Aromduma 11:25 - ZE'ELEGO PAALEGA

²⁵ Ŋwana ti ya kan ta'am yɛta ti, yamam ba' mina mɛ, n suurɔ. N boti ya bɔkɛ yele se'ere en sugɛ wa mɛ, ti Sukãberɛ en lu Izirale buuri la basɛba zuo, gura ti sɛba en dagi Yuda buuri la kãlɛ en de se'em wan nyɛ faarɛ la ta kɛ̃ na ba'ahɛ suŋa suŋa.

Farefare Ninkaré

²⁵ M sɔbiisi, mam boorɩ mɛ tɩ ya bãŋɛ yelle n sʋgɛ la, tɩ ya da bɩsɛ ya mẽŋa tɩ yãma de la yɛm dõma: Ɩsrayɛlɩ nẽrba basɛba n kɛ'ɛm ba sũure ka bɔ sɩra la, la wʋn yuuge mɛ halɩ tarɩ ka paagɛ wakat-sɛka tɩ bu-zãŋsɩ wuu tɩ Nawẽnnɛ looge wʋn yẽ fãarɛ.

Aromduma 11:25 ပူးပေါင်းရင်းမြစ်များ

Amatie 13:11

Ti a lerege ba yeti, “Han dɛna yamam, ba bo' yamam mɛ ti ya bɔkera saazuo sɔ'ɔlum la yele sɛ'a en sugɛ, gee ba ka bo' bamam bala.

Aluki 21:24

Su'a wan kɔrum ba, gee ti ba nyɔgɛ basɛba tari kiŋɛ ti ba dɛna da'aba tihi zo'e zo'e puan, gee ti nɛresɛba en ka dole Yinɛ wan nɛ Yerusalɛm tiŋa wa taalɛ tiŋa, gura ti sɛba en ka mi' Yinɛ la paŋa saŋa la ta wa'am na tum ba'ahɛ.

Azã 10:16

Mam tari n piihi sise'ehi mɛ ti si ka bɔna piihi zɔŋɔ wa puan. N wan ba'ahum ɛ si na ti si me wum n kua. Ti piihi la za'a dɛna buyina, dunkiina ayima.

Aromduma 1:13

Mam boti ya mina dina wa n suurɔ, ti saŋa zo'e zo'e ti n ni maahum ti n wa'am ya zi'an na, (gee ta paaɛ zina la gu'uri mam mɛ). N boti ni ti n wa'am ni na, la n bum sɛla ya puan bo' Yinɛ, wuu mam n bum se'em tihi sise'ehi nɛreba puan bo' Yinɛ la.

Aromduma 11:12

Bala, ba gɛrega la han bahɛ ti tarega paaɛ tiŋa wa zuo, ti ba tɔregɔ la bahɛ tarega paaɛ sɛba en dagi Yuuduma la, gee ba nyaa han lebehe ze'ele suŋa suŋa la nyaa wan ana la ŋwani?

Aromduma 11:24

Se'ere en sɔi la, ba daa han ŋmaaɛ yamam olive tiyɛa puan na naaɛ la timɛnka puan, ŋwani ti bana en tugum dɛna timɛnka yila wa kan le ta'am dikɛ naaɛ ba mɛŋa olive mɛnka yila la puan yɛ'ɛha.

Aromduma 12:16

Boni ya la suma'ahum la taaba, da pa'ala ya mɛhi, gee boni ya la naheduma, da ti'iha ti ya wikɛ gana yan de sɛba.

Aromduma 16:25

Nananawa wa, pɛka dɛna Yinɛ se'em en wan ta'am kpemehe ya la yelehum la ti n bo' ya la, la mam n muulɛ Yezu Kiresta bo' ya se'em, yele se'ere en sugɛ gã'a diimen diimen ha se'em,

Aromduma 9:18

Bala zuo, Yinɛ tari nimbɔ'zɔrɛ bɔ'ɔra la se'em woo ti a looe, gee me kãbera se'em woo suure ti a bɔta.

1 Korẽntɩ 10:1

Mam ka boti ya bɔna aliko n suurɔ, ti tu sɔyaabeduma la za'a yuum boi sagbanɛ la tilen la mɛ, ba za'a yuum doohe ateko la puan tole mɛ,

1 Korẽntɩ 12:1

Nananawa, han dɛna la Sia yɛla la, n suurɔ, mam ka boti ya bɔna aliko.

1 Korẽntɩ 2:7

Gee tumam tɔgeri la Yinɛ yɛm en sugɛ, yele sɛ'a ti nɛreba ka mina, ti Yinɛ yuum pun tɔgɛ a yele ti tiŋa wa nam pun ka naam, tumam tibehum zuo.

1 Korẽntɩ 4:1

Bala, yeen dikɛ ya tu ŋwana, ti tu dela Kiresta yamehi, tu dela sɛba en biheri Yinɛ sugelum yɛla la.

Efɛɛzɩ 1:9

ti a iŋɛ tɔ ti tu baŋɛ a sumboolum sugelum yele, wuu sum la boolum sebo ti a pun maahum biŋe Kiresta puan

Efɛɛzɩ 3:9

ti nɛra woo baŋɛ putɛ'se'ere n boi sugelum yele wa en sugɛ yuuma yuuma ha, Yinɛ se'ere n naam sɛla woo puan la,

Efɛɛzɩ 4:18

Lika n pi' ba bɔkerɛ, yehe ba mɛhi Yinɛ vom sum la puan, la ban ka mi' sɛsɛla, gee ti ba suya dagelum la zuo.

2 Pita 3:8

Gee da bahɛ ya yelemɛŋerɛ dina wa, n sunɔŋerɛ duma, ti Daana la zi'an, daan yinɛ ani mɛ wuu yuuma tuha la, ti yuuma tuha ana wuu daan yinɛ la.

Lilegere 1:20

Han dɛna sugelum yele se'ere en boi ŋmarebibehi siyopɔi wa ti fum nyɛ n zuɔ nu'o wa puan wa, la salema butolela ze'elehi siyopɔi la, ŋmarebibehi siyopɔi la ze'ele bo' la Lageŋɔ tuyopɔi la Suŋereba.Ti ze'elehi siyopɔi me ze'ele bo' Lageŋɔ tuyopɔi la.

Lilegere 10:7

gee dabeha sɛ'a ti suŋera buyopɔi daana la wan peebe a tintanɛ la, Yinɛ yele se'ere en sugɛ la wan wa'am yelemɛŋerɛ na, wuu en muulɛ de se'em doohe a yamehi la en de nɔtɔgeheba puan se'em la.”

Lilegere 11:15

Ti suŋera buyopɔi daana la peebe a tintanɛ la, ti kuuhi kekeko ze'ele saazuo ha vɔɔla baha na yeti, “Tiŋa zuo sɔ'ɔlum la nyaa dela tumam Daana la dinɛ la a Kiresta la dinɛ, eŋa en wan dɛna ka naba, wuuha wuuha.”

Lilegere 7:9

Ŋwana en tole la, mam nyɛ la nɛrekuuŋɔ ti nɛra kan ta'am kãalɛ ba, en ze'ele tihi woo, buuri woo, nɛreba woo, la tugum woo puan na, zɛ'a na'am kuka kãtɛ la, la Pebila la nɛŋan, yɛ salema lɔge pɛɛla, zãla kunkɔɔreŋɔ vɔtɔ ba nu'uhen.