Azã 10:33 - ZE'ELEGO PAALEGA

³³ Ti Yuuduma la lerege en yeti, “La dagi la fum tuunsunɛ se'ere zuo, gee tuurɛ la. Beni zuo, fum wa n kɔ'ɔm dɛna asaala gee dikera fum mɛŋa lɛbegera Yinɛ la zuo.”

Farefare Ninkaré

³³ Tɩ Zifdõma la lerge ẽ yetɩ: «La dagɩ tõon-sõma yelle tɩ tõma bɔɔra tɩ tɩ lobe fʋ la kuga kʋ, la de la Nawẽnnɛ yʋ'ʋr-sã'aŋɔ la ĩyã, fõn de nẽrsaala dee ẽŋɛ fʋ mẽŋa tɩ fõn de la Nawẽnnɛ na ĩyã.»

Azã 10:33 ပူးပေါင်းရင်းမြစ်များ

Azã 10:24

Ti Yuuduma la lagehɛ taaba wa'am na kaaɛ en bahɛ tiŋasuka, sokere en yeti, “Fum boti tu gu'uhi ta paaɛ la wani? Fum han dɛna la Kiresta la, kɔ'ɔm tiɛ nɛŋa yele tu.”

Azã 10:30

Sɔ la, la mam dela buyina.”

Azã 10:32

Ti Yezu yele ba yeti, “Mam tum la tuunkãra zo'e zo'e ya ninin n Sɔ la yu'urɛ puan. Yele ana wa dinɛ zuo ti ya yeti ya lobe mam wa?”

Azã 19:7

Ti Yuuduma la lerege naba wa yeti, “Tumam tari la tu ze'elego, ti ze'elego la puan, a dela a ki, la eŋa n yeti eŋa dela Yinɛ dayua la.”

Azã 5:18

Ŋwana zuo, ti Yuuduma wa malum mu'ɛ la nini ɛɛra ba ko' en, beni zuo, a ka galum la vo'ohego daarɛ kiha la ma'a, gee a galum mɛ la eŋa en yi'iri Yinɛ ti a mɛŋa Sɔ, tara a mɛŋa makera la Yinɛ la.

Aromduma 13:1

Bahɛ ya ti nɛra woo sigehe a mɛŋa bo' timbihega kpɛ'ɛnduma la, se'ere en sɔi la kpe'eŋo ka boi han dagena Yinɛ. Kpe'eŋo seko woo en boi wa, Yinɛ en sɛ ba ze'ele.

Filipi 2:6

Eŋa se'em, en daa pun dɛna Yinɛ mɛŋa naanɛ la, a daa ka bihɛ eŋa en zuni la Yinɛ la, ti la dɛna sɛla bo' en. Dɛna sɛla ti a gurɛ kankaŋi,