Aromduma 5:21 - ZE'ELEGO PAALEGA

²¹ bala, be'em n pa'ali a paŋa kum puan se'em la, bala mɛa ti zu'uhegɔ wan pa'alɛ a paŋa doohe buurɔ, yu'ura sore bɔ'ɔra vom kamba'ahɛ sebo en boi Yezu Kiresta tu Daana puan la.

Farefare Ninkaré

²¹ Bɛla, tõon-be'ero n tarɩ pãŋa botɩ nẽrba kiira la, bɛla mẽ, Nawẽnnɛ yel-sõnnɛ n tarɩ pãŋa botɩ nẽrba masɛ a zẽ'am tara vɔm n ka ba'asrɩ, tɩ Zuudãana Azezi-krisi ĩyã.

Aromduma 5:21 ပူးပေါင်းရင်းမြစ်များ

Amatie 25:46

Ti bana wa wan kiŋɛ namehegɔ seko n ka tari ba'ahegɔ puan, gee ti tuuntɔɔ duma la me kɛ̃ vom kamba'ahɛ puan.”

Azã 1:14

Ti se'em ti ba yi'ira Yelehum wa, ta lebege asaala, bɔna la tɔ, ti tu nyɛ a suŋa, sunsɛka en pa'ali ti a dela Sɔ dayɔba'arɛ, pirɛ la zu'uhegɔ, la yelemɛŋerɛ.

Azã 10:28

Mam bo'ori si la vomkanba'ahɛ, ti si kan malum bahɛ yoo. Se'em me ka boi wan ta'am zɛ piihi wa mam nu'en faaɛ.

Aromduma 4:13

Nɔbiŋere la n biŋe ti Aberaham la a yaahi ti ba wan sɔna timpaberɛ wa za'a la yuum ka tɔgɛ bo' Aberaham bii a yaahi la la doohe la ze'elego la puan, gee la doohe tuntɔɔnɛ en ze'eti sakerɛ puan.

Aromduma 5:12

Bala zuo, wuu be'em en wa'am tiŋa wa zuo na, doohe buraa kayima puan na se'em, ti kum me doohe be'em na, ti kum taaɛ nɛra woo se'em la, beni zuo, nɛra woo tum la be'em.

Aromduma 5:14

Gee la bala za'a, kum pa'alɛ a paŋa mɛ ze'ele Adam, ta paaɛ Moose, pun ta ta' sɛba be'em en ka ani wuu Adam tuure la, Adam kana wa ani wuu se'em en ye' na la.

Aromduma 5:17

La han dɛna la nɛre yinɛ tuure la zuo ti kum doohe bilam sɔna sɛla woo la, yelemɛŋerɛ, sɛla en gani bala dela, sɛba en to'e zu'uhegɔ kãtɛ la, la tuuntɔɔ zaŋa bo'olum kãtɛ la tari la vom paŋa, doohe buraa kayima Yezu Kiresta wa puan.

Aromduma 6:12

Bala, da bo' ya fole, ti be'em sɔna ya ingana wa en ki la, ita ya ti ya nana ya kɔrehi la.

Aromduma 6:14

Se'ere en sɔi la, be'em kan le sɔna ya, yan ka boi ze'elego la puan, gee bɔna zu'uhegɔ puan la.

Aromduma 6:16

Ya ka mi' ti ya han dikɛ ya mɛhi bo' se'em ti ya wan nana en, ya dela se'em ti ya nana la da'aberɛ? La dɛna be'em en tari ya yɛ'a kum puan, bii la dɛna naŋa en tari ya yɛ'a tuuntɔɔ vom puan.

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

Aromduma 8:10

Gee Kiresta han bɔna ya puan, la ya ingana la en pun ki be'em zuo la, gee Sia la en bo'ori vom doohe tuntɔɔnɛ se'ere ti Yinɛ bo' tu la zuo.

Taitusi 2:11

Se'ere en sɔi la, Yinɛ zu'uhegɔ la wa'am na tari la faarɛ na bo' nɛra woo,

Hiburuduma 4:16

Bala zuo, bahɛ ya ti tu paaɛ ya Yinɛ na'am kuka la nɛŋan ti zu'uhegɔ bɔna la, la sukpe'ene, la tu ta'am to'e a nimbɔ'zɔrɛ la, nyɛ zu'uhegɔ, ti la suŋɛ tɔ sansɛka woo n nari.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

2 Pita 1:1

Mam Simɔn Pita, en de yameŋa, dɛna Yezu Kiresta tuntuna la, en gulehɛ bɔ'ɔra sɛba en doohe Yinɛ la Faara Yezu Kiresta tuntɔɔnɛ la puan to'e sakerɛ en de tuulum lɔkɔ wuu tumam dinɛ la.

1 Zã 2:25

Sɛla ti Yinɛ mɛŋa biŋe nuurɛ la tɔ n ŋwana, Yinɛ vom sumɔ n kamba'ahɛ.