Amatie 6:9 - ZE'ELEGO PAALEGA

⁹ “Bala zuo, ni pu'uheri ya ŋwana: Tu Sɔ en boi saazuo ha, Fum yu'urɛ dɛna tuulum gana sɛla woo.

Farefare Ninkaré

⁹ Bɛla, pʋ'ʋsra-ya wãna: ‹Tõma Sɔ Nawẽnnɛ n boe saazuum, botɩ fʋ yʋ'ʋrɛ yẽta pẽka,

Amatie 6:9 ပူးပေါင်းရင်းမြစ်များ

Amatie 10:29

Ba ka koohe amɔkiiha duma ba yi' la kɔbevuŋa ma'a? Gee amɔkiiha la ayima me ka luti tiŋa ti ya Sɔ wa ka mina.

Amatie 23:9

Da yi' ya se'em ti ya sɔ tiŋa wa zuo, ya tari la sɔ kayima ma'a, se'em n boi saazuo ha.

Amatie 26:29

N yeti ya mɛ wa, ti mam kan malum nyu tia wula daam wa, gura dabeherɛ la, ti n wan ta nyu bu paalega la ya n Sɔ sɔ'ɔlum la puan.”

Amatie 26:42

Ti a le lebe buyi' puan ta pu'uhɛ yeti, “N Sɔ, wanɛ wa han kan ta'am tole gee bahɛ mam gee dɛna la n nyu de puan, fum sumboolum tum.”

Amatie 5:16

Bala mɛa, bahɛ ya ti ya niifum la niira nɛreba nɛŋan, ti ba nyɛ ya tuunsuma la, la ba dikɛ pɛka bo' ya Sɔ en boi saazuo ha la.

Amatie 5:48

Deni ya sɛba en bi'ɛ kahegɛ woo ya Sɔ en boi saazuo ha bi'ɛ kahegɛ se'em la.

Amatie 6:14

Ya han bahɛ ya taaba tuure bo' ba, ya Sɔ en boi saazuo ha me wan bahɛ ya tuure bo' ya.

Amatie 6:6

Gee ya han ni yeti ya pu'uhɛ, kɛ̃ ya bɔ'ɔ, la ya yu' kuleŋa, gee pu'uhɛ ya Sɔ la en nyɛti sɛla en sugɛ la, ti ya sɔ la en nyɛti sɛla n sugɛ la, wan yɔ ya.

Amatie 7:11

Ti yamam en de be'em duma, han mina sɛla en ani suŋa bɔ'ɔra ya kɔma, ŋwani ti ya Sɔ se'em en boi saazuo ha wa, kan bo' sɛba woo en soke en la lɔgesunɔ gana bala.

Aluki 15:18

N wan ihege lebe n sɔ wa zi'an, ta yele en yeti, “N sɔ, mam tum la be'em bo' saazuo, la fum.

Aluki 15:21

Ti a dayua la yele en yeti, ‘N sɔ, mam tum la be'em bo' saazuo, la fum nɛŋan. Mam ka le nara ti fum yi' mam fum dayua.’

Aluki 2:14

“Pɛka paaɛ Yinɛ, se'em en boi saazuin zuin ha wa, gee ti timpaberɛ wa me zuo, suma'ahum bɔna la saaleba ti a zu'uhɛ ba la!”

Azã 20:17

Ti Yezu yele en yeti, “Da nan gi' mam, se'ere n sɔi la n nan ka zom sɔ la zi'an. Gee kiŋɛ ta yele n suurɔ la yeti, ‘N yeti n kiŋɛ la n sɔ la n de ya sɔ la, la mam Yinɛ la n de ya Yinɛ la zi'an.’ ”

Aromduma 1:7

Mam Pɔɔl n gulehɛ bɔ'ɔra la yamam sɛba woo ti Yinɛ nɔŋɛ ya, ti ya bɔna Arome tiŋa puan, ti Yinɛ yi' ya ti ya dɛna nɛresunduma la. Zu'uhegɔ dɛna ya dinɛ, ti suma'ahum en ze'eti Yinɛ en de tu Sɔ, la Daana Yezu Kiresta zi'an la dɛna ya dinɛ.

Aromduma 8:15

Ŋwana zuo la Ya ka to'e la Sia sɛka en bahɛ ti ya dɛna da'aba, le lu dabeem puan, gee ya to'e la Sia sɛka en bahɛ ti ya dɛna sɛba ti ba to'e ya bihera. Bala n bahɛ ti tu ni kaahɛ yeti “Aba” “Tu Sɔ suŋɔ.”

Galatɩ 1:1

Mam Pɔɔl en de tuntuna, dagena la asaala en tum mam bii asaala en bo' mam sore, gee la doohe la Yezu Kiresta puan, la Yinɛ en de Sɔ la, vo'e Yezu a kum puan na la,

Galatɩ 4:6

Tumam en de a kɔma la zuo, ti Yinɛ tum a Dayua Sia la tu suya puan na, ti tu tana kaahɛ yeti, “Aba! N Sɔ!”

1 Timoti 6:16

La dela eŋa ma'a en ka kiiri, gee bɔna niihum sebo en ka kaleni puan. Se'em ti nɛra ka tabelɛ nyɛ en bii wan nyɛ en, eŋa se'em ti na'ahegɔ, la pansɛka en ka ba'aheri dɛna a dinɛ wuuha wuuha la. Taari.

1 Pita 1:17

Yamam han yi'ira en Sɔ, se'em en gakeri nɛra woo ka tara ninkɔɔra, gee nɛra woo la a tuuma en de se'em la, voni ya la dabeem ya nɔka saŋa wa puan.

Lilegere 4:11

“Fu nari mɛ, tu Daana la tu Yinɛ, ti fum to'e pɛka la na'ahegɔ la paŋa, se'ere en sɔi la, fum naam sɛla woo , ti fum sumboolum zuo ti ba bɔna, ti fum en naam ba.”

Lilegere 5:12

yuuna la ba kuuhi za'a yeti, “ Pebila la ti ba kɔregɛ la nari mɛ ti ka to'e paŋa, tarega, yɛm la kpe'eŋo la na'ahegɔ, la suŋa, la sum.”