Aromduma 9:30 - ZE'ELEGO PAALEGA

³⁰ Beni ti tu nyaa wan yele? Sɛba en dagi Yuda buuri la en daa ka zigeri tuuntɔɔ vom wa yele la, nyɛ tuuntɔɔ vom la mɛ. Tuntɔɔ vom sebo en dole sakerɛ puan la.

Farefare Ninkaré

³⁰ Bɛla, tɩ wʋn yetɩ bo? Bu-zãŋsɩ n daan ka eerɩ tɩ ba dɛna nẽrba n masɛ Nawẽnnɛ zẽ'am na, Nawẽnnɛ botɩ ba dɛna la nẽrba n masɛ a zẽ'am, ban bɔ ẽ sɩra la ĩyã.

Aromduma 9:30 ပူးပေါင်းရင်းမြစ်များ

Aromduma 10:10

Se'ere en sɔi la, nɛra ni nam mɛ la a suure, ti Yinɛ bo' en buurɔ, gee me ni purɛ la a nuurɛ nyɛ faarɛ.

Aromduma 10:20

Azaaya me yuum kãbɛ la suure yele ya yeti, “Sɛba en ka eere mam la, en tugum nyɛ mam. N niiɛ n mɛŋa bo' la sɛba en ka soke n yele.”

Aromduma 10:6

Gee tuuntɔɔ vom sebo en ze'ele sakerɛ puan na la, a yeti, Da yele ya suya puan yeti, “Ani en wan zom saazuo ha? (De vuurɛ dela, ta tari Kiresta sige na)

Aromduma 3:5

Gee tumam ŋmɛlema la han bahɛ ti Yinɛ tuntɔɔnɛ la niiɛ na, tu wan yeti bu? Yinɛ ka tari buurɔ a han taaɛ a sunsunyiim bahɛ tu zuo? (N tɔgeri la nɛre saala puti'irɛ en bala.)

Aromduma 4:11

Aberaham daa to'e ŋmaa daalehum la mɛ ti la dɛna sɛla n pa'alɛ a tuntɔɔnɛ la ti a to'e la sakerɛ la, ti a nan ka ŋma. Iti kuna wa dela, la iŋɛ ti a dɛna yaaba bo' sɛba woo en nam gee ka ŋma la, n yeti la sɛba ti Yinɛ bihɛ nyɛ ba ti ba dɛna tuuntɔɔ duma la.

Aromduma 4:13

Nɔbiŋere la n biŋe ti Aberaham la a yaahi ti ba wan sɔna timpaberɛ wa za'a la yuum ka tɔgɛ bo' Aberaham bii a yaahi la la doohe la ze'elego la puan, gee la doohe tuntɔɔnɛ en ze'eti sakerɛ puan.

Aromduma 4:22

Bala zuo, “Yinɛ bihɛ nyɛ a sakerɛ la mɛ ti a dɛna tuuntɔɔ daana.”

Aromduma 4:9

Sum buna wa purɛ bo' la sɛba en ŋma la ma'a, bii bu ta' sɛba en ka ŋma la me mɛ? Se'ere en sɔi la tu yeti,“Sakerɛ zuo ti Yinɛ bihɛ nyɛ Aberaham ti a dɛna tuntɔɔdaana.”

Aromduma 5:1

Bala zuo, tumam en to'e buurɔ doohe sakerɛ puan la, tu tari suma'ahum mɛ la Yinɛ, suma'ahum buna wa ze'ele la tu Daana Yezu Kiresta puan na.

Aromduma 9:14

Beni ti tu wan yele? Ŋmɛlema en boi Yinɛ puan bii? Sore kai' boi fii me.

Aromduma 9:31

Gee Izirale duma, sɛba en daa zigeri ti ba nyɛ tuntɔɔnɛ sebo en dole ze'elego la, daa koŋe mɛ, ba ka nyaŋɛ doohe ze'elego la kiha la.

Galatɩ 2:16

Gee la bala za'a, tu mi' ti nɛra de ma'a la Yinɛ dagi la en tuni ze'elego la, gee en tari sakerɛ Yezu Kiresta puan. Ti tumam wa'am na nam Yezu Kiresta, ti tu dɛna ma'a la Yinɛ tu sakerɛ Kiresta puan, gee dagi tumam en tuni ze'elego tuuma se'em. Beni zuo, nɛra ka boi n wan ta'am dɛna ma'a la Yinɛ eŋa en tuni ze'elego tuuma la.

Galatɩ 3:24

Bala, ze'elego la en daa de se'em en guri tu, tara tara ti Kiresta ta wa'am na, ti tu nyaa naaɛ la Yinɛ dɔla tu sakerɛ puan.

Galatɩ 3:8

Yinɛ gɔŋɔ la en pun bihɛ nyɛ ti, Yinɛ wan dikɛ sɛba en ka pa'ahɛ Yuuduma puan la naaɛ la a mɛŋa ba sakerɛ zuo la, a te'ele muulɛ faarɛ yelehum wa bo' Aberaham mɛ yeti, “Sɛba en ka pa'ahɛ Yuuduma puan la woo wan nyɛ sum la fum puan.”

Galatɩ 5:5

Gee Fa'a Sia la, la sakerɛ puan, tumam mu'ɛ la nini gura beere tuntɔɔnɛ.

Efɛɛzɩ 2:12

Tɛri ya ti sankaŋa puan la, ya yuum ka mi' Kiresta, dɛna zanku'uma Izirale timpaberɛ, dɛna saama bo' nɔpu'ulegɔ nɔbiŋere la, ka tara beere puti'irɛ, gee me ka mina Yinɛ timpaberɛ wa zuo.

Filipi 3:9

la n vɔna a puan, da tara n mɛŋa tuntɔɔnɛ en yehe ze'elego la naŋa puan na, gee tuntɔɔnɛ en yeheri n sakerɛ Kiresta puan na. Tuntɔɔnɛ se'ere en ze'ele Yinɛ zi'an dɔla sakerɛ puan.

1 Timoti 6:11

Gee han dɛna fum, Yinɛ tuntuna wa, zagehɛ yele ana wa woo, dɔla tuuntɔɔ vom, Yinɛ zoolum, sakerɛ, nɔŋerɛ, ŋmibega, la ma'ma' bɔŋa.

Hiburuduma 11:7

Sakerɛ zuo ti Nowa, Yinɛ kagɛ en doohe yele sɛ'a en wan wa'am na, ti Nowa nam yetɔgum la ninmu'urɛ, gee kpa' daka kãtɛ la ti a faaɛ a yire. Yele dina ti Nowa yuum dikɛ gakɛ timpaberɛ wa, gee nyaa sooe vaaɛ tuntɔɔnɛ en dole sakerɛ puan la.

1 Pita 4:3

Ya pun diŋɛ dikɛ la saŋa zo'e zo'e tuna sɛla ti sɛba en dagi Yuuduma ita la. Zufagehum, kunkɔma'ahum, buka, dikãra, yaalegɔ, la baga kaabegɔ.