Aromduma 6:21 - ZE'ELEGO PAALEGA

²¹ Bala, beni sum ti ya nyɛ yele sɛ'a en nyaa tari ya vi wa puan? Yele aŋa za'a ba'ahegɔ dela kum.

Farefare Ninkaré

²¹ Tõon-sɛba tɩ ya daan tõm na, ya yẽ la bẽm yõorɔ ba pʋam? Lɛɛlɛ wã, la de la yãnnɛ bɔ ya, tõon-bãma ba'asgɔ de la kũm.

Aromduma 6:21 ပူးပေါင်းရင်းမြစ်များ

Aromduma 1:32

Ba mi' ti Yinɛ yeti, sɛba woo en iti yele ana wa dela ba ki, gee ba pun ka ita a ba ma'a, gee ba pɛgeri la sɛba me en ita a la.

Aromduma 5:12

Bala zuo, wuu be'em en wa'am tiŋa wa zuo na, doohe buraa kayima puan na se'em, ti kum me doohe be'em na, ti kum taaɛ nɛra woo se'em la, beni zuo, nɛra woo tum la be'em.

Aromduma 6:16

Ya ka mi' ti ya han dikɛ ya mɛhi bo' se'em ti ya wan nana en, ya dela se'em ti ya nana la da'aberɛ? La dɛna be'em en tari ya yɛ'a kum puan, bii la dɛna naŋa en tari ya yɛ'a tuuntɔɔ vom puan.

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

Aromduma 7:5

Tumam en daa nan boi tumam en boti se'em puan la, tu be'em kɔrehi la en boi tu puan la daa ihegere mɛ, ze'elego la zuo, tuna tu inganɛ wa puan, wuna kum wala.

Aromduma 8:13

Ya han vɔna inganɛ la en boti se'em la, ya wan ki. Gee ya han vɔna Fa'a Sia la puan, ku inganɛ tuuma la, ya wan vɔna.

Aromduma 8:6

Fum dikɛ fu puti'irɛ delum inganɛ wa la dela kum, gee fum dikɛ fum puti'irɛ delum Fa'a Sia la dela vom, la suma'ahum.

2 Korẽntɩ 4:2

Tumam zagehɛ nyanɛ tuunsɛ'a ti se'em sugera la mɛ. Tumam zagehɛ mɛ ti tu kan tuna pã'ahegɔ tuuma bii tu burum Yinɛ yelehum la. Gee tumam kɔ'ɔm tɔgera la yelehum la yelemɛŋerɛ, nɛrawoo nɛŋan la Yinɛ nɛŋan.

2 Korẽntɩ 7:11

Bihɛ ya yelemɛŋerɛ se'ere ti Yinɛ zoolum susageŋɔ wa iŋɛ ya puan. Beni ninmu'urɛ ti ya ka mu'ɛ ti ya yehe ya mɛhi, beni sigehe mɛŋa, beni pakerɛ, beni boolum, beni zika, beni namehegɔ. Sadɔɔ seko woo puan ya pa'alɛ mɛ ti ya ka tari tuure yele la puan.

Filipi 3:19

Ba ba'ahegɔ dela sageŋɔ. Ba yinɛ dela ba puya, ti ba suŋa bɔna ba vi la puan, ba puti'ira boi la timpaberɛ wa zuo lɔgerɔ puan.

Hiburuduma 10:29

Bala, namehɛ kãtɛ deni taaba ti yamam ti'iha ti ba en wan dikɛ bo' sɛba en ka dikɛ Yinɛ Dayua la yi' sɛla, tuura nɔpu'ulegɔ ziim la n dikɛ pee ba la, gee nyiiha zu'uhegɔ Sia la?

Hiburuduma 6:8

Gee samanɛ la han yɛhera gu'uhi la tuntuuro, de ka tari vuurɛ, ka zaaɛ ba pɔ bahɛ de zuo, ti de ba'ahegɔ ta dɛna la ba nyɔ' dɛ.

Yemesi 1:15

Ti kunkoma'ahum buna wa nyaa han ta nyɔkɛ puurɛ, bu dɔgeri la be'em, ti be'em buna wa han ta bi'ɛ kahegɛ, bu dɔgeri la kum.

Yemesi 5:20

ya mina ti, se'em woo en tari be'em daana a tuure puan lebe na la, wan faaɛ be'em daana la sia kum puan bahɛ, gee ti Yinɛ pi' be'em daana la be'em zo'e zo'e.

1 Pita 4:17

Saŋa la paaɛ mɛ ti gakerɛ la pɔhɛ Yinɛ yire la puan yia, ti la han pɔhera tumam, la wan ba'ahɛ la ŋwani la sɛba en ka nam Yinɛ faarɛ yelehum la?

1 Zã 2:28

Gee Nananawa n kɔmbibehi wa, boni ya a puan, ti a han ta niiɛ na, tu wan tara inkpeŋere ti vi ka tara tɔ a nɛŋan, a han ta wa'am na.

Lilegere 16:6

Se'ere en sɔi la, bamam en daa kɔrum nɛresunduma la, nɔtɔgeheba la. Fum bo' ba la ziim ti ba nyu. Sɛla en nari ba en bala.”

Lilegere 20:14

Ti ba nyaa lobe kum, la ki'intiŋa bahɛ bugum mɔgerɛ la puan. Kum buyi' zi'an la en bala en de bugum mɔgerɛ la puan la,