Amatie 5:16 - ZE'ELEGO PAALEGA

¹⁶ Bala mɛa, bahɛ ya ti ya niifum la niira nɛreba nɛŋan, ti ba nyɛ ya tuunsuma la, la ba dikɛ pɛka bo' ya Sɔ en boi saazuo ha la.

Farefare Ninkaré

¹⁶ Bɛla, basɛ-ya tɩ ya peelem nẽegɛ nẽrba tẽŋasʋka, tɩ ba yẽ ya tõon-sõma nã'asɛ ya Sɔ Nawẽnnɛ n boe saazuum.»

Amatie 5:16 ပူးပေါင်းရင်းမြစ်များ

Amatie 23:5

Ba tuni ba tuuma za'a ti nɛreba n nyɛ ba Se'ere en sɔi la ba pɛ la pa'alegɔ la tiihegɔ funini kãra, gee pɛ sãba wogerɔ yule ba futo la tiŋa.

Amatie 23:9

Da yi' ya se'em ti ya sɔ tiŋa wa zuo, ya tari la sɔ kayima ma'a, se'em n boi saazuo ha.

Amatie 5:45

Ŋwana ti ya wan dɛna ya Sɔ se'em en boi saazuo ha wa kɔma. Se'ere en sɔi la, a baheri ti wuntɛɛŋa nyɛkera bɔ'ɔra nɛrebe'ero la nɛresuma za'a mɛ, gee tuna saa bɔ'ɔra nɛretuntɔɔ la nɛre ŋmɛlema za'a.

Amatie 6:16

“Ya han luta nuurɛ, da ni zuŋe ya nɛhi wuu birekɔgenduma la, se'ere en sɔi la, ba ni zuŋe ba nɛhi la bala ti ba pa'alɛ la nɛreba ti bamam luti la nuurɛ. Yelemɛŋerɛ ti n yɛta ya wa, ba pun to'e ba yɔɔrɛ mɛ.

Amatie 6:9

“Bala zuo, ni pu'uheri ya ŋwana: Tu Sɔ en boi saazuo ha, Fum yu'urɛ dɛna tuulum gana sɛla woo.

Amatie 9:8

Nɛrekuuŋɔ la en nyɛ ŋwana la, dabeem en sãɛ ba, ti ba pɛgɛra Yinɛ, se'em en dikɛ paŋa kana taaba bo' saaleba.

Aluki 11:2

Ti Yezu yele ba yeti, “Ya han ni pu'uha, ni yele ya yeti, “Sɔ, fum yu'urɛ wa sɔna na'ahegɔ. Fum sɔ'ɔlum wa'am na.

Azã 15:8

Mam Sɔ pɛka boi la, ya wam zo'e zo'e. Ŋwana ti ya wan dɛna mam zahereba.

Tõoma 9:36

Yopa puan, Yezu zahera ayima n boi bini ti a yu'urɛ yi'ira Tabita ti de vuurɛ dɛna la Dɔkasi. A pirɛ itesuŋɔ la bu'a.

1 Korẽntɩ 14:25

Yelesɛ'a en sugɛ a suure puan la han niiɛ na, nɛra la wan kpa' duma, lu tiŋa aliko Yinɛ nɛŋan, na'ahɛ en, gee muulɛ yeti, “Yinɛ sirum boi mɛ la ya.”

2 Korẽntɩ 9:13

Doohe la tumam en makɛ ya bihɛ la tuun-dina wa taaba la, ya bo' Yinɛ yu'urɛ pɛka mɛ la yan nam gee sakɛ bo' Yezu faarɛ yelehum la se'em la, la ya pupeelum tɔrega la ti ya tɔrɛ la ba, la basɛba me se'em la.

Galatɩ 1:24

Ti ba pɛgɛ Yinɛ mam zuo.

Efɛɛzɩ 2:10

Tumam dela sɛba ti a iŋɛ tɔ ti tu dɛna la. A naam tu la Kiresta Yezu puan, ti tu tuna tunsuma sɛ'a ti Yinɛ pun maahum a ti a dɛna tu vom sore la.

Efɛɛzɩ 5:8

Se'ere en sɔi la, ya daa nan boi la lika puan, gee nananawa Daana la puan, ya dela la niihum. Bala Vɔni ya wuu kɔmsɛba n boi niihum puan la.

1 Tesaloniki 2:12

ka'ana, gee kpɛmeha ya, gee me bɛlena ya ti ya vɔna vom sebo taaba n nari bɔ'ɔra Yinɛ, se'em en yi' ya ki'ihɛ a mɛŋa sɔ'ɔlum, la a suŋa puan la.

1 Timoti 2:10

ba nɔna la tuunsuma, wuu lan nari se'em bo' pɔge se'ehi en mi ban na'ahɛ Yinɛ se'em la.

1 Timoti 5:10

A dɛna se'em ti nɛreba wan tɔgera a sum yɛla, se'em en bihɛ a kɔma ti ba zo'e suŋa na, a tɔ'ɔha saama, tɔ'ɔha nɛresunduma, suŋera sɛba en boi namehegɔ puan, gee kaabɛ a mɛŋa bo' itesuŋɔ woo.

1 Timoti 5:25

Bala mɛa ti tuunsuma ba' niiɛ na, gee la han pun dagena bala, ba kɔ'ɔm kan sugɛ gã'a.

1 Timoti 6:18

Ba dela ba ita itesuŋɔ, ba dɛna buntateba itesuŋɔ puan, ba bɔ'ɔra, ba dɛna sɛba en maahum ti ba tɔta,

Taitusi 2:14

Eŋa en kaabɛ a mɛŋa bo' tu, ti a yɔ to'e tu tuure woo puan, gee pee tu bo' a mɛŋa, ti tu dɛna a mɛŋa nɛreba, sɛba en mu'ɛ nini tuna tuunsunɛ.

Taitusi 2:7

Bahɛ ti naŋa bɔna fum puan zi'an woo, ti fum dɛna tuunsuma daana ti ba wan tɔgehɛ, fum pa'alegɔ puan, pa'ala la yɛm la paŋa,

Taitusi 3:14

Gee bahɛ ti nɛreba la zamehɛ ba kaabɛ ba mɛhi bo' tuunsuma, la ba ta'am suŋera yelesɛ'a en ni di'e na la, ti ba da bahɛ yoo.

Taitusi 3:4

Gee Yinɛ se'em en de tu Faara la itesuŋɔ la a nɔŋerɛ kãtɛ la en niiɛ paaɛ nɛra woo la,

Hiburuduma 10:24

Gee bahɛ ya ti tu biha tumam n wan iŋɛ se'em pagera taaba la nɔŋerɛ la itesuŋɔ,

1 Pita 2:12

Tara ya mɛhi suŋa sɛba en dagi Yuuduma la zi'an, bala ti ban pun dikɛ ya yi' be'em duma la, ba wan nyɛ ya tunsuma la, gee pɛgera Yinɛ, a han ta wa'am na ti a gakɛ.

1 Pita 2:9

Gee yamam dela buuri se'ere ti Yinɛ looe, ya dela malemaduma nabiihi, dɛna tuulum timpaberɛ, Yinɛ mɛŋa nɛreba, ti ya muulɛ tuunkãra sɛ'a en de se'em daana en yi' ya lika puan yehe niihum kãtɛ puan na la dinɛ.

1 Pita 3:1

Pɔgeba, bala mɛa, sigehe ya mɛhi bo' ya mɛhi sireba, ti basɛba han pun ka nam yelehum la, ba wan nyaŋɛ ba, gee pun ka yele se'ere, gee ba pɔgeba aŋa la ma'a,

1 Pita 3:16

Tari ya susunɛ, ti ba han pun yi'ira ya yu'yooro, sɛba en keheri ya itesuŋɔ Kiresta puan la, vi wan di ba.

1 Pita 4:11

Fum se'em en tɔgeri, dela a tɔgera wuu Yinɛ mɛŋa en tɔgeri la. Fum se'em en tuni bɔ'ɔra, dela a tuna la pansɛka za'a ti Yinɛ bo' en la, bala ti Yinɛ wan nyɛ na'ahegɔ sɛla woo puan, doohe Yezu Kiresta puan. Eŋa en sɔi na'ahegɔ la paŋa, wuuha wuuha. Taari.

1 Pita 4:14

Ba han tuura ya Kiresta yu'urɛ zuo, sum en dole ya, beni zuo, sia sɛka en de suŋa la, dɛna Yinɛ Sia la, en boi la ya.