Aromduma 13:7 - ZE'ELEGO PAALEGA

⁷ Yɔ ya sɛla woo en de ba dinɛ bo' ba.Yɔ ya kuba bo' se'em en de a to'e kuba, gee yɔ ya lɔgeseto woo en de ya yɔ tu kuba la, bo' se'em en to'ohe kuba aŋa la, nane ya sɛba en nari ba nana, ti na'ahegɔ bɔ'ɔra se'em en de ya na'aha.

Farefare Ninkaré

⁷ Bɔ-ya nẽra woo sɛla n de ya bɔ ẽ. Yɔ-ya lampo bɔ sɛka n de a to'oge lampo, yɔ-ya sɛla woo n de ya yɔ bɔ sɛka n de a to'oge. Zɔta-ya sɛka n de ya zɔta, la ya nã'asra sɛka n de ya nã'asra.

Aromduma 13:7 ပူးပေါင်းရင်းမြစ်များ

Amatie 17:25

Ti Pita yeti, “Ɛ̃ɛ, a yɔɔri.” Ti ban ta kule yire na la, Yezu tɔgɛ la yele deni yia, soke yeti, “Fum ti'ihɛ la dinɛ Simɔn? Tiŋa wa zuo na'duma to'ohe kuba la bani zi'an? Ba mɛhi kɔma bii saama?”

Amatie 22:21

Ti ba lerege yeti “Siiza,” ti a yele ba yeti, “Dikɛ ya sɛla n de Siiza dinɛ bo' Siiza, gee dikɛ sɛla n de Yinɛ dinɛ bo' Yinɛ.”

Amarkɩ 12:17

Ti Yezu yele ba yeti, “Dikɛ ya sɛla en de Siiza dinɛ bo' en gee dikɛ sɛla en de Yinɛ dinɛ la me bo' en.” Ti leregere la ba' iŋɛ ba pakerɛ.

Aluki 20:22

La de sore bo' tu ti tu yɔɔra tu kuba bɔ'ɔra Kaiza bii la dagi de sore?”

Aluki 20:25

Ti Yezu yele ba yeti, “Bala, yi dikeri ya sɛla en de Kaiza dinɛ bɔ'ɔra Kaiza, gee dikera sɛla n de Yinɛ dinɛ, bɔ'ɔra Yinɛ.”

Aluki 23:2

Nyaa pɔhɛ zuuha Yezu bɔ'ɔra naba la yeti, “Tu nyɛ buraa wa mɛ ti ka gbiregeri tu tiŋa wa, gu'ura tumam ti tu da yɔɔra kuba bɔ'ɔra Kaiza wa, gee yɛta yeti, Eŋa en de Kiresta la, dɛna naba.”

Aromduma 12:10

Nɔŋɛ ya taaba la giile. Pageri ya taaba la na'ahegɔ tuuma.

Aromduma 13:6

Bala mɛa zuo ti fum me yɔɔra kuba la. Se'ere en sɔi la, kpɛ'ɛnduma la dela Yinɛ yamehi, mu'ɛ nini la tuun-ana wa.

Efɛɛzɩ 5:33

Nɛra woo, lan pun ana se'em me, dela a nɔŋɛ a pɔga wuu a mɛŋa la, ti pɔga la me dɛna ka na'aha ka asira.

Efɛɛzɩ 6:5

Da'aba, nane ya ya timpaberɛ wa zuo kpɛ'ɛnduma, la dabeem la gbi'a, la suyinɛ wuu yan nane Kiresta se'em la.

1 Timoti 5:13

Gee dagi bala ma'a, gee ba zamehɛ la zinyagerɛ, ɛɛra lɔ'ɔha yiya kaara, ba ka ze' la yoo ma'a, gee ba dela yelebibeheduma, la sɛba n kɛ̃'ɛ̃ra nɛreba yɛla puan, tɔgera sɛla en dagi ba tɔgɛ.

1 Timoti 5:17

Kiinduma sɛba en tuni lageŋɔ tuuma suŋa la nari la na'ahegɔ en ka tari makerɛ, yele yele wuu sɛba en mu'ɛ nini muula gee pa'ala Yinɛ yelehum la.

1 Timoti 6:1

Bahɛ ti sɛba woo en de da'aba na'aha ba kpɛ'ɛnduma sɛla woo puan, ŋwana ti Yinɛ yu'urɛ, la pa'alegɔ la kan nyɛ tuurɛ.

1 Pita 3:7

Sireba, bala mɛa, me zu'uhi ya ya pɔgeba, yan boi la taaba la, na'ahera fum pɔga, la eŋa en pun dɛna tɔregɔ lɔkɔ la, se'ere en sɔi la, ba wan ta to'e Yinɛ vom bo'olum la mɛ. Iti ya bala ti sɛla da gu'ura ya pu'uhegɔ.