Aromduma 12:13 - ZE'ELEGO PAALEGA

¹³ Lageheri ya suŋera Yinɛ nɛresunduma la, gee tiɛ ya nu'uhi la itesuŋɔ paara saama.

Farefare Ninkaré

¹³ Sõŋɛ-ya Nawẽnnɛ nẽr-sɛba n boorɩ sõŋrɛ la, la ya ɩta sãama sãanɔ.

Aromduma 12:13 ပူးပေါင်းရင်းမြစ်များ

Amatie 25:35

Se'ere en sɔi la, kom daa tari mam ti ya bo' mam dia ti n di, ko'nyuuro daa tara mam, ti ya bo' mam ko'om ti n nyu, mam daa dela saana ti ya to'e mam.

Tõoma 10:4

Ti a bihɛ Suŋera la ti dabeem kɛ̃ en paaɛ paaɛ, gee soke en yeti? “La dela beni Daana?” Ti la lerege en yeti, “Fum pu'uhegɔ, la fum bu'a la za'a zom paaɛ Yinɛ nɛŋan mɛ dɛna tuulum tiihegɔ.

Tõoma 4:35

Ba tari i na biŋe la Yezu tuntuneba la nɛŋan, ti ba tari i tɔta bɔ'ɔra nɛrawoo n ka tari sɛla.

Aromduma 12:8

Kpemehego, daana me dela a kpɛmeha, ti se'em en bo'ori, me bɔ'ɔra yabi yabi, Nɛŋadaana mu'ɛ nini, ti nimbɔ'zɔta me tuna la pupeelum.

1 Korẽntɩ 16:15

Nananawa, n suurɔ, ya mi' ti Stefanase yire duma n de yia duma ti ba tee Akaiya tiŋa puan, gee me kaabɛ ba mɛhi tuna bɔ'ɔra nɛresunduma la.

2 Korẽntɩ 9:1

Nananawa, la ka pakɛ ti n gulehɛ Nɛresunduma tuuma la yele bo' ya.

2 Korẽntɩ 9:12

Se'ere en sɔi la, yamam en tum tuun-dina wa la, dagi la ya bo' la nɛresunduma la ma'a, gee bu ɔlegeri mɛ la fara bu'a zo'e zo'e bɔ'ɔra Yinɛ.

Galatɩ 6:10

Bala zuo, sansɛka woo puan, bahɛ ya ti tu ita sɛla en ani suŋa bɔ'ɔra nɛra woo, yele yele wuu sɛba en de yire puan, Kiresta sakerɛ la puan.

1 Timoti 3:2

Bala, Yinɛ Lageŋɔ nɛŋa daana dela a zɔɛ tuurɛ, a dɛna pɔge yiŋa daana, a ana ma'ma', a tara puti'irɛ, a tara zuo, a tɔ'ɔha nɛreba, a tana pa'ala,

1 Timoti 5:10

A dɛna se'em ti nɛreba wan tɔgera a sum yɛla, se'em en bihɛ a kɔma ti ba zo'e suŋa na, a tɔ'ɔha saama, tɔ'ɔha nɛresunduma, suŋera sɛba en boi namehegɔ puan, gee kaabɛ a mɛŋa bo' itesuŋɔ woo.

Taitusi 1:8

Gee a dɛna se'em en to'oheri nɛreba a yire, nɔŋɛ itesuŋɔ, yɛm daana, dɛna tuuntɔɔ ka tara dɛgerɔ, tana a mɛŋa tara.

Taitusi 3:14

Gee bahɛ ti nɛreba la zamehɛ ba kaabɛ ba mɛhi bo' tuunsuma, la ba ta'am suŋera yelesɛ'a en ni di'e na la, ti ba da bahɛ yoo.

Afilmõ 1:7

Yelemɛŋerɛ, mam puurɛ ba' pee mɛ la kpemehego seko en ze'ele fum nɔŋerɛ puan, beni zuo, tuulum nɛreba la suya malum gã'a la timpaberɛ fum puan, n suuɔ.

Hiburuduma 13:16

Da zagehɛ ya ti ya tuna sum, gee tɔta yan tari sɛla la taaba, gee kaabegɔ kuna taaba en tigeri Yinɛ nini.

Hiburuduma 13:2

Da zagehɛ ya tɔ'ɔha saama, gee sɛba iŋɛ la bala ta to'ohe suŋereba gee ka baŋɛ.

Hiburuduma 6:10

Yinɛ dagi se'em n ka bo'ori buurɔ. A kan mum a nini la ya tuuma la, la ya nɔŋerɛ la ti ya pa'alɛ a yu'urɛ zuo la, doohe la yan bihɛ nɛresunduma la se'em, wuu yan kelum ita se'em wa la.

1 Pita 4:9

To'oheri taaba suŋa ya yiya puan, gee da gɔgeni ya.

1 Zã 3:17

Yinɛ nɔŋerɛ boi se'em daana en tari tiŋa wa lɔgerɔ la ŋwani gee nyɛ a suuɔ en boti suŋɛ, gee kɔ'ɔm kãbɛ suure zagehɛ ti a suŋɛ en.

3 Zã 1:5

N sunɔŋerɛ daana wa, fum tuni mɛ la yelemɛŋerɛ puan, sɛla woo ti fum ita bɔ'ɔra zɔduma la, la ban pun dɛna saama bo' fum la.