Aromduma 15:26 - ZE'ELEGO PAALEGA

²⁶ Se'ere en sɔi la, Masedoniya, la Akaiya tihi sakereba la puurɛ pee mɛ ti ba tɔrɛ ba tarega la sɛba en de naheduma nɛresunduma la puan la Yerusalɛm puan la.

Farefare Ninkaré

²⁶ Se'ere n soe la, Nawẽnnɛ nẽrba n boe Masedʋanɩ, la Akayi so'olʋm na looge la yɛm lagsɛ ligri tɩ ba sõŋɛ Nawẽnnɛ nẽrba n boe Zerizalɛm na tarɩmdõma.

Aromduma 15:26 ပူးပေါင်းရင်းမြစ်များ

Amatie 25:40

Ti Naba la wan lerege ba yeti, ‘N yeti ya la yelemɛŋerɛ wa, ti yan daa iŋɛ se'em bo' se'em n pɔ'ɛ mam suurɔ wa puan la, ya daa iŋɛ bo' la mam.’

Amatie 26:11

Naheduma la boi la ya mɛ saŋa woo, gee mam kan bɔna la ya saŋa woo.

Aluki 14:13

Gee fum han yi'ira nɛreba ti ba wa'am na di la hɔ, yi' naheduma, kɔɔrenɔ, wɔbehi la fɔɔhi la na.

Aluki 6:20

Ti Yezu gorege bihɛ a zahereba la gee yeti, Sum boi mɛ la yamam sɛba n nameheri wa, Se'ere en sɔi la Yinɛ sɔ'ɔlum la dela ya dinɛ.

Tõoma 16:12

ze'ele bilam tole Filipi, kaŋa n de tinkãtɛ Masedoniya tiŋa la puan, me dɛna Aromduma sɔ'ɔlum. Tu yee la tinkana wa puan dabeha fii wa.

Tõoma 16:9

Ti yu'uŋɔ ti Pɔɔl ta nyɛ lilegere, ti buraa n yehe Masedoniya tiŋa n bala zɛ'a la en bɛlena yeti, “Wa'am Masedoniya na suŋɛ tɔ.”

Tõoma 18:12

Gee Galiyo n wa biha Akaiya tiŋa la, ti Yuuduma wa lagehɛ taaba gbirege la Pɔɔl, tari en wa'am tugum yire puan na.

Tõoma 19:21

Yele ana wa woo n iŋɛ ba'ahɛ la, Pɔɔl maahum mɛ Sia la puan ti a doohe Masedoniya la Akaiya tihi puan gee nyaa tole Yerusalɛm. A yele bo' a mɛŋa yeti, “N han paaɛ bilam, n wan ba'ahɛ paaɛ Arome.”

Tõoma 9:13

Gee Ananiya lerege en yeti, Daana, “Mam wum nɛreba zo'e zo'e , be'em zo'e zo'e sebo taaba ti buraa kana tum fum nɛresunduma en boi Yerusalɛm,

1 Korẽntɩ 16:15

Nananawa, n suurɔ, ya mi' ti Stefanase yire duma n de yia duma ti ba tee Akaiya tiŋa puan, gee me kaabɛ ba mɛhi tuna bɔ'ɔra nɛresunduma la.

1 Korẽntɩ 16:5

N wan doohe na limehe ya guum n han ta kaaɛ Masedoniya duma ba'ahɛ, se'ere en sɔi la, mam iŋɛ n puti'irɛ ti n kaaɛ la Masedoniya ba'ahɛ,

2 Korẽntɩ 1:16

Mam boti ni ti n kaaɛ ya bihɛ mɛ n han ta yɛ'a Masedoniya tiŋa, gee n han ta ze'ele Masedoniya lɛbera na, n le kaaɛ ya bihɛ, gee ti ya bahɛ mam ti n kiŋɛ Yudiya.

2 Korẽntɩ 11:9

Mam n daa boi la ya ti nɔŋɔ tara mam la, mam daa ka dikɛ n mɛŋa ziile ya se'em, se'ere en sɔi la, mam n daa boti sɛla woo la, tu suurɔ seto n daa ze'ele Masedoniya tiŋa na la en daa bo' mam. Bala, mam yehe n mɛa gee wan kelum yehe n mɛa, kan le dikɛ n mɛa ziile ya sadɔseto woo puan.

2 Korẽntɩ 2:13

gee mam puti'irɛ daa ka gã'arɛ, se'ere n sɔi la, n ka nyɛ n suuɔ Taitusi bini. Bala ti mam keehe ba, gee kiŋɛ Masedoniya.

2 Korẽntɩ 7:5

La tumam n daa pun ta kɛ̃ Masedoniya tiŋa na la, tu ihe wa daa ka nyɛ vo'ohego, gee tu daa kɔ'ɔm nyɛta la namehegɔ zi'an woo. Nɔkpɛ'ɛma la sɛba en ka pa'ahɛ tu puan, la dabeem sebo n boi tumam mɛhi tiŋasuka.

2 Korẽntɩ 9:12

Se'ere en sɔi la, yamam en tum tuun-dina wa la, dagi la ya bo' la nɛresunduma la ma'a, gee bu ɔlegeri mɛ la fara bu'a zo'e zo'e bɔ'ɔra Yinɛ.

2 Korẽntɩ 9:2

Se'ere en sɔi la, mam mi' ti ya ninmu'urɛ la n de mam nyu'ɔ ŋmɛ'a la ti mam tara ya ŋmɛ'ɛra bɔ'ɔra Masedoniya tiŋa nɛreba yeti, Akaiya pun maahum mɛ yuunɛ n tole ha la, ti yamam ninmu'urɛ la n gbirege nɛreba zo'e zo'e.

2 Korẽntɩ 9:4

Han dagena bala, Masedoniya nɛreba basɛba han doohe la mam wa'am na nyɛ ti ya ka maahum, la wan dɛna vi bo' tu, mam pun kan yele ya se'ere yele dina puan.

Filipi 4:15

Yamam Filipiduma sirum mi' ti, faarɛ yelehum pɔhega dabeha la puan ha la, mam en bahɛ Masedoniya la, lageŋɔ daa ka boi lagum tum bo' mam bu'a bii to'ore yɛla wa puan, han dagena yamam ma'a.

1 Tesaloniki 1:7

Bala ti ya dɛna makerɛ bo' sakereba la woo en boi Masedoniya la Akaiya tihi la.

1 Tesaloniki 1:8

Se'ere en sɔi la, Daana yelehum la doohe ya puan yehe mɛ, dagi la bu paaɛ la Masedoniya la Akaiya tihi ma'a puan, gee zi'an woo, ya sakerɛ se'ere tara Yinɛ puan la niiɛ mɛ, ti la pun ka pakɛ ti tumam le tɔgɛ de yele.

1 Tesaloniki 4:10

Ti la me sirum dɛna asira ti ya nɔŋɛ ya suurɔ woo en boi Masedoniya timpaberɛ puan mɛ. Gee tumam ka'ani ya mɛ n sunɔŋerɛ duma wa, ti ya malum iŋɛ bala paaɛ paaɛ.

1 Timoti 1:3

N yeti fum mɛ la ninmu'urɛ, wuu mam daa yele fum se'em mam daa wa yɛ'a Masedoniya la, ti fum yee Ɛfisu, la fum pa'alɛ nɛreba basɛba ti ba da pa'ala pa'alegɔ en boi kuyima,

Afilmõ 1:5

se'ere en sɔi la, mam wum fum nɔŋɛ Yinɛ tuulum nɛreba la woo se'em, la fum sakerɛ Daana Yezu puan.