Amatie 7:21 - ZE'ELEGO PAALEGA

²¹ “Dagi se'em woo en yeen yi'ira mam ‘N Daana, N Daana,’ n wan kɛ̃ saazuo sɔ'ɔlum la puan, gee se'em n tuni mam Sɔ n boi saazuo ha la sumboolum.

Farefare Ninkaré

²¹ Azezi daan le yele yetɩ: «Dagɩ nẽr-sɛka woo n wi'iri mam tɩ ‹Zuudãana, Zuudãana› la n wʋn kẽ Nawẽnnɛ so'olʋm pʋam. La de la nẽr-sɛka n ɩtɩ mam Sɔ Nawẽnnɛ n boe saazuum n boorɩ se'em na n wʋn kẽ.

Amatie 7:21 ပူးပေါင်းရင်းမြစ်များ

Amatie 12:50

Se'ere en sɔi la, se'em woo en tuni mam sɔ n boi saazuo ha sumboolum, nɛre eŋa en de mam suuɔ, mam taya, la mam ma.”

Amatie 16:17

Ti Yezu lerege en yeti, “Sum boi mɛ la hɔ Simɔn, Yona dayua wa. Se'ere en sɔi la, dagi ingɔŋɔ la ziim n lilege dina wa bo' fum, gee mam Sɔ se'em en boi saazuo ha.

Amatie 18:10

“Bihɛ ya suŋa la ya da bihɛ bumbibehi wa ayima yoo. Mam yeti ya mɛ wa, ti saazuo ha, ba suŋereba saŋa woo kɔ'ɔm nyɛta mam Sɔ en boi saazuo nɛŋa mɛ saŋa woo.

Amatie 18:19

Le yɛ'ɛha, yelemɛŋerɛ ti en yɛta ya wa, ya bayi' han ku nuurɛ tiŋa wa zuo doohe la sɛla woo ti ya soke bɔta, mam Sɔ n boi saazuo la wan tum dɛ bo' ya.

Amatie 18:3

ti a yeti, “N yeti ya la Yelemɛŋerɛ, ti han dagena ya tee mɛ ana wuu kɔma, ya kan malum kɛ̃' saazuo sɔ'ɔlum la puan.

Amatie 18:35

Ŋwana ti mam Sɔ en boi saazuo ha me wan dikɛ iŋɛ ya, ya se'em han ka di sugeri bo' a suuɔ a suure puan.”

Amatie 19:24

N le yele pa'ahɛ, la de naana bo' yugenɛ ti de doohe fupiho yoko puan tole, gana buntata kɛ̃' Yinɛ sɔ'ɔlum la puan.”

Amatie 25:10

Ban ye' ti ba ta da' kaam la, ti pɔgedita la n bala paaɛ na, ti sɛba n maahum la kɛ̃ la en pɔgedire la puan puan, ti ba yu' kuleŋa la.

Amatie 25:21

Ti a Daana la yele en yeti, “Fum fara fara, fum dela da'aberɛ suŋa tari yelemɛŋerɛ.” Fum tari yelemɛŋerɛ lɔgerɔ fii wa puan la, n nyaa wan dikɛ lɔgerɔ kekeko iŋɛ fum nu'uhen. Lagum pa'ahɛ fum daana nyɛɛma la puan.

Amatie 26:39

En kiŋɛ fii la, a lu la tiŋa a liko pu'uhɛ yeti, “N Sɔ, la han wan ta'am iŋɛ, bahɛ ti wandina wa tole gee bahɛ mam, gee dagi mam boti se'em, gee fum n boti se'em.”

Amatie 26:42

Ti a le lebe buyi' puan ta pu'uhɛ yeti, “N Sɔ, wanɛ wa han kan ta'am tole gee bahɛ mam gee dɛna la n nyu de puan, fum sumboolum tum.”

Amarkɩ 3:35

Se'em woo n tuni Yinɛ sumboolum la, eŋa daana en de mam suuɔ, la mam ma.

Amarkɩ 9:47

Fum niho han tara fum tuna be'em, kpikɛ bu bahɛ. La ani suŋa ti fum ta kɛ̃' Yinɛ sɔ'ɔlum la puan la ninyimɔ, nyana fum ta kɛ̃' bugum timpaberɛ la nini i yi'.

Aluki 11:28

Gee Yezu yele en yeti, “Sum tugum bɔna mɛ la sɛba en wum Yinɛ yelehum wa gee gurɛ bu suŋa suŋa.”

Aluki 13:25

Yidaana han diŋɛ ihege yu' kuleŋa la, ti fum zɛ'a yiŋa ha ŋmɛ'ɛra gee yi'ira yeti, N daana, yu'ɛ bo' tu, a wan lebehe ya yeti, ‘Mam ka mi' yamam n ze'ele zi'an na.’

Aluki 18:25

Yelemɛŋerɛ, la de naana bo' yugenɛ ti de doohe fupiho yoko puan tole, gana se'em en tari kɛ̃ Yinɛ sɔ'ɔlum la puan.”

Aluki 6:46

“Ŋwani ti ya yi'ira mam ‘Daana Daana,’ gee ka ita mam en yɛta?

Azã 14:7

Ya han mina mam, ya wan mina mam Sɔ la me. Gee nananawa yɛ'ɛha ha, ya mi' en, gee me nyɛ en.”

Azã 15:23

Se'em woo n yaaɛ mam, yaaɛ mam Sɔ la me mɛ.

Azã 3:5

Ti Yezu lebehe en yeti, “Yelemɛŋerɛ yelemɛŋerɛ ti n yɛta hɔ wa, ti nɛra ka boi wan kɛ̃ Yinɛ sɔ'ɔlum la puan, han dagena ba malum dɔgɛ en mɛ doohe ko'om, la Sia la puan.

Azã 5:17

Ti Yezu lerege ba yeti, “Mam Sɔ n tuni la, mam me tuni mɛ.”

Azã 6:40

Dina wa n de mam Sɔ la suboolum yelemɛŋerɛ, ti sɛba woo n nyɛ Dayua la gee nam bo' ka la, wan tara vomkanba'ahɛ, ti n ta vo'e ba ba'ahegɔ daarɛ la.”

Azã 7:17

Se'em woo n maahum ti a tum Yinɛ sumboolum, wan baŋɛ nyaa pa'alegɔ kuna wa ze'ele la Yinɛ zi'an na bii, mam tɔgeri la n mɛŋa puti'irɛ.

Tõoma 14:22

Ba doohe malum kpe'em zahereba la gee kpemehe ba ti ba bɔna ba sakerɛ la puan, yɛta ba yeti, “Tu wan doohe la namehegɔ zo'e zo'e puan gee kɛ̃ Yinɛ sɔ'ɔlum la puan.”

Aromduma 12:2

Da dikɛ ya mɛhi naaɛ la tiŋa wa zuo yɛla, gee tugum malum sɛ ya mɛhi, ya puti'ira teere puan, la ya viihɛ baŋɛ sɛla en de Yinɛ sumboolum, la sɛla en ani suŋa, nara gee ba'ahɛ za'a.

Aromduma 2:13

La dagi sɛba en kelehe ze'elego yɛla la en de tuuntɔɔ duma Yinɛ nɛŋan, gee sɛba en tuni ze'elego la en boti se'em la ti Yinɛ wan bo' ba buurɔ.

Efɛɛzɩ 6:6

Da iti ya ŋwana ba nɛŋan ma'a ti ya yeen pee ba suure, gee ya dela Kiresta yamehi, tuna Yinɛ sumboolum la ya suya za'a za'a.

Kolɔsɩ 4:12

Epafaras, en de ya ayima la, dɛna Kiresta [Yezu] da'aberɛ pu'uhi ya na. A mɛɛrɛ saŋa woo pu'uhegɔ puan ya zuo, ti ya wan ze'ele bi'ɛ suŋa, gee ka bu'ura ya suure puan la Yinɛ sumboolum en de se'em.

1 Tesaloniki 4:3

Ŋwana en de Yinɛ sumboolum, ti ya sukɛ ya mɛhi. Ya ayima ayima yehe ya mɛhi yaluntuuma puan.

1 Tesaloniki 5:18

bo'ori ya Yinɛ fara yelese'ere woo puan. Se'ere en sɔi la, Yinɛ sumboolum n bala bo' ya Yezu Kiresta puan.

Taitusi 1:16

Ba iŋɛ ba mɛhi ti bamam mi' Yinɛ, gee ba zagehɛ en mɛ la ba itegɔ la. Ba dela nɛre fi'iha, tube-kpirega duma, ka nara tuunsunɛ se'ere woo puan.

Hiburuduma 13:21

wan bahɛ ti ya bi'ɛ tunsunɛ woo puan, ti ya ta'am tum a sumboolum, doohe la en boi tu puan tuna la tɔ, tuunsɛ'a en tigeri a nini Yezu puan, se'em ti suŋa dɛna a dinɛ saŋa woo. Taari.

Hiburuduma 4:6

Bala vo'ohego la en kelum yu'ɛ bo' basɛba ti ba kɛ̃ la, ti sɛba en yuum pɔhɛ to'e faarɛ yelehum wa yia la koŋe ba kɛ̃ mɛ ban ka nane la zuo,

Yemesi 1:22

Gee me iti ya yelehum la en de se'em la, gee da yeen kelehe ya kelehego ma'a pã'ahɛ ya mɛhi.

1 Pita 2:15

Se'ere en sɔi la, la dela Yinɛ sumboolum ti ya han ita sɛla en de ma'a, ya wan ma'ɛ gɔɔnɔ la en ka mi' la nɔya.

1 Pita 4:2

Bala yan vɔi vom dabeha sɛ'a en gee timpaberɛ wa zuo wa, da voni ya bu la asaala kunkɔma'ahum, gee Yinɛ suboolum vom.

Lilegere 2:27

A wan biha ba la kuto doore, wɔ̃ta ba wuu yɔgerɔ dugerɔ la

Lilegere 22:14

Sum wan bɔna la sɛba en pee ba futo, bala ti ba wan tara sore ti ba paaɛ vom tia la, gee me ta'am doohe tiŋa la nayahi la puan kɛ̃.

Lilegere 3:5

Ya han nyaŋɛ, ba me wan bagɛ ya la fupɛɛla, ti n kan saalum ya yu'ura vom gɔŋɔ la puan bahɛ. N wan purɛ ya yu'urɛ n Sɔ nɛŋan, la a suŋereba nɛŋan.