Aromduma 3:24 - ZE'ELEGO PAALEGA

²⁴ Ba nyɛ buurɔ doohe la zu'uhegɔ la en de bo'olum la, doohe faarɛ se'ere en boi Kiresta Yezu puan la,

Farefare Ninkaré

²⁴ La Nawẽnnɛ yel-sõnnɛ na ĩyã, a botɩ ba masɛ a zẽ'am na zãŋa, Azezi-krisi n fãarɩ ba tõon-be'ero pʋam na ĩyã.

Aromduma 3:24 ပူးပေါင်းရင်းမြစ်များ

Amatie 20:28

Wuu Asaala Dayua la n ka wa'am na ti ba tuna bɔ'ɔra en, gee a tugum tuna bɔ'ɔra, pun ta dikɛ a vom yɔ to'e nɛreba zo'e zo'e se'em la.”

Tõoma 15:11

Lan tugum dɛna se'em dela, tumam sakɛ ya ti tu wan nyɛ faarɛ doohe la zu'uhegɔ seko n doohe Yezu puan na la, wuu bamam me n wan sakɛ se'em la.”

Aromduma 4:16

Ŋwana zuo, la dela sakerɛ en bahɛ ti nɔbiŋere la, doohe zu'uhegɔ puan paaɛ Aberaham yaahi woo, dagi la sɛba ma'a n dole ze'elego la, gee sɛba me en tari Aberaham sakerɛ la taaba la. (A dela tu za'a sɔ,

Aromduma 4:4

Se'em woo en tum, ba ka bihɛ nyɛ a yɔɔrɛ la ti de dɛna bo'olum, gee la dela sɛla ti a tum to'e.

Aromduma 5:9

Sɛla en gani bala dela, tumam en nyaa to'e buurɔ Kiresta ziim la puan la, tu nyɛ la faarɛ a puan, yehe Yinɛ susuntuulega la puan.

1 Korẽntɩ 1:30

Yinɛ en de ya vom nyɛgerɛ, Kiresta Yezu puan, se'em en de tu yɛm, ze'ele Yinɛ zi'an na, dɛna tuuntɔɔ la, se'em en sokere la, la ayɔto'e daana la,

1 Korẽntɩ 6:11

Gee bala ti ya sɛba daa ana. Gee ba pee ya mɛ, ba sukɛ ya mɛ, ba bo' ya la buurɔ tu Daana Yezu Kiresta yu'urɛ la, la tu Yinɛ Sia la puan.

Kolɔsɩ 1:14

se'em puan ti tu nyɛ faarɛ, la yele be'ero sugeri dia.

1 Timoti 2:6

se'em en dikɛ a mɛŋa kaabɛ to'ore kaabegɔ bo' nɛra woo, ti la dɛna aze'nyɛ saŋa ti a pun maahum.

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Lilegere 5:9

Ti ba za'a yuum yuumpaalɛ yeti, “Fum nari mɛ ti fum to'e gɔŋɔ la la fum lorege daalehum se'ere en sɔi la, ba yuum kɔregɛ fum mɛ, ti fum dikɛ fum ziim yɔ to'e nɛre sunduma, buuri woo, tugum woo, nɛreba woo la tihi woo puan bo' Yinɛ.

Lilegere 7:14

Ti mam yele en yeti, “Naa, fum en de se'em en mi'.” Ti a nyaa yele mam yeti, “Bana dela sɛba en ze'ele namehegɔ kãtɛ puan yehe na. Ba pee ba futo mɛ, ti tu pelege kirikiri Pebila la ziim la puan.