Amatie 7:15 - ZE'ELEGO PAALEGA

¹⁵ “Mini ya nɔtɔgehe pumparenduma la en kini ya zi'an na wa yele. Ba dikɛ la piihi gana furɛ gee ba puan puan ha, ba mɛhi, gee ba dela sahi en obere ti la kiha.

Farefare Ninkaré

¹⁵ «Guuse ya mẽŋa la nẽr-sɛba n parnɩ tɩ bãma de la Nawẽnnɛ nõtɔ'ɔsrɩba la. Ba wʋn ẽŋɛ ba mẽŋa wʋ saasaadõma n dɩkɛ piisi gãna fʋrɛ ba mẽŋa wa'am ya zẽ'am wʋ ba de la piisi la, dee tɩ ba pʋam ba sã'ana wʋ saasaadõma la.

Amatie 7:15 ပူးပေါင်းရင်းမြစ်များ

Amatie 10:17

Mina ya ba suŋa suŋa, se'ere en sɔi la, bamam en wan nyɔgɛ ya kiŋɛ tugum zi'ihi, gee ŋmɛ' ya ba zamehegɔ yiya la puan.

Amatie 16:11

Ŋwani ti ya koŋe ya bɔkɛ ti n ka tɔgeri dia yele? Mini ya Farasii la Sadusiiduma la dabelɛ la yele!”

Amatie 16:6

Ti Yezu yele ba yeti, “Tara ya mɛhi suŋa, gee la ya mina Farasii la Sadusiiduma dabelɛ la yele.”

Amatie 24:11

Ti nɔtɔgeheba pumparenduma zo'e zo'e wan wa'am na pa'ahɛ nɛreba zo'e zo'e ti ba.

Amatie 7:14

Gee nayaŋa sɛka en dole yɛ'a vom tiŋa la puan la mike mɛ, ti ka sore la zuo kini kpe'em, ti nɛreba fii wa en dole ku zuo.

Aluki 12:15

Gee nyaa yele a zahereba la yeti, “Tara ya mɛhi suŋa. Gu' ya mɛhi suŋa ti nyika sɛka da kɛ̃ ya. Se'ere en sɔi la, nɛra vom dagi la lɔgerɔ la tarega zo'e zo'e.”

Aluki 6:26

“Yele boi fum se'em daana ti nɛra woo tɔgera fum sum yɛla ma'a, se'ere en sɔi la ba yaabeduma yuum iti pumpã'ahum nɔtɔgeheba la la bala.

Azã 10:12

Gee se'em ti ba dikɛ la, ti a dagena piihi la dunkiina la, ka sɔna piihi la, han nyɛ ti saheŋa kini na, a bahɛ piihi la mɛ gee zɔ, ti saheŋa la wa'am na nyɔgɛ piihi la gee yiregɛ si bahɛ.

Tõoma 13:40

Bala zuo, bihɛ ya suŋa ti sɛla ti nɔtɔgeheba la purɛ biŋe la da sige ya zuo. La yeti,

Tõoma 13:6

Ban doohe tiŋa la n boi ko'om tiŋasuka la za'a ta paaɛ Pafose la, ba tu'uhɛ la tiim daana ayima n de Yuda buuri nɔtɔgehe pumparema, ti ba yi'ira en Baa-Yezu.

Galatɩ 2:4

Gee doohe la pumpɔreŋɔ sakereba ti nɛreba li'ihɛ tari ba na la, sɛba en iŋɛ bããlam kɛ̃ ti ba bihɛ fai sɛka ti tumam tara Kiresta Yezu puan, la ba ta'am bahɛ ti tu lebege yamehi la,

Efɛɛzɩ 4:14

Tu da le dɛna kɔma le yɛ'ɛha, kaara kina nɛŋa la pooren, ti pa'alegɔ en ani wuu sabeeo ziira ya ɛɛra zi'an woo, pa'ali seko n de nɛreba mɛhi nigeŋɔ la nyaleŋɔ la pã'ahegɔ pã'ahegɔ la.

Efɛɛzɩ 5:6

Da bahɛ ya ti se'em pã'ahɛ ya la gɔɔm yetɔgum. Se'ere en sɔi la, yele ana zuo ti Yinɛ sunsunyiihum wan sige sɛba n ka nane la zuo.

Filipi 3:2

Mini ya baahi la yele, mini ya be'em tuntuneba la yele, mini ya sɛba ti inganɛ wa ŋmaa dɛna ba ninmu'urɛ la yele!

Kolɔsɩ 2:8

Bihɛ ya suŋa ti nɛra da dikɛ ya da'aba doohe gɔŋɔ wogerɔ la pã'aheyooro doohe asaala malema, la sɛse'ehi en sɔi timpaberɛ wa bihera la, gee dagi Kiresta en boti se'em la.

2 Timoti 3:13

Gee tuunfi'iha duma, la pumpã'ahum duma wan ze'ele sageŋɔ paaɛ nɔyalegerɛ. Ba wan pã'aha basɛba, ti basɛba me pã'aha ba.

2 Timoti 4:3

Gee saŋa la kini na, ti nɛreba kan bɔta yelemɛŋerɛ pa'alegɔ, gee ban tari tuba en zakeni la, ba wan kã'ahɛ pa'aleba bo' ba mɛhi, wuu ba kɔrehi la en boti se'em la.

2 Pita 3:17

Ŋwana zuo la, yamam n sunɔŋerɛ duma wa, mam en te'ele ka'am ya la zuo, bihɛ ya suŋa ti yalum duma wa tuure la da ve'e ya kiŋɛ ti ya da ta'am ze'ele ya mɛŋa.

1 Zã 4:1

Sunɔŋerɛ duma wa, da nam ya sia woo, gee magehɛ sɛɛhi la bihera nyaa, ba ze'ele Yinɛ zi'an na, se'ere en sɔi la, nɔtɔgehe pumparenduma zo'e zo'e en kɛ̃ tiŋa wa zuo.

Azudi 1:4

Se'ere en sɔi la, nɛre be'ero tuseto en wa'am na zu gɛregɛ ya puan, nɛre sɛba ba'ahegɔ zi'an en boi sageŋɔ puan ban ka zoti Yinɛ la zuo, sɛba en tee Yinɛ zu'uhegɔ la ti ku dɛna yaalegɔ tuuma, ka nam tu kpɛ'ɛma ayima ma'a en de Daana Yezu Kiresta la.

Lilegere 16:13

Ti mam nyɛ ti sɛfi'iha sitã, en ani wuu lono la, ti kayima ze'ele bunsɛla la nuuren yehe na, ti kayima ze'ele bunsilemasio la nuuren yehe na, ti kayima ze'ele nɔtɔgeha pumparema la nuuren yehe na.

Lilegere 17:6

Ti mam nyɛ ti pɔka wa buge mɛ la en nyu Yinɛ nɛresunduma ziim, la sɛba en muuli Yezu yele la sukpe'ene la ziim la. Mam en nyɛ ka la, la ba' iŋɛ mam la pakerɛ.

Lilegere 19:20

Ti ba nyɔkɛ bunsilemasio la, la a nɔtɔgehe pumparenduma la en daa ze'ele a nɛŋan tum nyalema sɛ'a, pã'ahɛ sɛba en to'e bunsilemasio la daalehum la, la sɛba en na'ahɛ bunsilemasio la naanɛ la. Bana bayi' wa, ba dikɛ ba lobe la voto bahɛ bugum mɔgerɛ la ti tahi bugum dita ka kiŋera la puan.

Lilegere 20:10

Ti Sagena se'em en pã'ahɛ ba la, ba lobe eŋa bahɛ la bugum mɔgerɛ la en diti la tahi bugum la puan, zi'an ti bunsilemasio la, la a pumpã'ahum nɔtɔgeha la bɔna la, ti ba bɔna mɛlehegɔ puan bulika la yu'uŋɔ za'a, ka malum tara ba'ahegɔ.