Aromduma 11:36 - ZE'ELEGO PAALEGA

³⁶ Se'ere en sɔi la, eŋa puan, la eŋa zi'an ti sɛla woo zɛ'ɛta na, gee dɛna a dinɛ. Eŋa ti na'ahegɔ dɛna a dina saŋa woo. Taari.

Farefare Ninkaré

³⁶ Sɛla woo ze'ele la Nawẽnnɛ zẽ'am. Ẽŋa ĩyã tɩ sɛla woo bɔna, dee dɛna a bõnɔ. Ẽŋa n soe nã'asgɔ wakatɛ wuu. Amina.

Aromduma 11:36 ပူးပေါင်းရင်းမြစ်များ

Amatie 6:13

Da tari tu kɛ̃ magehegɔ puan gee faaɛ tɔ be'em daana la nu'uhen bahɛ. [Sɔ'ɔlum la dela fum dinɛ, paŋa suŋa, wuuha wuuha, Amɛn. Yia yia gulehɛgɔ la tuseto ka tari ka'lam]

Aluki 19:38

nyaa yɛta yeti, “Sum boi mɛ la naba la en dikɛ Daana la yu'urɛ wa'am na la. Suma'ahum boi saazuo, Ti na'ahegɔ bɔna saazuin zuin ha.”

Aluki 2:14

“Pɛka paaɛ Yinɛ, se'em en boi saazuin zuin ha wa, gee ti timpaberɛ wa me zuo, suma'ahum bɔna la saaleba ti a zu'uhɛ ba la!”

Tõoma 17:28

Se'ere n sɔi la, ‘Eŋa zuo ti tu vɔna, gee kina gee dɛna nɛreba wa,’ wuu ya mɛŋa mageha guleheba en yele se'em yeti, ‘Se'ere n sɔi la, tumam me dela a kɔma la.’

Aromduma 16:27

Pɛka dina Yinɛ, se'em ma'a en de yɛm za'a Yinɛ la dinɛ, doohe Yezu Kiresta puan wuuha wuuha Taari.

1 Korẽntɩ 11:12

Wuu pɔka en ze'ele buraa puan na se'em la, bala mɛa ti buraa me zɛ'ɛta pɔka puan na, gee sɛla woo ze'eti la Yinɛ zi'an na.

1 Korẽntɩ 8:6

Gee han dɛna tumam, Yinɛ dela ayima, Sɔ la, se'em zi'an ti sɛla woo ze'ele na la, la se'em zuo ti tu za'a vɔna la, Daana ayima, en de Yezu Kiresta la, se'em puan ti sɛla woo ze'ele na, la se'em zuo ti tu vɔna la.

Galatɩ 1:5

eŋa se'em daana ti suŋa dɛna a dinɛ wuuha wuuha. Taari.

Efɛɛzɩ 3:21

Eŋa ti lageŋɔ la pɛgera, doohe Kiresta Yezu, la buuri woo, wuuha wuuha. Taari.

Filipi 4:20

Pɛka dɛna tu Yinɛ, la tu Sɔ la dinɛ wuuha wuuha. Taari.

1 Timoti 1:17

Na'kãtɛ sɛka en boi wuuha, se'em en ka kiiri, Na'liliŋɔ se'em ma'a en de Yinɛ la, sɔna na'ahegɔ la pɛka wuuha wuuha. Taari.

1 Timoti 6:16

La dela eŋa ma'a en ka kiiri, gee bɔna niihum sebo en ka kaleni puan. Se'em ti nɛra ka tabelɛ nyɛ en bii wan nyɛ en, eŋa se'em ti na'ahegɔ, la pansɛka en ka ba'aheri dɛna a dinɛ wuuha wuuha la. Taari.

2 Timoti 4:18

Daana la wan faaɛ mam be'em zaberɛ woo puan bahɛ, gee tara mam kɛ̃ a saazuo sɔ'ɔlum la puan. Eŋa en sɔi na'ahegɔ wuuha wuuha. Taari.

Hiburuduma 13:21

wan bahɛ ti ya bi'ɛ tunsunɛ woo puan, ti ya ta'am tum a sumboolum, doohe la en boi tu puan tuna la tɔ, tuunsɛ'a en tigeri a nini Yezu puan, se'em ti suŋa dɛna a dinɛ saŋa woo. Taari.

Hiburuduma 2:10

La daa dela ma'a, ti Yinɛ se'em en sɔi, la se'em puan ti sɛla woo bɔna la, en boti a tari nɛreba zo'e zo'e wa'am suŋa puan na la zuo, a bahɛ ti se'em en de ba faarɛ nɛŋa daana la bi'ihɛ a mɛŋa kahegɛ namehegɔ puan.

1 Pita 4:11

Fum se'em en tɔgeri, dela a tɔgera wuu Yinɛ mɛŋa en tɔgeri la. Fum se'em en tuni bɔ'ɔra, dela a tuna la pansɛka za'a ti Yinɛ bo' en la, bala ti Yinɛ wan nyɛ na'ahegɔ sɛla woo puan, doohe Yezu Kiresta puan. Eŋa en sɔi na'ahegɔ la paŋa, wuuha wuuha. Taari.

1 Pita 5:11

Eŋa ti paŋa dɛna a dinɛ wuuha wuuha. Taari.

2 Pita 3:18

Gee tugum zo'ore ya zu'uhegɔ, la ya mi'ilum tu Daana la tu faara Yezu Kiresta puan. Eŋa ti pɛka za'a dɛna a dinɛ, nananawa ta paara dabeherɛ se'ere en ka tari ba'ahegɔ la. (Taari.)

Azudi 1:25

Yinɛ deyina ma'a wa en de tu faara doohe Yezu Kiresta tu Daana puan la, sɔna na'ahegɔ la kpe'eŋo la paŋa la asɔeza'a, saŋa se'ehi en pun tabelɛ tole la, la nananawa, la wuuha wuuha. Taari.

Lilegere 19:1

Ŋwana en tole la, ti mam wum ti sɛla ana wuu nɛrekuuŋɔ kuuhi la, tinsuŋan ha, yɛta yeti, “Haleluya! Faarɛ, la suŋa, la kpe'eŋo dɛna tu Yinɛ dinɛ,

Lilegere 21:6

Ti a nyaa yele mam yeti, “La tum ya. Mam en de Alifa, la Omega, Pi'ileŋo, la Ba'ahegɔ. Sɛba ti ko'nyuuro tara ba, n wan bo' ba ko'om ti la dɛna bo'olum, ze'ele vom ko'om kulaa la puan na.

Lilegere 7:10

Kaahɛ bahɛ na la kɔ kɛ'ɛŋa yeti, “Faarɛ ze'eti la tumam Yinɛ wa, se'em en yage na'am kuka kãtɛ wa zuo wa, la Pebila wa zi'an na.”

Lilegere 7:12

yuuna yeti, “Taari, Sum, la suŋa la yɛm la fara fara la na'ahegɔ la paŋa la kpe'eŋo dɛna tumam Yinɛ la dinɛ wuuha wuuha, Taari.”