Azã 1:34 - ZE'ELEGO PAALEGA

³⁴ Mam mɛŋa nini en nyɛ, gee ti n yɛta ya wa, ti eŋa en de Yinɛ dayua la.”

Farefare Ninkaré

³⁴ La mam yẽ ẽ mɛ, bɔ kaseto yetɩ, ẽŋa n de Nawẽnnɛ Dayʋa la.»

Azã 1:34 ပူးပေါင်းရင်းမြစ်များ

Amatie 11:27

Mam Sɔ dikɛ sɛla woo iŋɛ la mam nu'uhen. Nɛra ka mi' dayua la, han dagena Sɔ la. Nɛra me ka mi' Sɔ la, han dagena dayua la, la se'em ti dayua la bɔta ti a lilege Sɔ la pa'alɛ en.

Amatie 16:16

Ti Simɔn Pita lerege yeti, “Fum n de Kiresta la, Yinɛ vua la Dayua.”

Amatie 17:5

En boi bini tɔgera la, ti sagbanɛ en nyagere n bala wa'am na pi' ba. Ti kua ze'ele sagbanɛ la puan tɔgɛ bahɛ na yeti, “Mam dayua n ŋwana, se'em ti mam nɔŋɛ paaɛ paaɛ. Mam nini n tigɛ la se'em n bala, kɛleha ya en.”

Amatie 26:63

Gee Yezu ka lerege ba se'ere. Ti Malema kiima la yele en yeti, “Mam pɔ la Yinɛ vua wa ti fum han sirum dɛna la Kiresta la, Yinɛ Dayua la, yele tu.”

Amatie 27:40

gee yɛta yeti, “Fum se'em n wan gbirege pu'uhegɔ yire la bahɛ gee mɛ dɛ dabeha atã puan la n bala, faaɛ fum mɛŋa. Fum han sirum dɛna Yinɛ dayua la, ze'ele pumpuuredɔɔ wa zuo sige na.”

Amatie 27:43

A dele la Yinɛ. Yinɛ la yi faaɛ en bahɛ nananawa na, wuu a han bɔta, se'ere en sɔi la, a yeti eŋa dela Yinɛ Dayua.”

Amatie 27:54

Pɛntiira la la sɛba n boi la en ti ba zɛ'a gura Yezu la en nyɛ sɛla woo en iŋɛ la, dabeem kãtɛ en kɛ̃ ba, ti ba yeti, “Yelemɛŋerɛ, buraa wa dela Yinɛ Dayua.”

Amatie 3:17

Ti kua ze'ele saazuo tɔgɛ bahɛ na yeti, “Mam mɛŋa Dayua n ŋwana, se'em ti n nɔŋɛ, se'em ti n nini tigɛ la en.”

Amatie 4:3

Ti pumpã'afum daana la wa'am a zi'an na yele en yeti, “Fum han dɛna la Yinɛ bia, bo' kuga wa nuurɛ ti ba lebege boroboro.”

Amatie 4:6

gee yele en yeti, “Fum han dɛna Yinɛ bia, ze'ele ka'lam lobe fum mɛŋa bahɛ tiŋa ha. Gee la gulehɛ yeti, ‘Yinɛ wan bo' a suŋereba nuurɛ fum zuo, ti ba kɔkɛ hɔ ba nu'uhen, ti fum na'arɛ kan ŋmɛ' kugere.’ ”

Amatie 8:29

Bilam bilam ti ba pɔhɛ nyabera yeti, “Beni ti fum tari la tɔ Yinɛ dayua wa? Fum yeti fum pɔgelum tu mɛ gee ti saŋa la mɛŋa mɛŋa la nan ka paaɛ?”

Amarkɩ 1:1

Yezu Kiresta en de Yinɛ dayua la Faarɛ yelehum la pɔhega.

Amarkɩ 1:11

Ti kua ze'ele saazuo tɔgɛ bahɛ na yeti, “Fum en de mam Dayua, se'em ti n nɔŋɛ, ti n nini tigɛ la en.”

Aluki 1:35

Ti Suŋera la yele en yeti, “Fa'a Sia la wan sige fum zuo, ti Gani Za'a Daana paŋa pi' fum. Bala zuo, bia la ti fum yeti fum dɔgɛ la wan dɛna la Fa'a. Ba wan yi'ira ka la Yinɛ Dayua.

Aluki 3:22

Ti Fa'a Sia la sige a zuo na, la naanɛ en ani wuu dayene la. Ti kua ze'ele saazuo ha tɔgɛ bahɛ na yeti, “Fum en de mam Dayua ti n nɔŋɛ, mam nini tigɛ mɛ la fum.”

Azã 1:18

Nɛra nɛra ka tabelɛ nyɛ Yinɛ. Gee la dela Yinɛ biba'arɛ la, en de Yinɛ la bɔna a Sɔ la suure la en dikɛ en pa'alɛ.

Azã 1:49

Ti Nataniyɛl lerege en yeti, “Rabi fum sirum dela Yinɛ dayua la. Fum en de Izirale naba la.”

Azã 10:30

Sɔ la, la mam dela buyina.”

Azã 10:36

wani ti ya wan ta'am yeti, ‘Mam se'em ti Sɔ la bi'ihe mam, gee tum mam timpaberɛ wa zuo na la tuurɛ la Yinɛ la mam yeti, mam dela Yinɛ dayua la’?

Azã 11:27

Ti a yele Yezu yeti, “Ɛ̃ɛ n Daana, mam nam ya ti fum de Kiresta la, Yinɛ dayua la, se'em n wan wa'an timpaberɛ wa zuo na la.”

Azã 19:7

Ti Yuuduma la lerege naba wa yeti, “Tumam tari la tu ze'elego, ti ze'elego la puan, a dela a ki, la eŋa n yeti eŋa dela Yinɛ dayua la.”

Azã 20:28

Ti Tɔmasi lerege en yeti, “Mam Daana la mam Yinɛ.”

Azã 20:31

Gee ba gulehɛ yele ana wa, ti la bahɛ ti fum wa'am na nam ti, Yezu n de Kiresta la, Yinɛ Dayua la. Ti naŋa la puan, ya wan tara vom a yu'urɛ la puan.

Azã 6:69

Tumam nam mɛ, gee mina ti fum en de FA'A Daana ze'ele Yinɛ.”

Aromduma 1:4

Doohe tuuntɔɔ sia puan, ba looe en mɛ ti a dɛna Yinɛ dayua, la paŋa, doohe en ihege a kum puan la, Ena daana dela Yezu Kiresta, tu Daana la.

2 Korẽntɩ 1:19

Se'ere en sɔi la, Yinɛ Dayua la, Yezu Kiresta, se'em yelehum ti tumam muulɛ bo' ya la, Silevanuse la Timoti la mam daa ka tari “Ɛ̃ɛ la Aayi.” Gee a puan, saŋa woo la kɔ'ɔm dɛna la “Ɛ̃ɛ.”

Hiburuduma 7:3

A ka tari sɔ, a ka tari ma, a ka tari buuri tuuhum. A ka tari pi'ileŋo dabeha, bii vom ba'ahegɔ dabeha. Gee a ani wuu Yinɛ Dayua la, dɛna malema daana yɛ'a ha.

1 Zã 2:23

Se'em woo en zagehɛ Dayua la, kan tara Sɔ la. Se'em woo en sakɛ bo' Dayua la tari Sɔ la me mɛ.

1 Zã 3:8

Se'em woo en tari tuure dela Sagena la bia, se'ere en sɔi la, Sagena la pun tuura mɛ la bala pi'ileŋen na. Yinɛ Dayua la niiɛ na la yele dina zuo, ti a lorege Sagena la tuuma za'a za'a.

1 Zã 4:9

Yinɛ niiɛ a nɔŋerɛ pa'alɛ tɔ la sadɔɔ kuna puan. Yinɛ tum la a mɛŋa dayua ba'arɛ bahɛ tiŋa wa zuo na, ti tu wan vɔna vom sumɔ en de Yinɛ vom, dɔla a puan.

1 Zã 5:20

Tu me mi' ti, Yinɛ Dayua la wa'am na bo' tu la bɔkerɛ, ti tu mina eŋa se'em en de yelemɛŋerɛ la, tu me boi la eŋa se'em en de yelemɛŋerɛ la puan, Yelemɛŋerɛ dina wa dela Yinɛ Dayua Yezu Kiresta. Eŋa en de Yinɛ de mɛŋa mɛŋa, la Yinɛ vomsumɔ kamba'ahɛ.

2 Zã 1:9

Se'em woo en ka dole Kiresta pa'alegɔ la gee zɔɛ ku, ka tari Yinɛ a puan. Se'em woo en dole pa'alegɔ la, gee bɔna ku puan, tari Sɔ la mɛ, la Dayua la mɛ a puan.

Lilegere 2:18

“Suŋera se'em en boi Taitira lageŋɔ la puan la ti n guleha bɔ'ɔra. Yetɔgebuna dela Yinɛ Dayua la, se'em nini en ani wuu bugum peelum la, la se'em nama en nyagere wuu nyɔgum la dinɛ.