Amatie 5:3 - ZE'ELEGO PAALEGA

³ “Sum boi mɛ la sɛba en mi' ti ba boti sia puan suŋɛ, bamam en sɔi saazuo sɔ'ɔlum la.

Farefare Ninkaré

³ «Nẽr-sɛba n mi tɩ ba ka masɛ Nawẽnnɛ nẽŋam tarɩ zu-yẽlga, se'ere n soe la, Nawẽnnɛ so'olʋm de la ba bõnɔ.

Amatie 5:3 ပူးပေါင်းရင်းမြစ်များ

Amatie 11:25

Sankana puan, ti Yezu tɔgɛ yeti, “Mam bo' n Sɔ saazuo la tiŋa za'a Daana, fara fara se'ere zuo, fum dikɛ yele ana sugɛ yɛm la mi'ilum duma mɛ, gee tugum lilege a bo' kɔmbilɛɛhi.

Amatie 11:6

Sum boi la se'em en ka piti luta mam zuo.”

Amatie 13:16

Gee sum boi yamam nini puan. Se'ere en sɔi la, i nyɛti, ti sum bɔna ya tuba puan, se'ere en sɔi la, a wuni.

Amatie 19:14

Gee Yezu yele ba yeti, “Bahɛ ya ti kɔma la wa'am n zi'an na. Da gu'uri ya ba, se'ere en sɔi la, sɛba en ani wuu kɔma wa la, n sɔi saazuo sɔ'ɔlum la.”

Amatie 24:46

Sum wan bɔna la da'aberɛ sɛka ti a daana la ta paaɛ na nyɛ en ti a boi tuuma puan.

Amatie 25:34

Ti naba la nyaa wan yele sɛba n boi a zuɔ nu'o bɔba la yeti, ‘Wa'am ya na, yamam sɛba ti mam Sɔ iŋɛ sum bo' ya wa, la ya sooe sɔ'ɔlum la ti ba maahum biŋe ya tiŋa wa pi'ileŋo puan ha sɔna.

Amatie 3:2

“Tee ya, gee Saazuo sɔ'ɔlum la pɔri na.”

Amatie 8:11

N yele ya ti, nɛreba kekeko wan ze'ele dapɔya la zanɔya bɔba wa'am na di la Aberaham, Aziki, la Yakɔbe, saazuo sɔ'ɔlum la puan,

Amarkɩ 10:14

Gee Yezu en nyɛ ŋwana la, a suure n nyiie, ti a yele ba yeti, “Bahɛ ya ti kɔmbibehi wa wa'am n zi'an na. Da gu'uri ya ba. Se'ere en sɔi la,Yinɛ sɔ'ɔlum la dela nɛreba n ani wuu kɔmbibehi wa dinɛ.

Aluki 11:28

Gee Yezu yele en yeti, “Sum tugum bɔna mɛ la sɛba en wum Yinɛ yelehum wa gee gurɛ bu suŋa suŋa.”

Aluki 18:14

N yele ya yeti, burakana en wan kule yire la buurɔ gee dagi yia daana la. Se'ere en sɔi la, sɛba woo en zɛkeri ba mɛhi, ba wan sigehe ba tiŋa. Gee sɛba woo en sigehe ba mɛhi, ba wan zɛkɛ ba.”

Aluki 22:29

Bala ti mam dikɛ sɔ'ɔlum bo' ya, wuu Sɔ la n dikɛ sɔ'ɔlum la iŋɛ mam nu'uhen se'em la,

Aluki 22:30

ti ya ta ta'am di gee nyu la mam n dia zi'an n sɔ'ɔlum la puan, gee zi'a na'am kugehi zuo bihera Izirale buuri pia la bayi' la.

Aluki 4:18

“Daana Sia la en boi la mam, Se'ere en sɔi la, a sɔ mam mɛ ti n tari faarɛ yelehum wa na bo' naheduma. A tum mam na ti n wa'am na muulɛ fai yɛla bo' sɛba en boi bobere puan, gee bihɛ ti fɔɔhi nini pigehɛ gee bahɛ ti sɛba n boi mugehego puan kiŋɛ fai.

Azã 20:29

Ti Yezu yele en yeti, “Fum nyaa nam ya la fum nyɛ mam la zuo?” “Sum boi mɛ la sɛba n ka nyɛ gee kelum nam.”

Yemesi 1:10

ti buntata me sigehe a mɛŋa, beni zuo, tarega wan mɛlum wuu mɔpuuro la.

Yemesi 1:12

Sum boi mɛ la se'em en ŋmiberi makerɛ puan. Ena daana nyaŋɛ magehegɔ la mɛ, wan to'e vom muŋa la, ti Daana la biŋe nuurɛ ti a bo' sɛba en nɔŋɛ en la.

Yemesi 2:5

Kelehe ya, n sunɔŋerɛ duma. Yinɛ ka looe la naheduma timpaberɛ wa zuo ti ba dɛna buntateba sakerɛ puan, la ba ta sɔna sɔ'ɔlum la ti Yinɛ biŋe nuurɛ bo' sɛba en nɔŋɛ en la?

Lilegere 19:9

Ti suŋera la yele mam yeti, “Gulehɛ dina wa: Sum boi mɛ la sɛba ti ba yi' ba, ti ba wa'am Pebila la pɔgedire zaanuurɛ dia la puan na la.” Gee le yele mam yeti, “Yele dina wa dela Yinɛ mɛŋa yelemɛŋerɛ yetɔgum.”

Lilegere 22:14

Sum wan bɔna la sɛba en pee ba futo, bala ti ba wan tara sore ti ba paaɛ vom tia la, gee me ta'am doohe tiŋa la nayahi la puan kɛ̃.

Lilegere 3:17

Se'ere en sɔi la, ya yeti, ‘Tu tari mɛ, tu pãrɛ mɛ, ka bɔta sɛla sɛla le yɛ'ɛha.’ Gee ya ka baŋɛ ti ya ku'urɛ mɛ, dita nimbu'ɔ, nameha, fɔ, gee ɛɛra beele.