Aromduma 8:26 - ZE'ELEGO PAALEGA

²⁶ Bala mɛa ti Fa'a Sia la suŋera tɔ tu tɔregɔ puan, se'ere en sɔi la, tu ni pun ka mina tu wan suhɛ Yinɛ lan suni se'em, gee Fa'a Sia kaŋa mɛa en ni ŋmɛ'ɛra nupu'ɔ bɔ'ɔra tɔ, la si'iŋɔ kãra en gani yetɔgum.

Farefare Ninkaré

²⁶ Bɛla mẽ, Nawẽnnɛ Sɩa la sẽnnɩ sõŋra tõma mɛ tɩ tɔrgɔ pʋam. Se'ere n soe la, tõma ka mi tõma n wʋn pʋ'ʋsɛ Nawẽnnɛ se'em tɩ la masɛ. La Nawẽnnɛ Sɩa mẽŋa sosrɩ Nawẽnnɛ bɔ'ɔra tõma mɛ, tɔgra yetɔga tɩ nẽra ka tã wʋn tɔgɛ.

Aromduma 8:26 ပူးပေါင်းရင်းမြစ်များ

Amatie 10:20

Se'ere en sɔi la, la dagi yamam mɛhi en tɔgeri, gee ya Sɔ Sia la en tɔgeri dɔla ya puan.

Amatie 20:22

Ti Yezu lerege yeti, “Ya ka mi' sɛla ti ya sɔkera wa. Yamam wan nyaŋɛ nyu wula wa ti mam bɔna bini ti n nyu ka puan wa?” Ti ba yeti, “Tu wan nyaŋɛ.”

Aluki 22:44

Ti a ze'ele a susageŋɔ la puan pu'uhɛ tuulɛ tuulɛ, ti a iŋa muregere ana wuu ziim la tɔgeha tiŋa. Diimen diimen gulehegɔ tuseto ka tari ka'lam]

Azã 14:16

Bala ti n wan soke n Sɔ la, ti a wan bo' ya Nu'pu'ŋmɛ'ɛra ayima en kpe'em paaɛ paaɛ ti a bɔna la ya wuuha.

Aromduma 15:1

Tumam sɛba n kpe'em tu sakerɛ puan la dela tu ŋmibera la sɛba en tari tɔregɔ ba sakerɛ puan la, gee dagi tu kɔ'ɔm biha tu mɛhi nini tika ma'a.

Aromduma 7:24

Bihɛ mam n de nɛra vom n tari nimbaalega se'em. Ani en wan faaɛ mam insɛka n tari kum kina wa puan bahɛ?

Aromduma 8:15

Ŋwana zuo la Ya ka to'e la Sia sɛka en bahɛ ti ya dɛna da'aba, le lu dabeem puan, gee ya to'e la Sia sɛka en bahɛ ti ya dɛna sɛba ti ba to'e ya bihera. Bala n bahɛ ti tu ni kaahɛ yeti “Aba” “Tu Sɔ suŋɔ.”

2 Korẽntɩ 5:2

Se'ere en sɔi la, tu tiŋa zuo sugerɛ wa ti tu bɔna de puan tu uheri mɛ la ninmu'urɛ, kɔ'ɔm boti ni ti tu yɛ ni tu saazuo fuo la.

2 Korẽntɩ 5:4

Tumam en nan boi tiŋa wa zuo inganɛ wa puan la, ti uheri mɛ la too tu zeero puan, se'ere n sɔi la, tu ka boti tu zɛ'a beele, gee ba tum malum bagɛ tɔ la lɔgerɔ pa'ahɛ. Bala ti Yinɛ vom la wan vole sɛla n pu'uri la.

Galatɩ 4:6

Tumam en de a kɔma la zuo, ti Yinɛ tum a Dayua Sia la tu suya puan na, ti tu tana kaahɛ yeti, “Aba! N Sɔ!”

Efɛɛzɩ 2:18

Se'ere en sɔi la, eŋa puan, ti tu za'a tara Sia kayima dɔla paara Sɔ la zi'an.

Efɛɛzɩ 6:18

Bala pu'uheri ya Sia la puan saŋa woo, ya pu'uhegɔ la ya suhega woo puan. Ti ba'ahegɔ puan, da ga' ya gihera gee sɔheri ya saŋa woo bɔ'ɔra nɛresunduma la za'a.

Hiburuduma 4:15

Se'ere en sɔi la, tu ka tari la malema kiima sɛka en ka zoti tu tɔregɔ nimbu'ɔ, gee tu tari la se'em en nyɛ mageha sadɔseko woo puan wuu tumam la, gee a ka tum be'em.

Hiburuduma 5:2

A dela nɛre ma'ma', ana bããlam gee maala ba yɛmka'alum, la ban kini buta la, eŋa mɛŋa en boi tɔregɔ nu'uhen la zuo.

Yemesi 4:3

Ya soke ya gee ka to'e, beni zuo, ya ni soke tuue mɛ, ti ya ta'am di ya ma'a nyɛlum.