Aromduma 7:24 - ZE'ELEGO PAALEGA

²⁴ Bihɛ mam n de nɛra vom n tari nimbaalega se'em. Ani en wan faaɛ mam insɛka n tari kum kina wa puan bahɛ?

Farefare Ninkaré

²⁴ La de la ninbãalga bɔ mam. Ãne n wʋn fãagɛ mam be'em n boe mam pʋam tara mam wɛ'ɛsa kũm zẽ'am wã pʋam?

Aromduma 7:24 ပူးပေါင်းရင်းမြစ်များ

Amatie 5:4

“Sum boi mɛ la sɛba en kele, ba wan nyɛ subugehum.

Amatie 5:6

“Sum boi mɛ la sɛba ti tuuntɔɔ vom kom, la ko'nyuuro tara ba, Ba wan tigehɛ ba.

Aluki 4:18

“Daana Sia la en boi la mam, Se'ere en sɔi la, a sɔ mam mɛ ti n tari faarɛ yelehum wa na bo' naheduma. A tum mam na ti n wa'am na muulɛ fai yɛla bo' sɛba en boi bobere puan, gee bihɛ ti fɔɔhi nini pigehɛ gee bahɛ ti sɛba n boi mugehego puan kiŋɛ fai.

Aromduma 6:6

Tu mi' ti ba daa kpa' tu naanɛ kɛka la mɛ la Kiresta, ti tu be'em naanɛ la sagum, ti tu da le dɛna da'aba bo' be'em.

Aromduma 8:13

Ya han vɔna inganɛ la en boti se'em la, ya wan ki. Gee ya han vɔna Fa'a Sia la puan, ku inganɛ tuuma la, ya wan vɔna.

Aromduma 8:2

Beni zuo, ze'elego seko en boi Fa'a Sia la en de vom Kiresta Yezu puan la, faaɛ ya bahɛ la fai, ze'elego seko en tari be'em la kum la nu'uhen.

Aromduma 8:23

Dagi la timpaberɛ wa ma'a, gee tumam mɛhi en tari Fa'a Sia didiina tu puan la me uheri mɛ puan ha, gee gura ti Yinɛ to'e tu bihera, gee bo' tu inganɛ wa faarɛ.

Aromduma 8:26

Bala mɛa ti Fa'a Sia la suŋera tɔ tu tɔregɔ puan, se'ere en sɔi la, tu ni pun ka mina tu wan suhɛ Yinɛ lan suni se'em, gee Fa'a Sia kaŋa mɛa en ni ŋmɛ'ɛra nupu'ɔ bɔ'ɔra tɔ, la si'iŋɔ kãra en gani yetɔgum.

Kolɔsɩ 2:11

Eŋa puan ti ba ŋma yamam me sia puan ŋmaa, yan wan ŋmaaɛ ni ya ingɔŋɔ la zi'an bahɛ ni la, ya ŋmaa dɛ la Kiresta ŋmaa la puan.

2 Timoti 4:18

Daana la wan faaɛ mam be'em zaberɛ woo puan bahɛ, gee tara mam kɛ̃ a saazuo sɔ'ɔlum la puan. Eŋa en sɔi na'ahegɔ wuuha wuuha. Taari.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Hiburuduma 2:15

gee faaɛ sɛba woo vom saŋa woo en boi yamenɛ puan doohe ban zoti kum la zuo.

Lilegere 21:4

A wan duuhe nintahɔ woo ba ninin bahɛ.” Kum kan le bɔna. Si'iŋɔ la kɛlega, la too kan le bɔna, Se'ere en sɔi la, yia yɛla la tole ya.