Aromduma 10:15 - ZE'ELEGO PAALEGA

¹⁵ Gee ba yeti ba iŋɛ la ŋwani muulɛ, han dagena ba tum ba mɛ? Wuu lan gulehɛ se'em yeti, “Bihɛ sɛba en tari faarɛ yelehum la kina na la nama en ani se'em suŋa suŋa.”

Farefare Ninkaré

¹⁵ La kõ-yẽlga la wʋn ẽŋɛ la wãne mõolɛ, Nawẽnnɛ sãn ka tõm nẽrba? Wʋ Nawẽnnɛ gõŋɔ n yele se'em na: «La de la sũ-yẽlga, fʋ sãn yẽ nẽr-sɛba n tarɩ kõ-yẽlga sẽna la.»

Aromduma 10:15 ပူးပေါင်းရင်းမြစ်များ

Amatie 9:38

Bala, suhɛ ya va'am Daana la, ti a tum tuntuneba a buŋa la puan na.”

Aluki 10:1

Yele ana en tole la, tu ti Daana la looe a zahereba basɛba pihiyopɔi, tum ba bayi' bayi', ti ba diŋɛ a nɛŋa, ta kɛ̃ tihi se'ehi woo puan ti eŋa mɛŋa maahum ti a doohe si puan la.

Aluki 2:10

Ti suŋera la yele ba yeti, “Da zoti ya dabeem, bihɛ ya, mam tari la yelesunɛ en tari nyɛɛma kãtɛ yɛ'a ya zi'an na, ti n bo' nɛreba woo.

Aluki 2:14

“Pɛka paaɛ Yinɛ, se'em en boi saazuin zuin ha wa, gee ti timpaberɛ wa me zuo, suma'ahum bɔna la saaleba ti a zu'uhɛ ba la!”

Aluki 8:1

Dina wa n tole ba'ahɛ la, ti Yezu dɔla tinkãra, la timbibehi puan muula gee tɔgera faarɛ yelehum la, n de Yinɛ sɔ'ɔlum yelehum la. Ti a zahereba pia la bayi' la bɔna la en,

Azã 20:21

Ti Yezu yele ba yeti, “Suma'ahum bɔna la ya. Wuu sɔ la n tum mam na se'em la, bala mɛa ti mam me tuna ya.”

Tõoma 10:36

Ya mi' yelehum sebo ti a yuum tum bo' Izirale buuri la, muula suma'ahum yelehum Yezu Kiresta puan. Eŋa n de sɛla woo Daana la.

Tõoma 13:26

“N suurɔ wa, Aberaham yireduma yaahi wa, la yamam sɛba n zoti Yinɛ wa, Yinɛ tum faarɛ yelehum buna wa bo' la tumam na.

Tõoma 22:21

Ti a yele mam yeti, ‘Kiŋɛ, gee n yeti n tum fum la zaaɛ zaarɛ, sɛba n dagi Yuuduma zi'an.’ ”

Tõoma 9:15

Gee Daana la yele en yeti, “Kiŋɛ, gee a dela lɔkɔ ti mam looe ti a tara mam yu'urɛ wa bo' sɛba n dagi Yuda buuri la, ba naduma, la Izirale buuri la.

Aromduma 1:15

Gee me le mu'ɛ nini ti n muulɛ faarɛ yelehum la bo' yamam sɛba me n boi Arome tiŋa wa.

Aromduma 15:20

Ŋwana en bahɛ ti mam lu' n suure ti, n kan muulɛ faarɛ yelehum la zi'an ti ba tabelɛ purɛ Kiresta bini, la n da ta mɛ dɔgelɛ ayima ɛberɛ zuo,

Efɛɛzɩ 2:17

Bala, a wa'am na muulɛ la suma'ahum bo' yamam sɛba n daa zaaɛ zaaɛ ha la, gee bo' yamam sɛba n lɛm la.

Efɛɛzɩ 3:8

Gee la mam n pun pɔ'ɛ nɛresunduma la za'a puan la, Yinɛ dikɛ la zu'uhegɔ kuna bo' mam, ti n tari Kiresta tarega la n ka tari makerɛ la faarɛ yelesuma la na bo' sɛba n dagi Yuuduma la,

Efɛɛzɩ 6:15

Tagera sɛ'a ti ya wan pire ni, pirɛ ya sɛla woo n wan ta'am maahum ya ti ya muulɛ suma'ahum faarɛ yelehum wa.

1 Pita 1:12

La yuum niiɛ pa'alɛ ba yeti, ba ka tuni bɔ'ɔra la ba mɛhi, gee tumam, doohe yelesɛ'a en nyaa muulɛ bo' ya nananawa, doohe sɛba en tari faarɛ yelehum wa na bo' ya la, doohe Fa'a Sia la ti Yinɛ tum en saazuo ha bahɛ na la.Yele sɛ'a ti suŋereba mu'ɛ nini ti ba nyɛ la.