Amatie 5:5 - ZE'ELEGO PAALEGA

⁵ “Sum boi mɛ la sɛba en sigehe ba mɛhi, bamam n wan nyɛ tiŋa wa nyuurɔ.

Farefare Ninkaré

⁵ Sũ-bʋgsʋm dõma tarɩ zu-yẽlga, se'ere n soe la, Nawẽnnɛ wʋn bɔ ba dũnia tɩ ba sɔna.

Amatie 5:5 ပူးပေါင်းရင်းမြစ်များ

Amatie 11:29

Dikɛ ya mam yɔka la yɔgɛ ya mɛhi, gee zamehɛ mam zi'an, Se'ere en sɔi la, mam dela nɛre ma'ma', gee sigehe n mɛŋa n suure puan. Ya wan nyɛ vo'ohego bo' ya sɛɛhi.

Amatie 21:5

“Yele ya Zaayɔn poyua wa yeti, Bihɛ ya, ya naba la en bala yɛ'a ya zi'an na la, a sigehe la a mɛa, ba' boŋa, a ba' la bombilepaalega.”

Aromduma 4:13

Nɔbiŋere la n biŋe ti Aberaham la a yaahi ti ba wan sɔna timpaberɛ wa za'a la yuum ka tɔgɛ bo' Aberaham bii a yaahi la la doohe la ze'elego la puan, gee la doohe tuntɔɔnɛ en ze'eti sakerɛ puan.

Galatɩ 5:23

zulaam, la nyɔkɛ n mɛŋa. Ze'elego ka boi gana yele ana.

Efɛɛzɩ 4:2

Voni ya ya vom za'a la sirege n mɛŋa, zulaam, gee ŋmibera la taaba nɔŋerɛ puan.

Kolɔsɩ 3:12

Wuu Yinɛ en looe ya la, ti ya dɛna tuulum nɛreba ti a nɔŋɛ la, bagɛ mɛhi la ya nɛreba giile, itesuŋɔ, sigehe mɛa, ma'ma', la sudi'ihego

1 Timoti 6:11

Gee han dɛna fum, Yinɛ tuntuna wa, zagehɛ yele ana wa woo, dɔla tuuntɔɔ vom, Yinɛ zoolum, sakerɛ, nɔŋerɛ, ŋmibega, la ma'ma' bɔŋa.

2 Timoti 2:25

A pa'ali sɛba en ka sakeri bɔ'ɔra en la, la sigehe mɛŋa. Ani en mi,Yinɛ ta'am bahɛ ti ba tee gee baŋɛ yelemɛŋerɛ la,

Taitusi 3:2

ba da tɔgera be'em bɔ'ɔra nɛra, ba bahɛ nɔkpɛ'ɛma, ba ana ma'ma, gee tara nɔsunɛ la nɛrawoo.

Yemesi 1:21

Dinɛ zuo, yehe ya mɛhi yaalegɔ woo puan, la tuunfi'iha kãra puan, gee sigehe ya mɛhi to'e yelehum la en burɛ ya puan tara paŋa wan ta'am faaɛ ya sɛɛhi bahɛ la.

Yemesi 3:13

Ani en tari yɛm, tara bɔkerɛ ya puan? Pa'alɛ bɔ doohe fum vom sumɔ la puan, ti fum tuni fum tuuma la ma'a ma'a la yɛm.

1 Pita 3:15

gee ya suya puan, tugum malum gurɛ ya Kiresta ti a dɛna daana. Saŋa woo, maahum ya ti ya tɔgɛ po'e ya mɛhi, se'em en soke ya ti ya pa'alɛ en ya beere puti'irɛ wa, lerege ya en bããlam la Yinɛ zoolum.

1 Pita 3:4

gee tugum bahɛ ya ti ya nunɔm la bɔna ya puan, ya ana ma'ma, gee tara bããlam sia vom la en de sunsɛka en ka tari ba'ahegɔ, tara tuulum kãtɛ Yinɛ nɛŋan la.