Aromduma 16:18 - ZE'ELEGO PAALEGA

¹⁸ Se'ere en sɔi la, nɛre bamam taaba ka tuni bɔ'ɔra tu Daana Kiresta, gee ba tuni bɔ'ɔra la ba mɛhi puya. Ba tari la tɔgɛ malemale la belegere, pã'aha susɛ'a en ka mi' la.

Farefare Ninkaré

¹⁸ Se'ere n soe la, nẽr-bãma buuri ka tõnnɩ bɔ'ɔra tɩ Zuudãana Azezi-krisi, ba tõnnɩ na ba mẽŋa sõŋrɛ ĩyã. Ba tɔgrɩ la nõ-yẽlʋm yetɔga, la yetɔg-yẽlsɩ pã'asra nẽr-sɛba yɛm n ka zo'oge la.

Aromduma 16:18 ပူးပေါင်းရင်းမြစ်များ

Amatie 24:11

Ti nɔtɔgeheba pumparenduma zo'e zo'e wan wa'am na pa'ahɛ nɛreba zo'e zo'e ti ba.

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Amatie 6:24

“Nɛra kan ta'am tuna bɔ'ɔra kpɛ'ɛnduma bayi', se'ere en sɔi la, a wan ba'afum yaaɛ ayima gee nɔŋɛ ayima, bii a ba' tuna bɔ'ɔra ayima gee bahera ayima. Ya kan ta'am dɛna yameŋa bo' Yinɛ la lɔgerɔ buyina.

Amatie 7:15

“Mini ya nɔtɔgehe pumparenduma la en kini ya zi'an na wa yele. Ba dikɛ la piihi gana furɛ gee ba puan puan ha, ba mɛhi, gee ba dela sahi en obere ti la kiha.

Azã 12:26

Se'em n wan dɛna mam yameŋa dela, a dɔla mam. Mam n boi zi'an la, n yameŋa la me wan bɔna la bilam. Se'em woo n de mam yameŋa tuna bɔ'ɔra mam la, Sɔ la wan zɛkɛ en.

Aromduma 14:18

Se'em woo en tuni dɔla sadɔɔ kuna bɔ'ɔra Kiresta, Yinɛ nini tigɛ la a daana mɛ, ti saaleba me to'e en .

Aromduma 16:19

Ya naŋa la en yehe zi'an woo se'em la, en bahɛ ti mam nyɛɛna ya zuo, n boti ya tara la yɛm, sɛla en ani suŋa puan, gee yehe ya mɛhi sɛla en de be'em puan.

2 Korẽntɩ 11:3

Gee dabeem n tari mam. Wuu kampia la n yuum pa'ahɛ Eva la a wikerɛ la, bala mɛa ti yamam me puti'ira wan yehe, ti ya kan le tara ninmu'urɛ la susunɛ pu'uha Kiresta.

2 Korẽntɩ 2:17

Se'ere en sɔi la, tumam ka bureni Yinɛ yelehum la, wuu sɛba zo'e zo'e en iti se'em la. Gee Kiresta puan, tumam tɔgeri mɛ yelemɛŋerɛ, wuu nɛreba ti Yinɛ tum tɔ, gee ti tu me zɛ'a a nɛŋan saŋa woo la.

2 Korẽntɩ 4:2

Tumam zagehɛ nyanɛ tuunsɛ'a ti se'em sugera la mɛ. Tumam zagehɛ mɛ ti tu kan tuna pã'ahegɔ tuuma bii tu burum Yinɛ yelehum la. Gee tumam kɔ'ɔm tɔgera la yelehum la yelemɛŋerɛ, nɛrawoo nɛŋan la Yinɛ nɛŋan.

Galatɩ 1:10

Nananawa, mam nyaa eere la saaleba sakɛ bo' mam yoi? Bii n eere la Yinɛ sakɛ bo' mam? Bii n tugum nyaa zigera ti n pee la saaleba puya? Mam han kelum dole ni la n pɛɛra saaleba puya, mam kan deni Kiresta yameŋa.

Filipi 2:21

Se'ere en sɔi la, bana la za'a eere la ba mɛhi ma'a sum yele, dagi Yezu Kiresta yelehum la sum yele.

Filipi 3:19

Ba ba'ahegɔ dela sageŋɔ. Ba yinɛ dela ba puya, ti ba suŋa bɔna ba vi la puan, ba puti'ira boi la timpaberɛ wa zuo lɔgerɔ puan.

Kolɔsɩ 2:4

Mam yeti ŋwana la dela, nɛra da pa'ahɛ ya la nɔmaalum.

Kolɔsɩ 3:24

yan diŋɛ mina ti Daana la puan ya wan ta to'e tɔtɛ ti la dɛna ya yɔɔrɛ la. Ya tuni bɔ'ɔra la Daana Kiresta la.

2 Tesaloniki 2:10

la pa'ahegɔ kãra woo, bɔ'ɔra sɛba en wan bahɛ yoo, ban zagehɛ ba nɔŋɛ yelemɛŋerɛ la ba nyɛ faarɛ la.

1 Timoti 6:5

ŋmɛ'ɛra nɔkpɛ'ɛma la sɛba en ka ti'ihɛ suŋa, ka tara yelemɛŋerɛ la, ti'iha ti Yinɛ zoolum dela bɔɔbɔ sore.

Yemesi 1:1

Yemesi en de yameŋa bo' Yinɛ la Daana Yezu Kiresta la, en gulehɛ gɔŋɔ wa bɔ'ɔra yizuto pia la tuyi' la en nɔgɛ bɔna zi'an woo la. Mam pu'uheri ya na.

2 Pita 2:3

Ba nyika la zuo, ba wan fa' ya la ba pã'ahegɔ yelehum la. Ba namehegɔ la en purɛ bahɛ ba zuo yuuman yuuman ha la, dagi yoo, ba sageŋɔ la kan gã'arɛ.

Azudi 1:1

Mam Yude en de Yezu Kiresta da'aberɛ la, dɛna Yemesi suuɔ la en gulehɛ bɔ'ɔra yamam sɛba ti Yinɛ yi' la, yamam sɛba ti Yinɛ en de Sɔ la nɔŋɛ, gee dikɛ ya sugɛ biŋe bo' Yezu Kiresta la.

Azudi 1:12

Ba dela galeŋɔ ya nɔŋerɛ lageŋɔ la puan, ban diti la ya ti dabeem ka tara ba, gee ti ba yeen ɛɛra ba pirɛ ba puya ma'a la. Ba dela sagbama yooro en ka tari ko'om, ti sabeeo ziira ba kaara zi'an woo. Ba dela dɔwalega tiihi en ka tari wala la, ba ki la buyi', ba vuuɛ ba mɛ ta ta' la nyɛga.

Azudi 1:16

Ba dela gɔgeleŋɔ duma, sɛba en nyɛti nɛreba tuure. Ba dole la ba mɛhi kunkoma'ahum, tɔgera ka du'ura, tara nɔmaalum la nɛreba, suŋera ba mɛhi ma'a.

Lilegere 1:1

Yezu Kiresta lilegere, ti Yinɛ lilege bo' en, ti a pa'alɛ a da'aba, sɛla en wan ba'ahum iŋɛ nananawa. A niiɛ dɛ doohe la en tum a suŋera, a yameŋa Yɔn zi'an na la.