Aromduma 6:13 - ZE'ELEGO PAALEGA

¹³ Da le dikɛ ya ingana la ze'sɛka bo' be'em, ti la dɛna be'em lɔkɔ tara tuna be'em tuuma. Gee tugum dikɛ ya mɛhi bo' Yinɛ, wuu nɛreba ti ba tari ya kum puan wa'am vom puan na la. Gee dikɛ ya ihe la bo' Yinɛ, ti si dɛna tuuntɔɔ vom tuuma lɔgerɔ.

Farefare Ninkaré

¹³ Da dɩkɛ-ya ya ĩyã zẽ'esɩ to'oto'ore tɩ ba dɛna tõon-be'ero tõoma lɔgrɔ tɩ ya tara ba tõnna be'em. Dɩkɛ-ya ya mẽŋa bɔ Nawẽnnɛ wʋ nẽrba n ki dee vo'oge. Dɩkɛ-ya ya ĩyã zẽ'esɩ to'oto'ore la wuu bɔ Nawẽnnɛ tɩ a tara ba tõnna sɛla n masɛ.

Aromduma 6:13 ပူးပေါင်းရင်းမြစ်များ

Aluki 15:24

Se'ere en sɔi la, mam dayua wa daa ki mɛ gee le vo'e, ka daa bɔregɛ mɛ, gee lebe na!’ Bala ti ba pɔhɛ de'eŋo.

Aluki 15:32

Gee la dela tu de'em gee nyɛɛm, se'ere en sɔi la, fum suuɔ wa daa ki mɛ gee vo'e. A daa bɔregɛ mɛ gee ti tu nyɛ en.’ ”

Azã 5:24

N yeti ya la yelemɛŋerɛ yelemɛŋerɛ wa. Se'em woo n wum mam yelehum wa, gee nam se'em daana n tum mam na la, tari la vomkanba'ahɛ. Ena daana ka boi gakerɛ puan. A daana tee mɛ kum puan wa'am vom puan na.

Aromduma 1:29

Ba kɔ'ɔm pirɛ mɛ la tuunfi'iha yima yima, be'em, fãa, ti'iha be'em bɔ'ɔra nɛreba. Pirɛ la nintɛrega, kua, zaba, pã'ahegɔ, sɔtuuma, ba dela yelebibehi duma,

Aromduma 12:1

Bala zuo, n yeti ya mɛ n suurɔ, ti Yinɛ nimbɔ'zɔrɛ la zuo, ya dikɛ ya ihi la bo' wuu kaabɛ vua la, dɛna tuulum kaabegɔ, gee tigɛ Yinɛ nini, dina en de ya sia puan na'ahegɔ.

Aromduma 6:11

Bala, yamam me biha nyɛta ya mɛhi ti, ya ki keehe be'em mɛ, gee nyaa vɔna bo' Yinɛ Kiresta Yezu puan.

Aromduma 6:16

Ya ka mi' ti ya han dikɛ ya mɛhi bo' se'em ti ya wan nana en, ya dela se'em ti ya nana la da'aberɛ? La dɛna be'em en tari ya yɛ'a kum puan, bii la dɛna naŋa en tari ya yɛ'a tuuntɔɔ vom puan.

Aromduma 6:19

N tari la asaala yɛla mageha, ya bɔkerɛ en ka zo'e la zuo. Wuu yan tabelɛ dikɛ ya ihe wa lɔgerɔ bo' dɛgerɔ tuuma se'em la, malum galena kɛ̃'ɛ̃ra puan puan se'em la. Bala, nananawa, dikɛ ya ihe la za'a tihɛ, ti si dɛna da'aberɛ bo' tuuntɔɔ vom, ti Yinɛ pee ya.

Aromduma 7:23

gee mam nyɛti la ze'elego kuyima n inganɛ wa puan en zaberɛ la ze'elego seko en boi mam puti'irɛ puan la, bahɛ ti mam dɛna da'aberɛ bo' be'em ze'elego la en boi mam iŋa wa puan la.

Aromduma 7:5

Tumam en daa nan boi tumam en boti se'em puan la, tu be'em kɔrehi la en boi tu puan la daa ihegere mɛ, ze'elego la zuo, tuna tu inganɛ wa puan, wuna kum wala.

1 Korẽntɩ 6:15

Ya ka mi' ti ya ihe la dela Kiresta dinɛ? Bala, n dikɛ Kiresta lɔgerɔ lebege yaalegɔ lɔgerɔ? La kan tum.

1 Korẽntɩ 6:20

Se'ere en sɔi la, ba da' ya mɛ la da'alum, bala zuo, na'ahɛ ya Yinɛ la ya inganɛ la.

1 Korẽntɩ 6:9

Yamam ka mi' ti be'emduma kan kɛ̃ Yinɛ sɔ'ɔlum la puan? Da pã'ahɛ ya mɛhi. Yalum duma, bage kaabereba, sɛba en tuni kabohi, pɔgenindɔɔrɔ la buraahi bii pɔgehi en gã' taaba,

2 Korẽntɩ 10:4

se'ere n sɔi la, tumam zaberɛ lɔgerɔ la yeen dagena la nɛresaala zaberɛ lɔgerɔ, gee tu tari la Yinɛ paŋa en wan ta'am sagum pahi zi'ihi.

2 Korẽntɩ 5:14

Kiresta nɔŋerɛ la en bo'ori tɔ paŋa, se'ere zuo, tu za'a sakɛ ya ti nɛra ayima n ki bo' nɛrawoo, bala la, nɛrawoo ki mɛ.

2 Korẽntɩ 5:15

Yezu ki bo' la nɛra woo, ti sɛba n vɔ kan le vɔna bɔ'ɔra ba mɛhi gee se'em n ki gee ihege bo' ba la.

2 Korẽntɩ 8:5

la yele dina me, dagi ti tumam en yeen daa ti'iha, gee ba dikɛ la ba mɛhi bo' Daana la yia, gee nyaa dikɛ ba mɛhi bo' tumam me wuu Yinɛ suboolum n de se'em la,

Efɛɛzɩ 2:5

la tumam n daa pun ki tu be'em la zuo la, Yinɛ bahɛ ti tu vo'e mɛ la Kiresta. Zu'uhegɔ zuo ti ya nyɛ faarɛ.

Efɛɛzɩ 5:14

Se'ere en sɔi la, sɛla woo n ka sugɛ dela niihum n niiɛ bahɛ la zuo. Bala ti la gulehɛ yeti, “Gɔgihera wa, ihege! Ihege kum la puan, ti Kiresta niiɛ bahɛ fum zuo.”

Filipi 1:20

La dela sɛla ti mam kɔ'ɔm ana kɛli, gee me tari puti'irɛ, ti vi kan di mam sadɔɔ seko woo puan, gee doohe mam en muuli la sukpe'ene wa zuo, Kiresta yu'urɛ wan nyɛ pɛka nananawa, wuu la ni pun ani se'em mam iŋa wa puan la, mam vom bii n kum la.

Kolɔsɩ 2:13

Yan daa ki ya tuure puan, ya ingɔŋɔ la en ka ŋma la puan la, Yinɛ bahɛ ti ya vo'e mɛ la en, eŋa en daa di tu za'a tuure sugeri bo' tu.

Kolɔsɩ 3:5

Bala zuo, ku ya sɛla woo en boi ya puan dɛna tiŋa dinɛ zuo bunɔ wuu, yaluntuuma, dɛgerɔ tuuma, kunkoma'ahum, be'em kɔrehi, la nyika (en de baga kaabegɔ la).

2 Tesaloniki 2:12

ti la bahɛ ti sɛba woo n ka nam yelemɛŋerɛ la, gee dikɛ la kunkɔma'ahum la dɛgerɔ tuuma la nyɛ sageŋɔ.

2 Timoti 2:15

Kpeŋe fum mɛŋa la fum kaabɛ fum mɛŋa suŋa bo' Yinɛ wuu se'em ti Yinɛ mɛŋa nam la. Tuntuna sɛka en ka de a zɔta valum, pa'ala yelemɛŋerɛ yelehum la tuuntɔɔ.

Yemesi 4:1

Zaba la nɔkpɛ'ɛma sɛ'a en boi ya puan wa, ze'ele la bɛha na? Ba ka ze'ele la ya kunkoma'ahum la en zaberɛ ya puan la?

1 Pita 2:24

Eŋa mɛŋa en zi' tu be'em a iŋa puan pumpuuredɔɔ la zuo. Be'em la en ki tumam puan la, tu nyaa wan vɔna tuuntɔɔ vom. A pɔgeleŋɔ la puan, ti ya nyɛ tibegɔ.

1 Pita 4:2

Bala yan vɔi vom dabeha sɛ'a en gee timpaberɛ wa zuo wa, da voni ya bu la asaala kunkɔma'ahum, gee Yinɛ suboolum vom.

1 Zã 1:9

Gee tu han purɛ tu tuure la, eŋa se'em daana en de yelemɛŋerɛ la tuuntɔɔ daana la, wan di sugeri bo' tu tuure la gee pee tu yehe sɛla woo en dagi ma'a puan.