Azã 10:30 - ZE'ELEGO PAALEGA

³⁰ Sɔ la, la mam dela buyina.”

Farefare Ninkaré

³⁰ Mam, la mam Sɔ la de la ayɩla.»

Azã 10:30 ပူးပေါင်းရင်းမြစ်များ

Amatie 11:27

Mam Sɔ dikɛ sɛla woo iŋɛ la mam nu'uhen. Nɛra ka mi' dayua la, han dagena Sɔ la. Nɛra me ka mi' Sɔ la, han dagena dayua la, la se'em ti dayua la bɔta ti a lilege Sɔ la pa'alɛ en.

Amatie 28:19

Bala, kiŋɛ ya timpaberɛ wa zuo za'a, la ya maahum zahereba bo' mam. Sɔ ya ba ko'om doohe, Sɔ la, la Dayua la, la Fa'a Sia yu'urɛ puan,

Azã 10:29

Mam Sɔ n bo' mam sɛla la n gani sɛla woo. Se'em ka boi wan ta'am faaɛ la Sɔ la nu'uhen

Azã 10:36

wani ti ya wan ta'am yeti, ‘Mam se'em ti Sɔ la bi'ihe mam, gee tum mam timpaberɛ wa zuo na la tuurɛ la Yinɛ la mam yeti, mam dela Yinɛ dayua la’?

Azã 14:23

Ti Yezu lerege en yeti, “Sɛba en nɔŋɛ mam la, wan tara mam yelehum la, ti mam Sɔ wan nɔŋɛ ba, ti mam la n Sɔ la wan wa'am na iŋɛ tu bɔŋa zi'an ba puan.

Azã 14:9

Ti Yezu yele en yeti, “Mam n boi la ya saŋa kana wa woo wa Filipi, ti fum kelum ka mina mam? Se'em woo n nyɛ mam, nyɛ Sɔ la mɛ. Wani ti fum le yɛta mam yeti, ‘Pa'alɛ tɔ Sɔ la’?

Azã 16:15

Sɛla woo ti Sɔ la tara dela mam dinɛ. Bala zuo ti mam yeti, a wan dikɛ la sɛla n de mam dinɛ, muulɛ bo' ya la.

Azã 17:10

Mam bunɔ za'a dela fum bunɔ. ti fum bunɔ dɛna mam bunɔ. Bama puan ti mam nyɛ pɛka.

Azã 5:17

Ti Yezu lerege ba yeti, “Mam Sɔ n tuni la, mam me tuni mɛ.”

Azã 5:23

ti bala ti nɛra woo wan na'aha dayua la wuu ban na'ahɛ Sɔ la se'em la. Fum se'em woo n ka na'ahɛ Dayua la, ka na'ahɛ sɔ se'em n tum en na la.

Azã 8:58

Ti Yezu yele ba yeti, “Yelemɛŋerɛ yelemɛŋerɛ ti n yɛta ya wa. Aberaham n wa bɔna la, ti mam pun bɔna mɛ.”

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

Taitusi 2:13

tumam n guri beere putɛ'sunɛ wa, la Yinɛ kãtɛ wa, la tu Faara Yezu Kiresta niirɛ na la na'ahegɔ la.

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.

1 Zã 5:7

Ba dela batã en de aze' nyɛ duma. Tinsuŋan, Sɔ la, Yelehum la, la Fa'a Sia la. Bana batã dela bunyinɛ.