Aromduma 1:13 - ZE'ELEGO PAALEGA

¹³ Mam boti ya mina dina wa n suurɔ, ti saŋa zo'e zo'e ti n ni maahum ti n wa'am ya zi'an na, (gee ta paaɛ zina la gu'uri mam mɛ). N boti ni ti n wa'am ni na, la n bum sɛla ya puan bo' Yinɛ, wuu mam n bum se'em tihi sise'ehi nɛreba puan bo' Yinɛ la.

Farefare Ninkaré

¹³ M sɔbiisi, mam boorɩ mɛ tɩ ya bãŋɛ tɩ nõorɛ faa tɩ mam makɛ tɩ m wa'am ya zẽ'am. La gu'a n gu mam halɩ wa paam lɛɛlɛ wã. Mam boorɩ mɛ tɩ m wa'am tɩ m tõonɛ na tara yõorɔ yãma zẽ'am, wʋ ẽn tarɩ yõorɔ so'olʋm basɛba pʋam se'em na.

Aromduma 1:13 ပူးပေါင်းရင်းမြစ်များ

Azã 12:24

Yelemɛŋerɛ yelemɛŋerɛ ti n yɛta ya wa, ti beeleho han ka lu tintɔnɔ puan pu'ɛ, bu kelum dɛna la beeleho. Gee bu han lu timpaberɛ pu'ɛ yehe na, bu wan wam biili zo'e zo'e.

Azã 15:16

Yamam ka looe mam, gee mam n looe ya, gee tum ya ti ya kiŋɛ ta wam wala. Ya wam wala sɛ'a n kan pu'ɛ. Bala ti Sɔ la wan bo' ya sɛla woo ti ya soke en mam yu'urɛ puan.

Azã 4:36

Buna la pun pɔhɛ tɔ'ɔha a yɔɔrɛ mɛ, gee ka'aha dia la yɛ'ɛha vom kamba'ahɛ puan, ŋwana ti buta, la buna la wan lagum nyɛɛna la taaba.

Tõoma 1:15

Dabeha aŋa mɛa puan ti Pita ihege ze'ele sɛba n nam bo' Yezu la n lagehɛ (wuu nɛrekɔbega la pihiyi') la tiŋasuka yele ba yeti,

Tõoma 14:27

Ban wa'am na na paaɛ la, ba yi' lageŋɔ la za'a mɛ lagehɛ na, nyaa yele sɛla woo ti Yinɛ dikɛ ba tum la ba, la Yinɛ n yu'ɛ sakerɛ kuleŋa se'em bo' sɛba n dagi Yuda buuri la se'em.

Tõoma 15:12

Ti lageŋɔ la za'a yee suram, gee kɛleha sɛlawoo ti Banabase la Pɔɔl yɛta ba doohe daalehum la nyalema sɛ'a ti Yinɛ tum doohe ba puan, sɛba n dagi Yuda buuri la tiŋasuka la.

Tõoma 19:21

Yele ana wa woo n iŋɛ ba'ahɛ la, Pɔɔl maahum mɛ Sia la puan ti a doohe Masedoniya la Akaiya tihi puan gee nyaa tole Yerusalɛm. A yele bo' a mɛŋa yeti, “N han paaɛ bilam, n wan ba'ahɛ paaɛ Arome.”

Tõoma 21:19

Ti en pu'uhɛ ba ba'ahɛ la, a pɔhɛ mɛ lɔɔha yele yele doohe sɛla ti Yinɛ tum bo' sɛba n dagi Yuda buuri la eŋa tuuma la puan.

Tõoma 28:14

Bilam ti tu nyɛ suurɔ tuseto, ti ba me yi' tu ti tu wa'am na kɛ̃ la ba dabeha ayopɔi. Tumam n doohe se'em wa'am na paaɛ Arome na n bala.

Aromduma 1:12

Bii tu lagum bugelɛ taaba la tu sakerɛ. Yamam sakerɛ, la mam sakerɛ.

Aromduma 11:25

Ŋwana ti ya kan ta'am yɛta ti, yamam ba' mina mɛ, n suurɔ. N boti ya bɔkɛ yele se'ere en sugɛ wa mɛ, ti Sukãberɛ en lu Izirale buuri la basɛba zuo, gura ti sɛba en dagi Yuda buuri la kãlɛ en de se'em wan nyɛ faarɛ la ta kɛ̃ na ba'ahɛ suŋa suŋa.

Aromduma 7:1

Ya ka mi, n suurɔ wa, ti mam tɔgeri bɔ'ɔra la sɛba en mi' ze'elego la. Ti ze'elego la ta' nɛra la a vom saŋa ma'a?

1 Korẽntɩ 1:10

Nananawa, n yeti ya mɛ la ninmu'urɛ n suurɔ, tu Daana Yezu Kiresta yu'urɛ la puan, ti ya za'a sakera bɔ'ɔra taaba ti bɔgehegɔ da bɔna ya puan, gee ya tugum naaɛ taaba dɛna buyina, la putɛ'yinɛ

1 Korẽntɩ 10:1

Mam ka boti ya bɔna aliko n suurɔ, ti tu sɔyaabeduma la za'a yuum boi sagbanɛ la tilen la mɛ, ba za'a yuum doohe ateko la puan tole mɛ,

1 Korẽntɩ 12:1

Nananawa, han dɛna la Sia yɛla la, n suurɔ, mam ka boti ya bɔna aliko.

1 Korẽntɩ 14:20

N suurɔ, da deni ya kɔma ya ti'ihegɔ puan, gee tugum deni ya kɔmbilɛɛhi be'em tuuma puan, gee ti'ihegɔ puan deni ya bunkureba.

1 Korẽntɩ 14:26

Beni en nyaa de ya iŋɛ n suurɔ wa? Ya han ni lagehɛ taaba na, ya ayima ayima tara yuunɛ, tara pa'alegɔ, tara lilegere, tara buuri yetɔgum yetɔgum bii tara yetɔge buuri buuri leregere. Iŋɛ ya sɛla woo suŋa ti la mɛ lageŋɔ la.

1 Korẽntɩ 9:2

Mam han pun ka dɛna Yezu tuntuna bo' basɛba, gee la se'em se'em me, n de mɛ bo' yamam, se'ere en sɔi la, yamam en de mam daalehum pa'ala ti n dela Daana la tuntuna.

2 Korẽntɩ 1:8

Tumam ka boti ya bɔna aliko n suurɔ, la tumam n nyɛ namehɛ seko Esiya tiŋa la, se'ere en sɔi la, la daa ba' wuŋɛ tu mɛ gaŋɛ, ta wɔ̃regɛ tɔ, ti tu pun ka le ta bɔta ti tu vɔna.

2 Korẽntɩ 2:14

Gee pɛka paaɛ Yinɛ, se'em n dole Kiresta puan saŋa woo bahɛ ti tu kina nyaŋerɛ kinɛ, gee dɔla tumam puan bahɛ ti tu yiregera nyuuŋo suŋɔ seko en boi Kiresta baŋerɛ puan zi'an woo la.

Galatɩ 3:15

N suurɔ wa, n bo'ori ya la vom puan makerɛ. Nɛra han diŋɛ biŋe a nuurɛ, se'em ka pa'aheri se'ere bii zageha dɛ.

Galatɩ 6:18

Tu Daana Yezu Kiresta zu'uhegɔ bɔna la ya, ya sia puan, n suurɔ wa. Taari.

Filipi 1:22

N han yeti n vɔna n ingɔŋɔ wa puan, la dela tuunsuma n tari wala bɔ'ɔra mam. La bahɛ ti mam ka mina mam wan looe sɛla.

Filipi 4:17

Dagi la n eere la bo'olum la, gee mam eere la nyuurɔ seto n wan kã'ahɛ zo'e zo'e beŋe bo' ya la.

Kolɔsɩ 1:10

ti ya vɔna vom sebo en nari bɔ'ɔra Daana la, ti ya vom za'a tigɛ a nini wuu yan wan wuna wala tuunsunɛ woo puan se'em la, la yan zo'ore Yinɛ mi'ilum puan se'em la.

Kolɔsɩ 1:6

n wa'am ya zi'an na la. Woo bumɔ en wani wala gee zɔ'ɔra se'em tiŋa wa zuo za'a se'em la, bala mɛa ti bu wuna wala ya puan, pɔhɛ daan se'ere daarɛ ti ya wum, gee bɔkɛ Yinɛ zu'uhegɔ la.

1 Tesaloniki 2:18

Se'ere en sɔi la, tu ba' boti ni ti tu wa'am ya zi'an me na. Yelemɛŋerɛ, mam Pɔɔl kɔ'ɔm boti ni n lebe ya zi'an mɛ na yɛ'ɛha, gee Sagena la en gu' tu sore la.

1 Tesaloniki 4:13

Gee tu ka boti ya bɔna aliko n suurɔ, doohe sɛba en ki la yele, ti ya suya da ba' sagum wuu sɛba en ka tara beere puti'irɛ la.

2 Tesaloniki 2:7

Se'ere en sɔi la, se'em daana en ka kihi yele la nyaleŋɔ la pun tuna mɛ, gee la wan niiɛ la se'em ma'a ti se'em en gu'uri a paŋa nananawa la ta bahɛ.

2 Timoti 4:17

Gee Daana la en ze'ele la mam, gee bo' mam paŋa, ti doohe mam puan, yelehum la wan muulɛ suŋa, ti sɛba en dagi Yuuduma la wan wam dɛ. Bala ti a faaɛ mam gbigenɛ nuuren la.