Azã 1:14 - ZE'ELEGO PAALEGA

¹⁴ Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Farefare Ninkaré

¹⁴ Sɛka n de Yetɔga la daan lebge la nẽrsaala, kẽ'era tõma tẽŋasʋka. Tõma yẽ a na'am pãŋa mɛ, na'am pãŋa n de Nawẽnnɛ Bi-yẽŋa n ze'ele a Sɔ zẽ'am na'am pãŋa. La Nawẽnnɛ yel-sõnnɛ, la a sɩra wuu boe la a zẽ'am.

Azã 1:14 ပူးပေါင်းရင်းမြစ်များ

Amatie 1:16

ti Yakɔbe dɛna Yosefe sɔ, Mɛɛri sira la sɔ, Mɛɛri se'em en dɔgɛ Yezu, se'em ti ba yi'ira Kiresta la.

Aluki 2:11

Zina dabeherɛ wa, Deviti sɔ'ɔlum wa puan, ba dɔgɛ faara la en de Kiresta la, dɛna Daana la.

Aluki 2:7

Ti Mɛɛri dɔgɛ a saresare bia en de budibela, pɔbɛ bia la la futo, dikɛ ka gã'arɛ duhi dia dɔɔ puan, se'ere en sɔi la, zi'an ka boi bo' ba ga'aregɔ yire la puan.

Aluki 9:32

Pita la a taaba la nini kɔ'ɔm vilegera mɛ la guum, gee ban ŋmibe ka gihi la, ba nyɛ a suŋa la mɛ, la buraahi siyi la en ze' la en la.

Azã 1:1

Pi'ileŋo puan na la, ti se'em en de Yelehum la pun bɔna mɛ. Yelehum wa boi mɛ la Yinɛ, gee ti Yelehum wa dɛna Yinɛ.

Azã 11:40

Ti Yezu yele en yeti, “Mam ka yele fum ti fum han nam, fum wan nyɛ Yinɛ paŋa n ani se'em?”

Azã 14:6

Ti Yezu yele en yeti, “Mam n de sore la, la yelemɛŋerɛ la, la nyɔvore la. Se'em kan ta'am paaɛ Sɔ la zi'an, han dagena a doohe la mam puan.

Azã 14:9

Ti Yezu yele en yeti, “Mam n boi la ya saŋa kana wa woo wa Filipi, ti fum kelum ka mina mam? Se'em woo n nyɛ mam, nyɛ Sɔ la mɛ. Wani ti fum le yɛta mam yeti, ‘Pa'alɛ tɔ Sɔ la’?

Azã 17:22

Pɛka sɛka ti fum dikɛ bo' mam la, kaŋa mɛa ti mam dikɛ bo' ba, ti ba dɛna buyina wuu tumam n de buyina se'em la.

Azã 17:24

N Sɔ, mam le bɔta ti, nɛresɛba ti fum dikɛ bo' mam wa ta lagum bɔna la mam n bɔŋa zi'an la puan, la ba nyɛ na'ahegɔ seko ti fum mɛŋa dikɛ bo' mam, doohe la fum nɔŋɛ mam se'em gee ti timpaberɛ wa baŋɛ naam la zuo.

Azã 18:37

Ti Palete soke en yeti, “Bala, Fum dela naba?” Ti Yezu lerege en yeti, “Fum yele ya ti mam dela naba. Yele dina wa zuo ti ba dɔgɛ mam, yele dina wa zuo ti mam sige timpaberɛ wa zuo na, ti n tɔgɛ yelemɛŋerɛ la yele. Se'em woo n de yelemɛŋerɛ la nɛra, kelehe mam yetɔgum mɛ.”

Azã 2:11

Yezu en tum dina wa. A yia daalehum n ŋwana, Kana n boi Galilii sɔ'ɔlum puan la, niiɛ a suŋa, ti a zahereba la nam en.

Azã 3:16

“Yinɛ nɔŋɛ timpaberɛ wa mɛ paaɛ paaɛ zuo, ti a dikɛ a dayua kayima wa bo' na, ti se'em woo n nam en, kan bahɛ yoo, gee a wan tara vom kamba'ahɛ.

Azã 3:18

Sɛba en nam en kan nyɛ sageŋɔ, gee sɛba en ka nam en la, pun diŋɛ bɔna la sageŋɔ puan, se'ere en sɔi la, ba ka nam Yinɛ dayua kayima wa yu'urɛ la.

Azã 6:51

Mam n de vom boroboro la, ze'ele saazuo sige na la. Se'em woo en obe boroboro dina wa wan vɔna wuuha. Boroboro se'ere ti mam yeti n dikɛ bo' timpaberɛ wa ti ba tara vom la dela mam inganɛ wa.”

Azã 8:32

Ya wan mina yelemɛŋerɛ la, ti yelemɛŋerɛ la bahɛ ti ya bɔna fai.”

Tõoma 13:33

a tum dɛ bo' la tumam n de ba kɔma la, doohe la n ihege Yezu a kum la puan wuu lan gulehɛ se'em bɔna yuuma gɔŋɔ zuo buyi' puan se'em la. La gulehɛ yeti, ‘Fum dela mam Dayua, Zina mam dɔgɛ hɔ.’

Aromduma 8:3

Se'ere en sɔi la, Yinɛ tum sɛla en daa kpe'em bo' ze'elego la ti ku ka nyaŋɛ tum, doohe la inganɛ wa en tari tɔregɔ la, a iŋɛ dina doohe la en tum a mɛŋa dayua ti ka tara inganɛ en ani wuu asaala be'em inganɛ wa, ti ka zabɛ be'em, sagum be'em paŋa, la inganɛ wa,

Aromduma 9:5

Bama en de Hiburuduma kansanhi yaahi, gee ti inganɛ puan, Kiresta la yehe ba puan na, se'em en gani za'a la. Sum dɛna Yinɛ dinɛ wuuha wuuha. Taari.

1 Korẽntɩ 15:47

Yia buraa la dela la timpaberɛ wa zuo dinɛ, a dela tintɔnɔ nɛra. Yi'i buraa la dela saazuo nɛra.

2 Korẽntɩ 12:9

gee Daana la yele mam yeti, “Mam zu'uhegɔ la seke bo' fum, se'ere en sɔi la, paŋa niiri ka mɛŋa la tɔregɔ puan.” Bala, mam wan tum ŋmɛ'ɛra nyu'ɔ mɛ la nyɛɛma n tɔregɔ la puan, bala ti Kiresta paŋa la wan bɔna n puan.

Galatɩ 4:4

Gee Yinɛ saŋa la en daa ta pirɛ paaɛ la, Yinɛ tum la a Dayua, ti pɔka dɔgɛ ka, dɔgɛ ka doohe ze'elego la,

Efɛɛzɩ 3:8

Gee la mam n pun pɔ'ɛ nɛresunduma la za'a puan la, Yinɛ dikɛ la zu'uhegɔ kuna bo' mam, ti n tari Kiresta tarega la n ka tari makerɛ la faarɛ yelesuma la na bo' sɛba n dagi Yuuduma la,

Kolɔsɩ 1:19

Eŋa puan ti Yinɛ nini tigɛ ti a za'a za'a bɔna a puan,

Kolɔsɩ 2:3

La dela Kiresta puan ti yɛm la mi'ilum tarega za'a bɔna.

Kolɔsɩ 2:9

Se'ere en sɔi la, eŋa Kiresta en de Yinɛ naanɛ de mɛŋa de mɛŋa en niiɛ inganɛ puan na.

1 Timoti 3:16

Bu'a ka boi, tumam pu'uhegɔ wa puan yele sɛ'a en gani asaala bɔkerɛ la, dela yele kãra, A daa niiɛ a mɛŋa la inganɛ puan, di buurɔ Sia la puan, suŋereba nyɛ en mɛ, ba muulɛ a yele mɛ sɛba en dagi Yuuduma la puan ti tiŋa wa zuo nam en, a zom la zuin zuin ha la na'ahegɔ.

Hiburuduma 1:3

A dela Yinɛ suŋa niihum paaɛ paaɛ, dɛna Yinɛ vore vore, bahɛ ti sɛla woo bɔna, doohe a yelehum paŋa puan. Eŋa en duuhe saaleba be'em ba'ahɛ la, a zi'ire la Gani za'a Daana la zuɔ nu'o saazuin ha,

Hiburuduma 1:5

Suŋera kani ti Yinɛ tabelɛ yele en yeti, “Fum dela mam Dayua, zina, mam dɔgɛ hɔ”? Bii a tabelɛ yeti, “N wan dɛna a sɔ, ti a dɛna n Dayua”?

Hiburuduma 10:5

Lan vuti fifihe ti Kiresta ta wa'am timpaberɛ wa zuo na la, a yeti, “Kaabegɔ, la bo'olum fum ka boti, gee iŋa ti fum maahum bo' mam.

Hiburuduma 2:11

Beni zuo, se'em en peere la, la sɛba be'em ti a pee la, za'a ze'ele la zi'an kayina na. Beni zuo, a ka tari valum, ti a yi' ba a suurɔ,

Hiburuduma 5:5

Bala mɛa ti Kiresta yuum ka dikɛ na'ahegɔ kuna bo' a mɛŋa ti a dɛna malema kiima, gee se'em en looe en la en yeti, “Fum dela mam Dayua, Zina mam de fum sɔ”;

1 Zã 4:14

Tu me nyɛ de mɛ, gee muula ti, Yinɛ en de Sɔ la tum la a Dayua ti a dɛna Faara bo' tiŋa wa zuo.

1 Zã 4:9

Yinɛ niiɛ a nɔŋerɛ pa'alɛ tɔ la sadɔɔ kuna puan. Yinɛ tum la a mɛŋa dayua ba'arɛ bahɛ tiŋa wa zuo na, ti tu wan vɔna vom sumɔ en de Yinɛ vom, dɔla a puan.

2 Zã 1:7

Pumpã'ahum duma zo'e zo'e en wa'am tiŋa wa zuo na, sɛba en ka sakɛ ti Yezu Kiresta wa'am inganɛ puan na. Nɛre-ina daana dela pumpã'aha, la Kiresta dindaana la.

Lilegere 19:13

A bagɛ la fuo en dikɛ luhɛ ziim puan, ti a yu'urɛ yi'ira Yinɛ yelehum.

Lilegere 21:3

Ti mam wum ti kɔkɛ'ɛŋa ze'ele na'am kuka kãtɛ la zuo tɔgɛ bahɛ na yeti, “Bihɛ, Yinɛ yire en bala bɔna la saaleba wa. A wan bɔna la ba, dɛna ba Yinɛ, ti ba dɛna a nɛreba, Yinɛ mɛŋa en wan bɔna la ba.