Aromduma 2:10 - ZE'ELEGO PAALEGA

¹⁰ Gee suŋa la na'ahegɔ, la suma'ahum wan bɔna bo' se'em woo en tuni sum la, pɔhera Yuuduma, gee nyaa paara Girikiduma me.

Farefare Ninkaré

¹⁰ La nẽr-sɛba wuu n ɩtɩ sõŋa wʋn yẽ la na'am pãŋa, la nã'asgɔ, la sũ-mã'asʋm. Pɔspɔsɩ de la Zifdõma, pa'asɛ la sɛba n dagɩ Zifdõma.

Aromduma 2:10 ပူးပေါင်းရင်းမြစ်များ

Amatie 10:13

Yire la duma han to'e ya, bahɛ ti ya suma'ahum la sige de puan, gee ba han ka to'e ya, luke ya suma'ahum ka'a la.

Aluki 1:79

Bo wan niiɛ bo' sɛba en zi' lika puan, la sɛba en boi Kum nyɔ̃pɔ̃hega puan. Bo wan niiɛ gu'ura tu nama suma'ahum sore la zuo.”

Aluki 12:37

Sum wan bɔna la da'aba se'ehi ti ba kpɛ'ɛma paaɛ na nyɛ ba ti ba kɔ'ɔm maahum mɛ zɛ'a. Yelemɛŋerɛ ti n yɛta ya wa, ti kpɛ'ɛma la wan lu' a sɛganɛ, gee bahɛ ti a da'aba la tee zi'a, dɛla taaba ti a wa'am na tuta ba ti ba dita.

Aluki 19:42

yeti, “Fum wa, fum wa fum han mini zina beere wa, Yele sɛ'a en tari suma'ahum kina na la. Gee nananawa yele aŋa sugɛ mɛ fum ninin, ti fum ka nyɛta.

Aluki 22:14

Saŋa la en ta paaɛ la, ti Yezu zi'ire a zi'irego zi'an dia la zi'an, ti a tuntuneba la zi'a la en dɛla taaba.

Aluki 9:48

gee yele ba yeti, “Se'em woo en to'e bia wa mam yu'urɛ zuo, to'e la mam, ti se'em woo me en to'e mam, to'e la se'em en tum mam na la. Se'em en sigehe a mɛŋa paaɛ paaɛ ya puan eŋa en gani ya za'a.”

Azã 12:26

Se'em n wan dɛna mam yameŋa dela, a dɔla mam. Mam n boi zi'an la, n yameŋa la me wan bɔna la bilam. Se'em woo n de mam yameŋa tuna bɔ'ɔra mam la, Sɔ la wan zɛkɛ en.

Azã 14:27

Suma'ahum ti mam dikɛ baha ya. Mam mɛŋa suma'ahum ti mam dikɛ bɔ'ɔra ya. Mam ka bo'ori n suma'ahum wa wuu timpaberɛ zuo nɛreba n bo'ori ba suma'ahum se'em la. Da bahɛ ya ti ya suya daana, gee me da bahɛ ya ti dabeem tara ya.

Azã 16:33

N yeti ya dina wa, ti ya tara suma'ahum mam puan. Han dɛna timpaberɛ wa zuo, ya wan nyɛ mɛlehegɔ. Gee da bahɛ ya ti dabeem tara ya, gee mam pun nyaŋɛ timpaberɛ wa mɛ.”

Tõoma 10:35

gee tiŋa woo puan, se'em n zoti en, gee tuna sɛla n de ma'a ti Yinɛ bɔta.

Aromduma 14:17

Se'ere en sɔi la, Yinɛ sɔ'ɔlum la puan dagi la dia la nyua, gee tuuntɔɔ vom, suma'ahum la nyɛɛma Fa'a Sia la puan.

Aromduma 15:13

Nananawa,Yinɛ se'ere en sɔi beere puti'irɛ la, pirɛ ya la nyɛɛma woo la suma'ahum yan nam la zuo, ya pirɛ la beere puti'irɛ ti bu yabera doohe Fa'a Sia la paŋa puan.

Aromduma 2:7

Sɛba en ŋmibe tuna sum la, se'ere en sɔi la, ba nini mu'ɛ mɛ ɛɛra suŋa, na'ahegɔ, la sɛla en ka pu'uri. Yinɛ wan bo' ba vom kamba'ahɛ.

Aromduma 2:9

Yelemɛŋerɛ, wuŋerɛ en ka tari makerɛ la susageŋɔ wan bɔna bo' se'em woo n tuni be'em, pɔhera Yuuduma, gee nyaa paara Girikiduma.

Aromduma 5:1

Bala zuo, tumam en to'e buurɔ doohe sakerɛ puan la, tu tari suma'ahum mɛ la Yinɛ, suma'ahum buna wa ze'ele la tu Daana Yezu Kiresta puan na.

Aromduma 8:6

Fum dikɛ fu puti'irɛ delum inganɛ wa la dela kum, gee fum dikɛ fum puti'irɛ delum Fa'a Sia la dela vom, la suma'ahum.

Aromduma 9:21

Yagumbaha la ka tari yɔgerɔ la paŋa, wan ta'am dikɛ yɔgerɔ tunɔ mɛa yagum lɔkɔ kuyima, ti kuŋɔ dɛna tuulum lɔkɔ, gee yagum kuyima ti kuŋɔ dɛna tuunse'ere yoo lɔkɔ?

Aromduma 9:23

Gee ŋwani, a han le iŋɛ bala ti a pa'alɛ a suŋa bo' sɛba en de a zɔ ba nimbu'ɔ la, sɛba ti a pun maahum biŋe a ti a pa'alɛ ba a suŋa kãtɛ la,

Galatɩ 5:22

Gee Sia la walɛ dela, nɔŋerɛ, nyɛɛma, suma'ahum, ŋmibega, pupɛɛla itesuŋɔ, la sakerɛ,

Galatɩ 5:6

Beni zuo, Kiresta puan, fum ŋma ya yoo, fum ka ŋma yoo, la ka tari sɛla tɔ'ɔra. Yele se'ere ma'a en tari sɛla tɔ'ɔra dela, sakerɛ en dole nɔŋerɛ puan.

Filipi 4:7

Ti Yinɛ suma'ahum la n gani bɔkerɛ za'a la, gu'ura ya suya la ya ti'ihegɔ sɛ ti zɛ'a kankaŋi Yezu Kiresta puan.

1 Timoti 1:17

Na'kãtɛ sɛka en boi wuuha, se'em en ka kiiri, Na'liliŋɔ se'em ma'a en de Yinɛ la, sɔna na'ahegɔ la pɛka wuuha wuuha. Taari.

Hiburuduma 2:7

Fum iŋɛ en ti saŋa fii wa, a da zuna la suŋereba. Fum vugele en la suŋa, la na'ahegɔ muŋa,

Yemesi 2:22

Ya nyɛ ti sakerɛ la yuum vɔi mɛ la a tuuma la, ti a tuuma la bahɛ ti sakerɛ la bi'ɛ.

Yemesi 3:13

Ani en tari yɛm, tara bɔkerɛ ya puan? Pa'alɛ bɔ doohe fum vom sumɔ la puan, ti fum tuni fum tuuma la ma'a ma'a la yɛm.

1 Pita 1:7

ti ya yelemɛŋerɛ sakerɛ la en tari tibehum gana salema, sakerɛ wa en tari tibehum gana salema wa, en pun tana Sagena la, gee ba wan kelum magehɛ bu la bugum bihɛ, bala mɛa ti ba wan magehɛ ya sakerɛ la bihɛ, gee de wan tara pɛka la suŋa, la na'ahegɔ, Yezu Kiresta han ta niiɛ na.

1 Pita 5:4

Ti dunkiin naba la han ta niiɛ na, ya wan di suŋa muŋa sɛka en ka pelegere la.