Aromduma 16:25 - ZE'ELEGO PAALEGA

²⁵ Nananawa wa, pɛka dɛna Yinɛ se'em en wan ta'am kpemehe ya la yelehum la ti n bo' ya la, la mam n muulɛ Yezu Kiresta bo' ya se'em, yele se'ere en sugɛ gã'a diimen diimen ha se'em,

Farefare Ninkaré

²⁵ Pẽgɛ-ya Nawẽnnɛ, ẽŋa n tã wʋn botɩ ya ze'ele kãŋkãŋɛ, wʋ kõ-yẽlga la tɩ mam mõolɛ pa'alɛ ya Azezi-krisi yelle, botɩ ya bãŋɛ Nawẽnnɛ yelle n sʋgɛ la. Yel-ẽŋa sʋgɛ mɛ halɩ yʋʋma yʋʋma.

Aromduma 16:25 ပူးပေါင်းရင်းမြစ်များ

Amatie 13:17

Yelemɛŋerɛ ti en yɛta ya wa, nɔtɔgeheba, la nɛretuntɔɔ duma zo'e zo'e yuum boti ba nyɛ yamam en nyɛ sɛla wa mɛ, gee ka nyɛ la, gee bɔta ti ba wum yamam en wum sɛla wa, gee ka wum.

Amatie 13:35

Dina iŋɛ ti nɔtɔgeha la purega la wa'am asira na. A yuum purɛ yeti, “Mam wan ya'ɛ en nuurɛ tɔgɛ la mageha, N wan muulɛ sɛla en sugɛ tiŋa wa pi'ileŋo na.”

Amatie 20:7

Ti ba yeti, ‘Nɛra ka dikɛ tɔ.’ Ti a yele ba yeti, ‘Yamam me kiŋɛ n tiihi wala va'am la puan.’

Tõoma 20:32

Gee nananawa, mam dikɛ ya ita la Yinɛ nu'uhen la a zu'uhegɔ yelehum la puan. Yelehum sebo n wan ta'am mɛ ya ze'ele, gee bo' ya tɔtɛ la sɛba n pee ba mɛhi la.

Tõoma 9:20

Bilam bilam ti Sɔɔl pɔhɛ muula Yezu yele zamehegɔ yire la puan yeti, “Yezu sirum dela Yinɛ Dayua.”

Aromduma 11:25

Ŋwana ti ya kan ta'am yɛta ti, yamam ba' mina mɛ, n suurɔ. N boti ya bɔkɛ yele se'ere en sugɛ wa mɛ, ti Sukãberɛ en lu Izirale buuri la basɛba zuo, gura ti sɛba en dagi Yuda buuri la kãlɛ en de se'em wan nyɛ faarɛ la ta kɛ̃ na ba'ahɛ suŋa suŋa.

Aromduma 14:4

Fum dela ani gakera ayima yamehi? Ba mɛŋa Daana la nɛŋan ti ba wan ba zɛ'a bii ba lu. Ba me wan zɛ'a, se'ere en sɔi la, Daana la wan bahɛ ti ba zɛ'a.

Aromduma 16:24

Tu Daana Yezu zu'uhegɔ bɔna la ya. Taari.]

Aromduma 2:16

daan se'ere daarɛ, wuu vom yelehum la en yele se'em yeti, Yinɛ wan doohe Kiresta Yezu puan gakɛ sɛla woo en sugɛ nɛre woo suuren la.

1 Korẽntɩ 1:23

Gee han dɛna tumam, tumam muuli la Kiresta ti ba kpa' la, yelese'ere en de pirega lɔkɔ bo' Yuuduma, gee dɛna gɔɔn yelehum bo' sɛba en dagi Yuuduma la.

1 Korẽntɩ 2:7

Gee tumam tɔgeri la Yinɛ yɛm en sugɛ, yele sɛ'a ti nɛreba ka mina, ti Yinɛ yuum pun tɔgɛ a yele ti tiŋa wa nam pun ka naam, tumam tibehum zuo.

1 Korẽntɩ 4:1

Bala, yeen dikɛ ya tu ŋwana, ti tu dela Kiresta yamehi, tu dela sɛba en biheri Yinɛ sugelum yɛla la.

2 Korẽntɩ 4:3

Tumam yelehum wa han pun pi' mɛ, bu pi' la sɛba en baheri yoo la zi'an.

2 Korẽntɩ 4:5

Se'ere en sɔi la, tumam ka muuli la tu mɛhi yele, tu muulɛ la Yezu Kiresta se'em n de Daana la yele. Tumam mɛhi dela yamam yamehi Kiresta zuo.

Galatɩ 2:2

Mam kiŋɛ la dela n nyɛ la lilegere. Ti mam paaɛ dikɛ sɛla woo biŋe ba nɛŋan (la dela mam la nɛheduma sɛba ti ba loohe la ma'a) doohe faarɛ yelehum la ti mam muula bɔ'ɔra sɛba en ka pa'ahɛ Yuuduma puan la, ti n baŋɛ ti mam tuni sɛla la, gee pun tum sɛla la, kan bahɛ yoo.

Efɛɛzɩ 1:9

ti a iŋɛ tɔ ti tu baŋɛ a sumboolum sugelum yele, wuu sum la boolum sebo ti a pun maahum biŋe Kiresta puan

Efɛɛzɩ 3:11

Ŋwana wa iŋɛ doohe la a putɛ'se'ere n ka tari ba'ahegɔ, ti a tum dɛ tu Daana Kiresta Yezu puan la,

Efɛɛzɩ 3:9

ti nɛra woo baŋɛ putɛ'se'ere n boi sugelum yele wa en sugɛ yuuma yuuma ha, Yinɛ se'ere n naam sɛla woo puan la,

Efɛɛzɩ 6:19

Pu'uheri ya bo'ori ya mam mɛ, ti n han ni yeti n tɔgɛ, Yinɛ bo' mam yelehum, ti n tɔgɛ la sukpe'ene ti nɛreba baŋɛ sugelum yele se'ere n boi faarɛ yelehum wa puan,

Kolɔsɩ 2:2

Mam boti ba suya nyɛ la kpemehego, naaɛ taaba nɔŋerɛ puan, gee nyɛ bɔkerɛ se'ere en gani za'a, tara tibehum, gee me tara mi'ilum doohe Yinɛ sugelum yele la en de Kiresta a mɛŋa la.

Kolɔsɩ 4:3

Gee me pu'uha bɔ'ɔra tumam me, ti Yinɛ yu'ɛ kuleŋa bo' yelehum la, ti tu muulɛ Kiresta yele sɛ'a en sugɛ la, yele sɛ'a zuo ti mam bɔna paka deen wa,

1 Tesaloniki 3:13

A wan kpemehe ya suya la Yinɛ tuulum vom puan, ti ya ka tara tuure tu Yinɛ, la tu Sɔ la nɛŋan, tu Daana Yezu, la a nɛresunduma la kinɛ puan na.

2 Tesaloniki 2:14

Dina zuo, ti a yi' ya doohe tumam n muulɛ faarɛ yelehum la bo' ya la, ti ya ta'am tara tu Daana Yezu Kiresta suŋa la.

2 Tesaloniki 3:3

Gee Daana la dela yelemɛŋerɛ daana. A wan sɛ ya ze'ele, gee gu' ya nɛrebɛ'a la zi'an.

2 Timoti 1:9

se'em en faaɛ tɔ, gee yi' tu tuulum yi'a, dagi la tu tuuma zuo, gee eŋa mɛŋa en boti se'em, la a zu'uhegɔ zuo. Zu'uhegɔ kuna wa dikɛ bo' tu doohe la Kiresta Yezu puan, diimen diimen ha,

2 Timoti 2:8

Tɛra ti Yezu Kiresta ihege mɛ a kum la puan, a dela Deviti yaaŋa, mam faarɛ yelehum en bala.

Taitusi 1:2

beere puti'irɛ en de vom kamba'ahɛ la, ti Yinɛ en ka pareni wa biŋe nuurɛ gee baŋɛ naam tiŋa wa la.

Hiburuduma 7:25

Dina zuo la a nyaŋeri mɛ faara, nananawa la saŋa woo sɛba en dole a puan paara Yinɛ la baha, eŋa en vɔi wuuha la zuo, a ŋmɛ'ɛra nupu'ɔ ba zuo la.

1 Pita 1:20

Yinɛ yuum pun maahum en mɛ gee ti timpaberɛ wa baŋɛ pi'ilum, gee ta niiɛ en ba'ahegɔ saŋa wa puan, yamam zuo.

1 Pita 5:10

Ti ya han namehɛ yuue fii wa, Yinɛ en de zu'uhegɔ za'a daana la, se'em en yi' ya ti ya wa'am na bɔna sunsɛka en ka tari ba'ahegɔ Kiresta puan la, a mɛŋa wan lebehe ze'ele ya, te'ele ya, kpemehe ya, gee sɛ ya ze'ele kankaŋi.

Lilegere 10:7

gee dabeha sɛ'a ti suŋera buyopɔi daana la wan peebe a tintanɛ la, Yinɛ yele se'ere en sugɛ la wan wa'am yelemɛŋerɛ na, wuu en muulɛ de se'em doohe a yamehi la en de nɔtɔgeheba puan se'em la.”