋɔ kuŋɔ n ni ta dɛna ɛ̃berɛ de mɛŋa tɔŋɔ la. Daana la n tuun-dina wa bala, ti tu biha ti la dɛna pakerɛ paaɛ paaɛ.’

Amatie 25:31

“Asaala Dayua han ta wa'am la a suŋa la, ti suŋereba la za'a dɔla en la, a nyaa wan zi'ire a suŋa na'am kuka la zuo.

Amarkɩ 12:10

Ya ka kãalɛ gɔŋɔ la ze'kana wa en yeti, ‘Kugese'ere ti mɛta zagehɛ la kugedinɛ en ta dɛna ɛberɛ kugere.

Amarkɩ 16:16

Se'em woo n sakɛ bo' yelehum la gee sɔ ko'om n wan nyɛ faarɛ, gee se'em woo me n ka sakɛ wan nyɛ sageŋɔ.

Amarkɩ 8:31

Ti Yezu pɔhɛ pa'ala a zahereba la yeti, Asaala Dayua wan doohe namehegɔ kãtɛ puan, ti pu'uhegɔ yire kiinduma, la malema kiinduma, la gɔnmi'ineba zagehɛ en, gee ti ba ku en. Gee dabeha atã daarɛ, a wan vo'e kum la puan.

Aluki 10:16

“Se'em woo en kelehe ya, kelehe la mam. Se'em woo me en zagehɛ ya, zagehɛ la mam. Ti se'em woo me en zagehɛ mam, zagehɛ la se'em en tum mam na la.”

Aluki 17:25

Gee yia, la dela a ŋmibe namehɛ kãtɛ puan, ti zina beere nɛreba wa zagehɛ en.

Aluki 20:17

Ti Yezu bihɛ ba zii, gee yeti, “Tɔgebuna wa vuurɛ dela deni? ‘Kugese'ere ti mɛteba zagehɛ la, kugedinɛ mɛa en de ɛ̃berɛ la zuo’?

Aluki 7:30

Gee Farasiiduma la, la yetɔge tɔgereba n ka sakɛ ti Yɔn sɔ ba ko'om la, zagehɛ la Yinɛ n tari se'ere bɔ'ɔra ba la.)

Aluki 9:22

sɛ:Gee yeti, “Asaala Dayua la wan doohe namehegɔ kãtɛ puan tole, ti kiinduma, malema kiinduma, la gɔnmi'ineba la zagehɛ en, gee ti ba ku en, gee dabeha atã daarɛ, a wan vo'e.”

Aluki 9:26

Se'em en tari vi la mam, la n yelehum wa la, eŋa ti Asaala Dayua wa wan ta tara vi la en, n han ta lɛbera na la n suŋa la puan la, Sɔ suŋa puan la, la Fa'a suŋereba suŋa la.

Azã 11:24

Ti Maata lebehe Yezu yeti, “Mam mi' ti a wan ta vo'e la ihigere daarɛ la n de ba'ahegɔ daarɛ la.”

Azã 5:45

Da ti'ihɛ ya ti mam n wan ta ze'ele Sɔ la nɛŋan zɛregɛ ya. Se'em n zɛregɛ ya dela Moose, se'em ti ya dikɛ ya puti'irɛ delum la.

Azã 6:39

Ti dina wa n de se'em daana n tum mam na la sumboolum yelemɛŋerɛ. Ti n da bɔregɛ se'em, sɛba woo ti a dikɛ bo' mam la puan bahɛ, gee n ihige ba ba'ahegɔ daarɛ.

Azã 8:47

Se'em woo en ze'ele Yinɛ zi'an na, wuni Yinɛ yelehum mɛ. Se'ere zuo ti yamam ka wuna yelehum la dela, ya ka ze'ele Yinɛ zi'an na.”

Tõoma 17:31

Se'ere n sɔi la, a looe la dabeherɛ biŋe, ti daan dinɛ daarɛ ti a wan gakɛ nɛrawoo n boi timpaberɛ wa zuo tuuntɔɔ. A wan doohe la buraa kayima ti a mɛŋa looe la, doohe eŋa puan ti putɛ'kɔ'ɔrɛ bɔna, eŋa n ihege en kum puan la.”

Tõoma 3:23

La wan ta dɛna se'em la dela, fum se'em woo n ka ta kɛleha nɔtɔgeha kaŋa la, ba wan vuuɛ n nɛreba la puan bahɛ.’

Aromduma 2:16

daan se'ere daarɛ, wuu vom yelehum la en yele se'em yeti, Yinɛ wan doohe Kiresta Yezu puan gakɛ sɛla woo en sugɛ nɛre woo suuren la.

2 Korẽntɩ 4:3

Tumam yelehum wa han pun pi' mɛ, bu pi' la sɛba en baheri yoo la zi'an.

2 Tesaloniki 1:8

Kina na la bugum en diti zigi zigi, lɛregera sɛba en ka mi' Yinɛ, la sɛba en ka nam Daana Yezu faarɛ yelehum la.

Hiburuduma 10:25

da zagehera ya lagena taaba, wuu basɛba itegɔ en de se'em la, gee ya kpɛmeha taaba, malum ita de gana bala, wuu yan nyɛ ti dabeherɛ la pɔri la.

Hiburuduma 12:25

Bihɛ ya suŋa la ya da zagehɛ se'em en kageri ya wa. Nɛreba daa han ka piiɛ ban da zagehɛ se'em en daa kagɛ ba tiŋa wa zuo la, tumam yeti tu iŋɛ la ŋwani piiɛ la fii me, tu ha zagehɛ se'em en kageri tɔ saazuo na wa.

Hiburuduma 2:3

ŋwani ti tu wan ta'am piiɛ, tu han zagehɛ faarɛ kãtɛ dina wa? Tu wum bu yele yia la Daana la mɛŋa zi'an, ti sɛba en wum bu a mɛŋa nuuren la me yele tu ti bu dela bala,

Hiburuduma 4:12

Yelemɛŋerɛ, Yinɛ yelehum la vɔi mɛ gee tuna, dita gana su'a en tari nɔya ayi' la, ni ŋmaaɛ vo'ohum la ta paaɛ sia la, la inganɛ zi'an woo, ta ta' la kɔba, la a tomehego zi'ihi woo la sɛla en boi kuba la puan ha za'a. Yelehum la mi' suure puan ti'ihegɔ woo mɛ la de maaheŋɔ woo.

1 Pita 1:5

Yamam sɛba ti Yinɛ paŋa gu'ura ya doohe ya sakerɛ puan la, ya faarɛ la wan niiɛ ba'ahegɔ saŋa la na.

2 Pita 3:3

Yia, ya za'a dela ya bɔkɛ ti, ba'ahegɔ dabeha la puan, sinsɛhi wan wa'am na, sɛna la ba mɛhi kunkoma'ahum,

2 Pita 3:7

Yelehum bumɔ mɛa en tɔgɛ biŋe, ti zina beere saazuo la timpaberɛ wa gura ba sige bugum puan la. Ba gã' gura la gakerɛ dabeherɛ la, la sɛba en ka zoti Yinɛ la sageŋɔ dabeherɛ la.