Aromduma 5:1 - ZE'ELEGO PAALEGA

¹ Bala zuo, tumam en to'e buurɔ doohe sakerɛ puan la, tu tari suma'ahum mɛ la Yinɛ, suma'ahum buna wa ze'ele la tu Daana Yezu Kiresta puan na.

Farefare Ninkaré

¹ Bɛla, Nawẽnnɛ botɩ tõma dɛna sɛba n masɛ a zẽ'am na, tõma n bɔ ẽ sɩra la ĩyã. La tõma tarɩ sũ-mã'asʋm mɛ naagɛ la Nawẽnnɛ tõma Zuudãana Azezi-krisi ĩyã.

Aromduma 5:1 ပူးပေါင်းရင်းမြစ်များ

Aluki 19:38

nyaa yɛta yeti, “Sum boi mɛ la naba la en dikɛ Daana la yu'urɛ wa'am na la. Suma'ahum boi saazuo, Ti na'ahegɔ bɔna saazuin zuin ha.”

Aluki 19:42

yeti, “Fum wa, fum wa fum han mini zina beere wa, Yele sɛ'a en tari suma'ahum kina na la. Gee nananawa yele aŋa sugɛ mɛ fum ninin, ti fum ka nyɛta.

Aluki 2:14

“Pɛka paaɛ Yinɛ, se'em en boi saazuin zuin ha wa, gee ti timpaberɛ wa me zuo, suma'ahum bɔna la saaleba ti a zu'uhɛ ba la!”

Azã 14:27

Suma'ahum ti mam dikɛ baha ya. Mam mɛŋa suma'ahum ti mam dikɛ bɔ'ɔra ya. Mam ka bo'ori n suma'ahum wa wuu timpaberɛ zuo nɛreba n bo'ori ba suma'ahum se'em la. Da bahɛ ya ti ya suya daana, gee me da bahɛ ya ti dabeem tara ya.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Azã 20:31

Gee ba gulehɛ yele ana wa, ti la bahɛ ti fum wa'am na nam ti, Yezu n de Kiresta la, Yinɛ Dayua la. Ti naŋa la puan, ya wan tara vom a yu'urɛ la puan.

Azã 5:24

N yeti ya la yelemɛŋerɛ yelemɛŋerɛ wa. Se'em woo n wum mam yelehum wa, gee nam se'em daana n tum mam na la, tari la vomkanba'ahɛ. Ena daana ka boi gakerɛ puan. A daana tee mɛ kum puan wa'am vom puan na.

Tõoma 10:36

Ya mi' yelehum sebo ti a yuum tum bo' Izirale buuri la, muula suma'ahum yelehum Yezu Kiresta puan. Eŋa n de sɛla woo Daana la.

Aromduma 1:17

Bo puan ti Yinɛ tuntɔɔnɛ la niira, dɔla sakerɛ puan, wuu lan pun gulehɛ se'em yeti, “Se'emdaana en de tuuntɔɔ wan vɔna mɛ la sakerɛ la.”

Aromduma 1:7

Mam Pɔɔl n gulehɛ bɔ'ɔra la yamam sɛba woo ti Yinɛ nɔŋɛ ya, ti ya bɔna Arome tiŋa puan, ti Yinɛ yi' ya ti ya dɛna nɛresunduma la. Zu'uhegɔ dɛna ya dinɛ, ti suma'ahum en ze'eti Yinɛ en de tu Sɔ, la Daana Yezu Kiresta zi'an la dɛna ya dinɛ.

Aromduma 10:10

Se'ere en sɔi la, nɛra ni nam mɛ la a suure, ti Yinɛ bo' en buurɔ, gee me ni purɛ la a nuurɛ nyɛ faarɛ.

Aromduma 10:15

Gee ba yeti ba iŋɛ la ŋwani muulɛ, han dagena ba tum ba mɛ? Wuu lan gulehɛ se'em yeti, “Bihɛ sɛba en tari faarɛ yelehum la kina na la nama en ani se'em suŋa suŋa.”

Aromduma 14:17

Se'ere en sɔi la, Yinɛ sɔ'ɔlum la puan dagi la dia la nyua, gee tuuntɔɔ vom, suma'ahum la nyɛɛma Fa'a Sia la puan.

Aromduma 15:13

Nananawa,Yinɛ se'ere en sɔi beere puti'irɛ la, pirɛ ya la nyɛɛma woo la suma'ahum yan nam la zuo, ya pirɛ la beere puti'irɛ ti bu yabera doohe Fa'a Sia la paŋa puan.

Aromduma 15:33

Nananawa, suma'ahum Yinɛ la bɔna la ya za'a. Taari.

Aromduma 3:22

ti Yinɛ tuntɔɔnɛ dole la sakerɛ Yezu Kiresta puan, bɔ'ɔra sɛba woo en nam, ti yima yima ka bɔna,

Aromduma 3:30

Yinɛ dela ayina, gee wan bo' sɛba en ŋma la buurɔ ba sakerɛ zuo, gee bo' sɛba en ka ŋma la buurɔ ba sakerɛ me zuo.

Aromduma 4:5

Gee se'em en ka tum, gee yeen nam la se'em n bo'ori be'em duma buurɔ la, sakerɛ dinɛ taaba ti ba bahɛ nyɛ ti a dela tuuntɔɔ daana.

Aromduma 5:11

Gee sɛla en pun gana bala dela, tu ŋmɛ'ɛri la nyu'ɔ Yinɛ puan, tu Daana Yezu Kiresta zuo, se'em zuo ti tu nyaa nyɛ naarɛ la Yinɛ wa.

Aromduma 5:18

Bala zuo, wuu nɛre yinɛ tuure en tari sageŋɔ wa'am saaleba woo zuo se'em na la, bala mɛa ti nɛre yinɛ tuuntɔɔ tuunɛ la me bo' nɛreba woo buurɔ, la vom.

Aromduma 6:23

Se'ere en sɔi la, be'em yɔɔrɛ dela kum, gee Yinɛ zaŋa bo'olum la ti a bo' la, dela vom kan ba'ahɛ, Kiresta Yezu tu Daana la puan.

Aromduma 9:30

Beni ti tu nyaa wan yele? Sɛba en dagi Yuda buuri la en daa ka zigeri tuuntɔɔ vom wa yele la, nyɛ tuuntɔɔ vom la mɛ. Tuntɔɔ vom sebo en dole sakerɛ puan la.

Galatɩ 2:16

Gee la bala za'a, tu mi' ti nɛra de ma'a la Yinɛ dagi la en tuni ze'elego la, gee en tari sakerɛ Yezu Kiresta puan. Ti tumam wa'am na nam Yezu Kiresta, ti tu dɛna ma'a la Yinɛ tu sakerɛ Kiresta puan, gee dagi tumam en tuni ze'elego tuuma se'em. Beni zuo, nɛra ka boi n wan ta'am dɛna ma'a la Yinɛ eŋa en tuni ze'elego tuuma la.

Galatɩ 3:25

Gee nananawa ti sakerɛ wa'am na la, tu ka le bɔna se'em en ni guri tu la nu'uhen,

Galatɩ 5:22

Gee Sia la walɛ dela, nɔŋerɛ, nyɛɛma, suma'ahum, ŋmibega, pupɛɛla itesuŋɔ, la sakerɛ,

Efɛɛzɩ 2:7

Bala ti saŋa la han ta paaɛ, a wan pa'alɛ a zu'uhegɔ la n ka tari makerɛ la, la a sum sebo ti a tara bɔ'ɔra tɔ Kiresta Yezu puan la.

Filipi 3:9

la n vɔna a puan, da tara n mɛŋa tuntɔɔnɛ en yehe ze'elego la naŋa puan na, gee tuntɔɔnɛ en yeheri n sakerɛ Kiresta puan na. Tuntɔɔnɛ se'ere en ze'ele Yinɛ zi'an dɔla sakerɛ puan.

Kolɔsɩ 1:20

eŋa ti Yinɛ nini tigɛ ti a doohe a puan dikɛ sɛla woo naaɛ taaba bo' a mɛŋa, sɛla woo en boi timpaberɛ wa zuo, bii saazuo, doohe la Yinɛ en iŋɛ suma'ahum doohe la a ziim la pumpuuredɔɔ la zuo la.

Kolɔsɩ 3:15

Gee me bahɛ ti Kiresta suma'ahum pirɛ ya suya, yele se'ere zuo ti ba yi' ya na pa'ahɛ inganɛ deyina lageŋɔ la puan en bala. Gee la ya me bo'ori Yinɛ fara.

1 Tesaloniki 5:23

Suma'ahum Yinɛ la mɛŋa wan sukɛ ya za'a za'a. Ya sia za'a, la ya puti'irɛ za'a, la ya iŋa za'a, la ya inma'ahum za'a, maahum ya biŋe gura tu Daana Yezu Kiresta kinɛ na.

2 Tesaloniki 3:16

Nananawa, suma'ahum Daana la mɛŋa wan bo' ya suma'ahum saŋa woo, sadɔɔ seko woo puan. Daana la bɔna la ya za'a.

Hiburuduma 13:20

Nananawa, Yinɛ se'em en de suma'ahum daana la, se'em daana en tari a piihi dunkiin kãtɛ wa ze'ele kum puan lebe na la, tu Daana Yezu Kiresta doohe a ziim la nɔpu'ulegɔ la en ka tari ba'ahegɔ la puan,