Aromduma 8:28 - ZE'ELEGO PAALEGA

²⁸ Tu mi ti sɛla woo tuni naara taaba tara la sum bɔ'ɔra la sɛba en nɔŋɛ Yinɛ, sɛba ti Yinɛ yi' doohe a puti'iren la.

Farefare Ninkaré

²⁸ Tɩ mi tɩ sɛla woo pʋam, Nawẽnnɛ ɩtɩ sõŋa bɔ'ɔra la nẽr-sɛba n nõŋɛ ẽ, sɛba tɩ a looge ba, masɛ wʋ ẽn looge yɛm se'em na.

Aromduma 8:28 ပူးပေါင်းရင်းမြစ်များ

Amarkɩ 12:30

Nɔŋɛ fum Daana Yinɛ la fum suure za'a, la fum sia za'a, la fum puti'irɛ la fum paŋa za'a.’

Tõoma 13:48

Sɛba n dagi Yuda buuri la n wum ŋwana la, ba pee puurɛ mɛ, ti ba pɛgera Daana la yelehum la. Bama sɛba ti ba pun maahum ti ba nyɛ vomkan ba'ahɛ la bamam en nam.

Aromduma 11:29

Se'ere en sɔi la, Yinɛ bo'olum, la a yi'a ka lukere.

Aromduma 8:30

Sɛba ti a maahum ba ze'ele la, bamam ti a yi', ti sɛba ti a yi' la, a bo' ba la buurɔ, ti sɛba ti a bo' ba buurɔ la, bamam ti a pirɛ ba la suŋa.

Aromduma 9:11

Gee ti ba baŋɛ dɔgɛ kɔma la, bii kɔma la baŋɛ tum sɛla en de be'em bii sum la, (La wan iŋɛ se'em ti se'ere zuo ti Yinɛ lɔɔha a loohego wa wan kelum kina,

1 Korẽntɩ 1:2

en gulehɛ bɔ'ɔra Yinɛ Lageŋɔ la en boi Korinti tiŋa, la sɛba ti ba soke ba, Yezu Kiresta puan, gee yi ba ti ba dɛna nɛresunduma, ta pa'ahɛ la sɛba woo en boi ze'sɛka woo yi'ira Yezu Kiresta yu'urɛ la, ti a dɛna bamam la tumam Daana la.

1 Korẽntɩ 1:24

Gee sɛba ti Yinɛ yi' la, Yuuduma, la Girikiduma za'a, Kiresta dela Yinɛ paŋa, la Yinɛ yɛm bo' ba.

1 Korẽntɩ 1:9

Yinɛ dela yelemɛŋerɛ daana. Eŋa puan ti ba yi' ya ti ya tara Lageŋɔ la a Dayua Yezu Kiresta en de tu Daana la.

1 Korẽntɩ 2:9

Gee wuu lan gulehɛ se'em yeti, “Sɛla ti niho ka tabelɛ nyɛ, bii tuberɛ wum, bii asaala suure tabelɛ bɔkɛ dɛ, Sɛla ti Yinɛ maahum biŋe sɛba en nɔŋɛ en la” —

2 Korẽntɩ 5:1

Tu mi' ti tiŋa zuo sugeri wa ti tu bɔna de puan wa han ta sagum ba'ahɛ, tu tari yire n ze'ele Yinɛ zi'an na, yise'ere ti nu'uhi ka mɛ, ka tari ba'ahegɔ saazuo ha.

Galatɩ 1:15

Gee Yinɛ, se'em en daa gaŋɛ mam ze'ele gee ti ba baŋɛ dɔgɛ mam la nini tigɛ la mam mɛ, ti a yi' mam doohe a zu'uhegɔ la puan,

Galatɩ 1:6

La iŋɛ mam la pakerɛ la yamam en pilum zageha se'em en yi' ya doohe Kiresta zu'uhegɔ puan la, gee ŋmɛregɛ dɔla sɛla ti ba yi'ira faarɛ yelehum sebo en boi bu tɔka,

Galatɩ 5:8

Pã'ahegɔ kuna taaba ka ze'ele Yinɛ se'ere n yi' ya la zi'an na.

Efɛɛzɩ 3:11

Ŋwana wa iŋɛ doohe la a putɛ'se'ere n ka tari ba'ahegɔ, ti a tum dɛ tu Daana Kiresta Yezu puan la,

Efɛɛzɩ 4:1

Dinɛ zuo, mam en boi paka deen Daana la tuuma zuo beleni ya mɛ, ti ya vɔna vom sebo en nari la yi'sɛka ti ba yi' ya kɛ̃' ka puan la.

Filipi 3:14

N tiregeri mɛ ti n di mi'a, la n to'e yɔɔrɛ la en de saazuo yi'a wa yɔɔrɛ, ti Yinɛ yi' mam doohe Kiresta Yezu puan la.

1 Tesaloniki 5:9

Se'ere en sɔi la, Yinɛ ka maahum tu ba'ahegɔ zi'an bahɛ la sunsunyiim puan, gee tu nyɛ faarɛ doohe tu Daana Yezu Kiresta puan,

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

2 Timoti 2:19

Gee Yinɛ ɛ̃berɛ la kɔ'ɔm zɛ'a la kankaŋi, tara daalehum buna wa: “Daana la mi' sɛba en de a dinɛ.” Bala la, bahɛ ti “Sɛba woo en yi'iri Daana la yu'urɛ la yehe ba mɛhi be'em puan.”

Hiburuduma 9:15

Dina wa zuo ti a dɛna nupu'ŋmɛ'ɛra bo' nɔpu'ulepaalɛ la, ti bala ti sɛba ti ba yi' la wan ta'am to'e nɔbiŋere lɔkɔ la en ka tari ba'ahegɔ la. Se'ere en sɔi la, kum n ki to'e ba, ba tuure la en daa boi yia nɔpu'ulegɔ la puan la.

Yemesi 1:12

Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

1 Pita 3:9

Da dikɛ be'em yɔ be'em, bii kɛhega yɔ kɛhega. Gee lan de se'em dela, lɛbehera sum. Ŋwana zuo ti Yinɛ yi' ya, ti ya wa'am na to'e sum la.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

1 Zã 4:10

Dina wa puan ti nɔŋerɛ bɔna, dagi ti tumam en nɔŋɛ Yinɛ, gee eŋa en nɔŋɛ tɔ, gee tum a Dayua ti a wa'am na dɛna akaabɛ to'e kaabegɔ bo' tumam tuure.

1 Zã 4:19

Tumam tari nɔŋerɛ, beni zuo, eŋa en nɔŋɛ tu yia.

Lilegere 3:19

Mam taheri gee dɔlegera la sɛba ti n nɔŋɛ la tuba. Bala, mu'ɛ ya nini gee tee.