Aromduma 1:20 - ZE'ELEGO PAALEGA

²⁰ Pɔhɛ Yinɛ n naam tiŋa wa se'em, a paŋa la en ka tari ba'ahegɔ, la a naanɛ la, la ban pun sugɛ la, gee asaala bɔkɛ a mɛ, gee nyɛ ba kpaii, doohe sɛla woo ti Yinɛ naam la puan. Ŋwana zuo, asaala ka tari a yeti eŋa ka baŋɛ mɛ.

Farefare Ninkaré

²⁰ Halɩ lan pɔsɛ dũnia nãaŋɔ, Nawẽnnɛ yɛla tɩ nẽrsaalba ka yẽtɩ n de a ke'eŋo n ka tarɩ ba'asgɔ, la ẽn de Nawẽnnɛ na, nẽrba yẽ ba mɛ a tõoma la pʋam. Bɛla tɩ nẽrsaalba ka tãna wʋn yetɩ bãma ka mi Nawẽnnɛ.

Aromduma 1:20 ပူးပေါင်းရင်းမြစ်များ

Amatie 5:45

Ŋwana ti ya wan dɛna ya Sɔ se'em en boi saazuo ha wa kɔma. Se'ere en sɔi la, a baheri ti wuntɛɛŋa nyɛkera bɔ'ɔra nɛrebe'ero la nɛresuma za'a mɛ, gee tuna saa bɔ'ɔra nɛretuntɔɔ la nɛre ŋmɛlema za'a.

Amarkɩ 10:6

Gee pi'ileŋo puan na la, Yinɛ naam ba la buraa la pɔka.

Azã 1:18

Nɛra nɛra ka tabelɛ nyɛ Yinɛ. Gee la dela Yinɛ biba'arɛ la, en de Yinɛ la bɔna a Sɔ la suure la en dikɛ en pa'alɛ.

Azã 15:22

Mam han ka sige ni na tɔgɛ ni bo' ba, ba ka tari ni tuure. Gee nananawa, ba ka tari tu ka baŋɛ mɛ, ba be'em la puan.

Tõoma 17:29

Tumam n yi de yinɛ kɔma la, la dagi ti tu ti'iha ti Yinɛ naanɛ wan ani mɛ wuu salema, bii salempɛɛlega bii kugere bii naanɛ se'ere ti ba gulɛ bii naanɛ bii ti'ihegɔ seko en yehe asaala na.

Tõoma 22:1

“N suurɔ la n sɔduma wa, kelehe ya nananawa, mam me buurɔ n de se'em ti n yeti n dikɛ biŋe ya nɛŋan wa.”

Aromduma 1:19

Se'ere en sɔi la, ban suni ti ba mina Yinɛ yele sɛ'a la, niiɛ bo' ba mɛ kpaii. Beni zuo, Yinɛ mɛŋa en niiɛ a bo' ba.

Aromduma 16:26

gee nananawa, de nyaa niiɛ na, doohe nɔtɔgeheba en gulehɛ se'em la, de niiɛ bo' sɛba woo en dagi Yuda buuri la, Yinɛ en boi wuuha wa n bo' a nuurɛ se'em, ti a bahɛ ti nɛra woo nam gee sakɛ la.

Aromduma 2:1

Bala zuo, fum ka tari fum yeti n ka baŋɛ mɛ, fum de nɛre se'em woo, fum han gakɛ basɛba. Fum n gakɛ ayima la, fum sagum la fum mɛŋa n bala. Beni zuo, fum se'em en de gakera la, iti la yele aŋa mɛa.

Aromduma 2:15

Yelemɛŋerɛ ba pa'alɛ yeti, ze'elego la en boti se'em la, gulehɛ iŋɛ la bamam suya puan, ti ba mɛhi puti'ira dɛna ba aze'nyɛduma, ti ba mɛhi itegɔ la me wan ta zuuhe ba, bii bahɛ ba fai,

1 Korẽntɩ 1:20

Yɛm daana la bɛɛ? Gɔnmina la bɛɛ? Sankana nɔkpe'en ŋmɛ'ɛra la bɛɛ? Yinɛ ka iŋɛ ti tiŋa wa zuo yɛm la dɛna la gɔɔnɛ?

Kolɔsɩ 1:15

Kiresta dela Yinɛ se'ere ti tu ka nyɛta wa naanɛ, kiima naaŋɔ wa woo puan.

Kolɔsɩ 2:9

Se'ere en sɔi la, eŋa Kiresta en de Yinɛ naanɛ de mɛŋa de mɛŋa en niiɛ inganɛ puan na.

1 Timoti 1:17

Na'kãtɛ sɛka en boi wuuha, se'em en ka kiiri, Na'liliŋɔ se'em ma'a en de Yinɛ la, sɔna na'ahegɔ la pɛka wuuha wuuha. Taari.

1 Timoti 6:16

La dela eŋa ma'a en ka kiiri, gee bɔna niihum sebo en ka kaleni puan. Se'em ti nɛra ka tabelɛ nyɛ en bii wan nyɛ en, eŋa se'em ti na'ahegɔ, la pansɛka en ka ba'aheri dɛna a dinɛ wuuha wuuha la. Taari.

Hiburuduma 11:27

Sakerɛ zuo ti a bahɛ Igipiti, ka zɔta dabeem la naba la sunsunyiim la. A yuum kɔ'ɔm ŋmibera mɛ kina wuu a nyɛ la se'em daana ti ba ka nyɛta la.

Hiburuduma 9:14

Ŋwani ti Kiresta ziim la kan tum gaŋɛ bala zo'e zo'e se'em en doohe Sia sɛka en ka tari ba'ahegɔ la puan, kaabɛ a mɛŋa fa'a kaabegɔ bo' Yinɛ la. Ziim buna wan sirum pee tu puti'ira yehe kum tuuma puan, tari tu lebe ti tu na'aha Yinɛ Vɔa wa!