Amatie 5:19 - ZE'ELEGO PAALEGA

¹⁹ Bala zuo, fum se'em woo n galum nɔze'elego la puan yelepika gee pa'ala nɛreba ti ba ita bala, eŋa daana en wan ta dɛna nɛre pika saazuo sɔ'ɔlum la puan; gee se'em woo en dole a za'a, gee me pa'ala nɛreba bala, wan ta dɛna nɛrekãtɛ Saazuo sɔ'ɔlum la puan.

Farefare Ninkaré

¹⁹ Bɛla, nẽr-sɛka n ka sakɛ Nawẽnnɛ lɔɔ ayɩla, baa a sãn ãna pɩka gãnna wuu, dee zãsna nẽrba basɛba tɩ ba da sakɛ, a wʋn dɛna nẽr-pɩka Nawẽnnɛ so'olʋm pʋam. La sɛka n sakɛ Nawẽnnɛ lɔɔ, dee zãsna nẽrba tɩ ba ɩta bɛla, a wʋn dɛna nẽr-kãtɛ Nawẽnnɛ so'olʋm pʋam.

Amatie 5:19 ပူးပေါင်းရင်းမြစ်များ

Amatie 11:11

En yeti ya la yelemɛŋerɛ wa, ti asaala woo ti pɔka dɔgɛ, se'em ka boi ihege na tabelɛ tara zuo gana Yɔn Ko'sɔɔra wa. Gee la bala za'a, se'em en pɔ'ɛ saazuo sɔ'ɔlum puan la gani en.

Amatie 19:28

Ti Yezu yele ba yeti, “N yeti ya la Yelemɛŋerɛ wa ti, sɛla woo paalega saŋa la han ta paaɛ, ti Asaala Dayua la zi'ire a suŋa na'am kuka la zuo ba'ahɛ, yamam sɛba en doohe mam la me wan zi'a na'am kugehi pia la tuyi' me bihera Izirale buuri pia la ba yi' la.

Amatie 20:26

Gee la kan dɛna bala yamam puan, gee se'em en boti a dɛna nɛrekãtɛ ya puan, dela a dɛna ya yameŋa.

Amatie 28:20

gee pa'alɛ ya ba, ti ba nana sɛla woo ti mam bo' nuurɛ ti ya ita la. Gee tɛri ya ti, mam boi la ya mɛ saŋa woo, ta paara tiŋa wa ba'ahegɔ saŋa.”

Aluki 1:15

se'ere en sɔi la, ka yeti ka dɛna la nɛre kãtɛ, Daana la zi'an. Ka da makɛ nyu daam bii sɛla en kpe'em. Ba ta dɔgera ka la, ti ka pun pirɛ mɛ la Fa'a Sia la.

Aluki 11:42

“Gee yele boi yamam Farasiiduma wa zuo, se'ere en sɔi la, ya yɔɔri ya pia pia bo'olum la nima nima, ta ta' nangina la yɔgevuurɔ, la zɛvuurɔ woo ti ya yɔ' ti ya dugɛ, gee tugum zagehɛ yelemɛŋerɛ, la Yinɛ nɔŋerɛ. Yele ana n tugum dɛna ya ita, nyaa ita yan iti yele sɛ'a wa pa'aha.

Aluki 9:48

gee yele ba yeti, “Se'em woo en to'e bia wa mam yu'urɛ zuo, to'e la mam, ti se'em woo me en to'e mam, to'e la se'em en tum mam na la. Se'em en sigehe a mɛŋa paaɛ paaɛ ya puan eŋa en gani ya za'a.”

Tõoma 1:1

Yia gɔŋɔ la puan, Tiyofilose, n daa tɔgɛ yele sɛ'a woo ti Yezu iŋɛ la, gee pa'alɛ, pɔhera sansɛka ti a pɔhɛ a tuuma la,

Aromduma 3:8

Ŋwani ti tu yi kɔ'ɔm kan yele wuu nɛreba basɛba n sageni tumam yu'ura se'em ti tumam yeti, “Tu kɔ'ɔm tuna be'em ti la bahɛ ti sum wa'am na”? Nɛrebana duma wa sageŋɔ gã' gura ba mɛ.

Aromduma 6:1

Beni ti tu nyaa wan yele? Tu kɔ'ɔm kelum tuna be'em, ti la bahɛ ti zu'uhegɔ malum pa'aha?

Aromduma 6:15

Beni en gee? Tu tuna be'em ti tu ka dole ze'elego la, gee tu boi la zu'uhegɔ puan zuo? Sore ka boi la fii me!

1 Timoti 6:11

Gee han dɛna fum, Yinɛ tuntuna wa, zagehɛ yele ana wa woo, dɔla tuuntɔɔ vom, Yinɛ zoolum, sakerɛ, nɔŋerɛ, ŋmibega, la ma'ma' bɔŋa.

Taitusi 3:8

Yetɔge buna wa dela yelemɛŋerɛ. Mam suure boti fum tɔgera yele ana wa suŋa, ti sɛba en wa'am na nam Yinɛ la wan kaabɛ ba mɛhi bo' tuunsuma. Yele ana wa dela ma'a, gee tara nyuurɔ bɔ'ɔra nɛra woo.

1 Pita 5:4

Ti dunkiin naba la han ta niiɛ na, ya wan di suŋa muŋa sɛka en ka pelegere la.

1 Zã 3:4

Se'em woo en tuue me galum mɛ, tuure dela galeŋɔ.

Lilegere 2:20

Gee mam tari la dina la ya. Ya to'e Yezebɛle mɛ, pɔgesɛka en yi'iri ka mɛŋa nɔtɔgeha la, se'em pa'alegɔ en bahɛ ti mam yamehi bɔregɛ, tuna yaluntuuma, gee dita dia ti ba dikɛ kaabɛ baga la.