Aromduma 8:19 - ZE'ELEGO PAALEGA

¹⁹ Timpaberɛ wa za'a ani la kɛli, gee gura Yinɛ kɔma wa niirɛ na.

Farefare Ninkaré

¹⁹ Bɛla n soe tɩ sɛla wuu tɩ Nawẽnnɛ nãam na gu'ura bɔɔra tɩ ba yẽ Nawẽnnɛ kɔma nã'asgɔ n wʋn puke la tɔtɔ.

Aromduma 8:19 ပူးပေါင်းရင်းမြစ်များ

Amatie 5:9

“Sum boi mɛ la sɛba en sugeni. Ba wan yi'ira ba Yinɛ kɔma.

Azã 1:12

Gee sɛba woo en to'e en la, sɛba en sakɛ bo' a yu'urɛ la, bamam ti a bo' ba paŋa ti ba dɛna Yinɛ kɔma.

Tõoma 3:21

Yezu se'em n wan bɔna saazuo gura sɛla woo maalegɔ seko ti Yinɛ tɔgɛ dɛ yuuman yuuman ha doohe a tuulum nɔtɔgeheba puan la.

Aromduma 8:14

Sɛba woo ti Yinɛ Fa'a Sia la gu'ura ba ti ba kina tuuntɔɔ la, en sirum de Yinɛ kɔma.

Aromduma 8:16

Fa'a Sia kana mɛa en de tu aze'nyɛdaana la tumam sia la, ti tu dela Yinɛ kɔma,

Aromduma 8:18

Mam mi' n suure puan suŋa suŋa ti namehegɔ seko ti tu nameha saŋa kana wa puan wa la, ti ku dagi sɛla en wan dikɛ makɛ la sunsɛka en maahum ti ka niiɛ bo' tu na wa.

Aromduma 8:23

Dagi la timpaberɛ wa ma'a, gee tumam mɛhi en tari Fa'a Sia didiina tu puan la me uheri mɛ puan ha, gee gura ti Yinɛ to'e tu bihera, gee bo' tu inganɛ wa faarɛ.

Aromduma 9:26

“Zɛ'se'ehi ti ba daa yi' ya ti, ‘Ya dagi mam nɛreba la.’ Bilam mɛa ti ba wan yi'ira ya Yinɛ vua la kɔma.”

1 Korẽntɩ 1:7

bahɛ ti ya ka koŋe zu'uhegɔ bo'olum sebo ya puan, yan guri tu Daana Yezu Kiresta niirɛ na wa.

1 Korẽntɩ 1:8

A me wan sɛ ya ze'ele suŋa suŋa ta paaɛ ba'ahegɔ, ti ya kan tara gbelegere, tu Daana Yezu Kiresta dabeherɛ la puan.

2 Korẽntɩ 6:18

N wan dɛna ya Sɔ, ti ya dɛna n kɔma. Daana la en de Gani Za'a Daana la en yele.”

Galatɩ 3:26

Se'ere en sɔi la, Yezu Kiresta puan, ya za'a dela Yinɛ kɔma doohe sakerɛ puan.

Filipi 1:20

La dela sɛla ti mam kɔ'ɔm ana kɛli, gee me tari puti'irɛ, ti vi kan di mam sadɔɔ seko woo puan, gee doohe mam en muuli la sukpe'ene wa zuo, Kiresta yu'urɛ wan nyɛ pɛka nananawa, wuu la ni pun ani se'em mam iŋa wa puan la, mam vom bii n kum la.

Kolɔsɩ 3:4

Kiresta en de ya vom la han ta niiɛ na, yamam me wan lagum niiɛ la en, la na'ahegɔ.

Hiburuduma 12:27

Yetɔge buna wa “Le yɛ'ɛha wa,” pa'ali ti, a yeti a vuɛ la sɛla en miini la bahɛ bana dela naaŋɔ lɔgerɔ n bala, ti sɛla woo n ka miini la yee.

1 Pita 1:13

Ŋwana zuo, maahum ya puti'ira ti ya tum. Tana ya mɛhi tara. Bahɛ ya ti ya puti'ira za'a bɔna zu'uhegɔ seko ti Yezu Kiresta wan tari na bo' ya, a han ta niiɛ na la puan.

1 Pita 1:7

ti ya yelemɛŋerɛ sakerɛ la en tari tibehum gana salema, sakerɛ wa en tari tibehum gana salema wa, en pun tana Sagena la, gee ba wan kelum magehɛ bu la bugum bihɛ, bala mɛa ti ba wan magehɛ ya sakerɛ la bihɛ, gee de wan tara pɛka la suŋa, la na'ahegɔ, Yezu Kiresta han ta niiɛ na.

1 Zã 3:1

Bihɛ ya nɔŋerɛ kãtɛ se'ere en boi de tɔka ti Sɔ la dikɛ bo' tu, ti ba yi'ira tumam Yinɛ kɔma. Ɛ̃ɛ tumam en sirum de sɛba n bala. Se'ere en sɔi ti tiŋa wa ka mina tu la dela, tiŋa wa yuum ka ka mi' en.

1 Zã 3:2

N sunɔŋerɛ duma wa, tu dela Yinɛ kɔma nananawa. Tumam n wan ta ana se'em nan ka niiɛ. Tumam n mi' sɛla dela dina wa, Kiresta han ta niiɛ na, tu wan ana wuu en la, tu wan nyɛ en wuu en ani se'em la.

Lilegere 21:7

Se'em en nyaŋɛ la, en wan to'e lɔge tuna, ti n dɛna a Yinɛ, ti a dɛna n bia.