Aromduma 1:17 - ZE'ELEGO PAALEGA

¹⁷ Bo puan ti Yinɛ tuntɔɔnɛ la niira, dɔla sakerɛ puan, wuu lan pun gulehɛ se'em yeti, “Se'emdaana en de tuuntɔɔ wan vɔna mɛ la sakerɛ la.”

Farefare Ninkaré

¹⁷ Kõ-yẽlga la n pukri pa'ala tõma Nawẽnnɛ n ɩtɩ se'em botɩ nẽrba masɛ a zẽ'am. La de la bɔ sɩra, tarɩ ka ba'asɛ la bɔ sɩra, wʋ lan gʋlsɛ Nawẽnnɛ gõŋɔ pʋam se'em yetɩ: «Nẽra n bɔ Nawẽnnɛ sɩra masɛ a zẽ'am wʋn vɔa, ẽn bɔ ẽ sɩra la ĩyã.»

Aromduma 1:17 ပူးပေါင်းရင်းမြစ်များ

Azã 3:36

Se'em woo n nam dayua la tari la vom kamba'ahɛ. Se'em me n zagehɛ dayua la ka tari vom, gee Yinɛ sunsunyiim n boi a daana zuo.

Aromduma 10:3

Se'ere en sɔi la ba ka mi' tuuntɔɔ vom sebo en ze'ele Yinɛ zi'an na la, gee zigera ti ba tum ba mɛŋa tuntɔɔnɛ la, ba ka dikɛ ba mɛhi bo' Yinɛ tuntɔɔnɛ la.

Aromduma 3:21

Gee nananawa, ze'elego la pooren, Yinɛ tuntɔɔnɛ la niiɛ mɛ, ti nɔtɔgeheba la pa'alegɔ la tɔgɛ la yele,

Aromduma 3:22

ti Yinɛ tuntɔɔnɛ dole la sakerɛ Yezu Kiresta puan, bɔ'ɔra sɛba woo en nam, ti yima yima ka bɔna,

Aromduma 3:3

Gee Yuuduma wa basɛba yuum han ka tara sakerɛ? Ban ka tari sakerɛ la wan gu' Yinɛ en tari sakerɛ se'ere la ba la me yoi?

Aromduma 9:30

Beni ti tu nyaa wan yele? Sɛba en dagi Yuda buuri la en daa ka zigeri tuuntɔɔ vom wa yele la, nyɛ tuuntɔɔ vom la mɛ. Tuntɔɔ vom sebo en dole sakerɛ puan la.

2 Korẽntɩ 3:9

Suŋa kana taaba daa han dɔla sageŋɔ tuuma yɛla la, suŋa kãtɛ en gani bala wan dɔla buurɔ tuuma yɛla.

2 Korẽntɩ 5:21

Se'ere en sɔi la, tumam zuo ti Yinɛ iŋɛ en ti a ana wuu a dela be'em daana la, eŋa se'em en ka tabelɛ mina be'em, ti doohe eŋa puan tu wan tara Yinɛ tuuntɔɔ vom la.

Galatɩ 3:11

Nananawa, la kɔ'ɔm niiɛ mɛ gã'a ti nɛra ka boi ka tara tuure Yinɛ nɛŋan ze'elego la dɔlega puan. Se'ere en sɔi la, “Se'em en de tuntɔɔdaana, wan vɔna la sakerɛ puan.”

Filipi 3:9

la n vɔna a puan, da tara n mɛŋa tuntɔɔnɛ en yehe ze'elego la naŋa puan na, gee tuntɔɔnɛ en yeheri n sakerɛ Kiresta puan na. Tuntɔɔnɛ se'ere en ze'ele Yinɛ zi'an dɔla sakerɛ puan.

Hiburuduma 10:38

Gee mam tuuntɔɔ daana wa wan vɔna mɛ la sakerɛ. Mam sia ka nyɛɛni la se'em en lebere pooren.”