Aromduma 8:33 - ZE'ELEGO PAALEGA

³³ Ani n wan ta'am tari se'ere na dɔgelɛ sɛba ti Yinɛ looe la zuo? La dela Yinɛ mɛŋa en bo' tu buurɔ.

Farefare Ninkaré

³³ Ãne n wʋn tã'agɛ dõrɛ nẽr-sɛba tɩ Nawẽnnɛ looge la? La de la Nawẽnnɛ mẽŋa n botɩ ba masɛ.

Aromduma 8:33 ပူးပေါင်းရင်းမြစ်များ

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Aluki 18:7

Gee Yinɛ en tugum kan bo' sɛba ti a mɛŋa looe la en kaahi bɔ'ɔra en bulika la yu'uŋɔ la? A wan yuue mɛ gee suŋɛ ba yoi?

Aromduma 3:26

A iŋɛ dina wa pa'alɛ la zina beere wa, ti Yinɛ dela tuuntɔɔ daana, gee me bɔ'ɔra se'em woo n tari sakerɛ Yezu puan buurɔ.

Aromduma 8:1

Bala zuo, nananawa, sageŋɔ ka boi sɛba en boi Kiresta Yezu puan la zuo.

Galatɩ 3:8

Yinɛ gɔŋɔ la en pun bihɛ nyɛ ti, Yinɛ wan dikɛ sɛba en ka pa'ahɛ Yuuduma puan la naaɛ la a mɛŋa ba sakerɛ zuo la, a te'ele muulɛ faarɛ yelehum wa bo' Aberaham mɛ yeti, “Sɛba en ka pa'ahɛ Yuuduma puan la woo wan nyɛ sum la fum puan.”

1 Tesaloniki 1:4

Tu mi', tu suurɔ wa en de Yinɛ sunɔŋerɛ nɛreba wa, ti eŋa en looe ya,

Taitusi 1:1

Mam Pɔɔl en de Yinɛ da'aberɛ, gee dɛna Yezu Kiresta tuntuna, sɛba ti Yinɛ looe la sakerɛ la zuo, la yelemɛŋerɛ mi'ilum sebo en dole Yinɛ zoolum la,

1 Pita 1:2

Sɛba ti Yinɛ en de Sɔ la daa pun te'ele looe ba, maahum ba, gee duuhe ba la a Fa'a Sia la, ti ba nana Yezu Kiresta, gee ti a miihi ba la Yezu ziim la. Zu'uhegɔ la suma'ahum zo'e zo'e dɛna ya dinɛ.