Aromduma 1:28 - ZE'ELEGO PAALEGA

²⁸ Ban pun kelum ka bihɛ nyɛ ti la nari ba baŋɛ Yinɛ la, ti Yinɛ dikɛ ba bo' putɛ'ŋmɛlema dikɛ ba bo' yele yaalehi se'ehi en dagi ba tuna ma'a.

Farefare Ninkaré

²⁸ Ban zagsɛ ka bɔɔra tɩ ba bãŋɛ Nawẽnnɛ na, tɩ Nawẽnnɛ basɛ ba ba tẽ'es-yooro la pʋam, tɩ ba ɩta sɛla n ka masɛ tɩ ba ɩta.

Aromduma 1:28 ပူးပေါင်းရင်းမြစ်များ

Tõoma 17:23

Se'ere n sɔi la, mam n doohe ya tiŋa wa za'a kaaɛ mum la, gee ma'ɛ n mɛŋa bihera ya lɔgeseto ti ya na'aha la, mam nyɛ la kaabegɔ bimbine deyima ti gulehegɔ gulehɛ iŋɛ de zuo yeti, ‘Yinɛ se'ere ti tu ka mina.’ Bala zuo la, yinɛ se'ere ti ya na'aha gee ka mina la, Yinɛ dinɛ n bala ti mam muula bɔ'ɔra ya wa.

Tõoma 17:32

Ban wum ti a purɛ a ki gee ihege la, ti basɛba pureha, gee basɛba yeti, “Tu boti fum malum tɔgɛ yele ana wa pa'ahɛ mɛ ti tu kelehe.”

Aromduma 1:18

Yinɛ sunsunyiim ze'ele la saazuo ha niiɛ bahɛ nɛre sɛba be'em la ba tuunfi'iha en gu'uri yelemɛŋerɛ la.

Aromduma 1:21

Se'ere en sɔi la, la ban pun mina Yinɛ wa la, ba ka na'aheri en wuu a dela Yinɛ, bii ba bɔ'ɔra en fara fara, gee ba tugum lebege la nɛrefɔgerɔ ba ti'ihegɔ puan. Ti ba putɛ'vɔya la en ti'ihɛ yele yaalehi la pirɛ la lika.

Aromduma 1:24

Ŋwana zuo, ti Yinɛ dikɛ ba bo' ba kunkoma'ahum sebo ti ba suya bɔta la, dɛgerɔ tuuma la, ti ba tuna zufagehum tuuma la taaba.

Aromduma 1:26

Ŋwana zuo, ti Yinɛ dikɛ ba bo' zufagehum kunkoma'ahum, ti ba pɔgehi tee pɔka la buraa en naari taaba se'em la, bo' sadɔɔ seko en ka nari.

1 Korẽntɩ 15:34

Sigehe ya mɛhi, gee nyɛ putɛ'sunɛ, la ya da le tum be'em. Se'ere en sɔi la, nɛreba basɛba ka mi' Yinɛ. N yeti dɛna wa ti la dɛna la vi bo' ya.

2 Korẽntɩ 10:5

Tu sageni nɔkpɛ'ɛma mɛ la pirega lɔgeseko woo n zaberɛ la Yinɛ mi'ilum la, gee nyɔgera putɛ'sɛ'a woo n boi ti ba nana Kiresta.

Efɛɛzɩ 5:4

Bahɛ ya ti nyanɛ tugum, gɔɔm tugum la yetɔgum yooro kɔ'ɔm yehe ya zi'an. Gee tugum bahɛ ya ti ya pɛgera Yinɛ.

2 Tesaloniki 1:8

Kina na la bugum en diti zigi zigi, lɛregera sɛba en ka mi' Yinɛ, la sɛba en ka nam Daana Yezu faarɛ yelehum la.

2 Timoti 3:8

Wuu Yenesi la Yamberese en yuum ka sakɛ bo' Moose se'em la, bala ti nɛrebana wa en tari putɛ'be'o la sakerɛ se'ere en dagi yelemɛŋerɛ wa, me ka sakɛ bo' yelemɛŋerɛ la.

Taitusi 1:16

Ba iŋɛ ba mɛhi ti bamam mi' Yinɛ, gee ba zagehɛ en mɛ la ba itegɔ la. Ba dela nɛre fi'iha, tube-kpirega duma, ka nara tuunsunɛ se'ere woo puan.

Afilmõ 1:8

Dina wa zuo, la mam n pun tara paŋa Kiresta puan, ti n bo' fum nuurɛ ti fum tum fum tuunɛ,

2 Pita 3:5

Ba kɔ'ɔm mina mɛ gee zagehɛ yelemɛŋerɛ dina wa, ti Yinɛ yelehum la en naam saazuo wa yuuman yuuman la timpaberɛ wa, la ko'om wa en gã' wa,