Aromduma 9:22 - ZE'ELEGO PAALEGA

²² Ŋwani, gee Yinɛ mɛŋa han bɔta ti a pa'alɛ a sunsunyiim, ti a paŋa niiɛ, gee me bɔta gee ŋmibera la sugeri, la lɔgeseto ti a suure nyiie la tɔ, lɔge seto en maalɛ bo' sageŋɔ la.

Farefare Ninkaré

²² La de la bɛla tɩ Nawẽnnɛ ẽŋɛ. Nawẽnnɛ boorɩ tɩ a pa'alɛ la a sũ-isgre, dee botɩ nẽrba wuu bãŋɛ a pãŋa. La a yõkɛ a mẽŋa mɛ, mã'agɛ a sũure la sɛba n masɛ tɩ a sũ-isgre sige ba zuto, dee nara tɩ a sã'am ba la.

Aromduma 9:22 ပူးပေါင်းရင်းမြစ်များ

Aromduma 1:18

Yinɛ sunsunyiim ze'ele la saazuo ha niiɛ bahɛ nɛre sɛba be'em la ba tuunfi'iha en gu'uri yelemɛŋerɛ la.

Aromduma 9:17

Gulehegɔ la gulehɛ Faro yele yeti, “Mam yɛɛlɛ fum na'am la yele dina wa zuo, ti n pa'alɛ n paŋa fum puan, ti muulɛ n yu'urɛ wa timpaberɛ wa zuo za'a.”

Aromduma 9:20

Gee ani en de fum, asaala, wan ta'am ŋmɛ' nɔkpe'ene la Yinɛ? Yagumbaherɛ wan ta'am soke yagumbaha la yeti, “Ŋwani ti fum yagum mam ŋwana?”

Aromduma 9:21

Yagumbaha la ka tari yɔgerɔ la paŋa, wan ta'am dikɛ yɔgerɔ tunɔ mɛa yagum lɔkɔ kuyima, ti kuŋɔ dɛna tuulum lɔkɔ, gee yagum kuyima ti kuŋɔ dɛna tuunse'ere yoo lɔkɔ?

1 Tesaloniki 2:16

doohe la ban pɛregeri tɔ ti tu da tɔgera yelehum la bɔ'ɔra sɛba en dagi Yuuduma, ti ba nyɛ faarɛ la. Ŋwana ti saŋa woo, ba be'em la malum pa'ahera, gee ti Yinɛ sunsunyiim wan sige ba zuo mɛ ba'ahegɔ puan.

1 Tesaloniki 5:9

Se'ere en sɔi la, Yinɛ ka maahum tu ba'ahegɔ zi'an bahɛ la sunsunyiim puan, gee tu nyɛ faarɛ doohe tu Daana Yezu Kiresta puan,

2 Timoti 2:20

Yikãtɛ puan, lɔgerɔ boi bini mɛ, gee dagi la salema la salempɛɛla lɔgerɔ ma'a, gee dɔɔrɔ la yɔgerɔ lɔgerɔ. Basɛba dela la tuulum lɔgerɔ, basɛba mɛ dela tuni woo lɔgerɔ.

1 Pita 2:8

gee “Me dɛna kuge se'ere ti ba sɛrena de zuo luta, dɛna tansɛka en piti ba lɔbera.” Ban piti luta la dela, ban ka nam yelehum la, wuu ban pun maahum ba ti ba iŋɛ se'em la.

1 Pita 3:20

sɛ se'ehi yuuman yuuman ha, en yuum ka nam, Yinɛ en yuum gu'uhi la sugeri Nowa dabeha la puan, uureŋɔ la maalegɔ saŋa ha la, ti nɛreba fii wa, en de nɛreba ba nii ma'a yuum nyɛ faarɛ ko'om la puan la.

2 Pita 2:3

Ba nyika la zuo, ba wan fa' ya la ba pã'ahegɔ yelehum la. Ba namehegɔ la en purɛ bahɛ ba zuo yuuman yuuman ha la, dagi yoo, ba sageŋɔ la kan gã'arɛ.

2 Pita 2:9

bala, Daana la mi' en faari tuuntɔɔ duma magehegɔ puan se'em bahɛ mɛ, gee bahɛ ti be'em duma bɔna namehegɔ puan gura gakerɛ dabeherɛ la,

2 Pita 3:15

gee biheri ya tu Daana sugeri la ti bu dɛna tu faarɛ zuo. Bala mɛa ti tu sunɔŋerɛ suuɔ Pɔɔl guleha bɔ'ɔra ya, la yɛm sebo ti Yinɛ dikɛ bo' en la,

Azudi 1:4

Se'ere en sɔi la, nɛre be'ero tuseto en wa'am na zu gɛregɛ ya puan, nɛre sɛba ba'ahegɔ zi'an en boi sageŋɔ puan ban ka zoti Yinɛ la zuo, sɛba en tee Yinɛ zu'uhegɔ la ti ku dɛna yaalegɔ tuuma, ka nam tu kpɛ'ɛma ayima ma'a en de Daana Yezu Kiresta la.