Amatie 5:12 - ZE'ELEGO PAALEGA

¹² Sireni ya gee nyɛɛna, gee ya yɔɔrɛ karegɛ mɛ saazuo ha. Bala mɛa ti ba yuum mɛleha Yinɛ nɔtɔgeheba sɛba en diŋɛ yamam nɛŋa na la.

Farefare Ninkaré

¹² Ẽŋɛ-ya sũ-yẽlga sɩrʋm, ya yɔɔrɔ n wʋn zo'oge Nawẽnnɛ yire la ĩyã. Ba mẽ daan nãmsɛ Nawẽnnɛ nõtɔ'ɔsrɩba n dẽŋɛ yãma la bɛla.»

Amatie 5:12 ပူးပေါင်းရင်းမြစ်များ

Amatie 16:27

“Se'ere en sɔi la, Asaala dayua la yeti a wa'am me na la a suŋereba, a Sɔ suŋa la puan, bilam ti a wan yɔ nɛrawoo doohe en tum se'em.

Amatie 6:16

“Ya han luta nuurɛ, da ni zuŋe ya nɛhi wuu birekɔgenduma la, se'ere en sɔi la, ba ni zuŋe ba nɛhi la bala ti ba pa'alɛ la nɛreba ti bamam luti la nuurɛ. Yelemɛŋerɛ ti n yɛta ya wa, ba pun to'e ba yɔɔrɛ mɛ.

Aluki 13:34

Yerusalɛm, Yerusalɛm, tinsɛka en kuuri ka nɔtɔgeheba, gee lɔbera Yinɛ en tum sɛba na la la kuga. Saŋa woo mam zigeri mɛ ti n kã'ahɛ hɔ bɔbeyinɛ wuu nua en kã'ahɛ ka kɔma iŋɛ ka kelumpagehi puan se'em la, gee fum ka iŋɛ fum puti'irɛ bala.

Aluki 6:23

nyɛɛni ya dabeherɛ la puan, ɛgeri ya la nyɛɛma se'ere en sɔi la, yɔkãtɛ boi saazuo ha gura ya gee ba yaabeduma en yuum pun iŋɛ nɔtɔgeheba la se'em n bala.

Aluki 6:35

Gee nɔŋɛ ya dinduma, iti ya sum, gee bɔ'ɔra, gee da ti'ihɛ ya ti ya lebehe to'e sɛla. Ya yɔɔrɛ wan dɛna yɔkãtɛ, gee ti ya dɛna Gaŋɛ za'a Yinɛ wa kɔma. Se'ere en sɔi la, Yinɛ iti sum bɔ'ɔra sɛba en ka nane sɛla la putɔpa mɛ.

Tõoma 16:25

La ta paara me woo yu'uŋɔ sunsua bɔba, ti Pɔɔl la Silase pu'uha gee yuuma bɔ'ɔra Yinɛ, ti sɛba ti ba pagɛ la ba la kɛleha.

Tõoma 5:41

Ban baheri kiinduma la zi'an la, ba puurɛ pee mɛ ti bamam me ti ba diihe ba vi Yezu yu'urɛ la zuo.

Aromduma 5:3

La dagi bala ma'a, gee tu me ŋmɛ'ɛri nyu'urɔ mɛ la tu namehegɔ la, gee mina ti namehegɔ wa bo'ori tu la ŋmibega,

1 Korẽntɩ 3:8

Se'em en burɛ la, la se'em en bahɛ ko'om la dela buyina, ti ba ayima woo wan to'e a yɔɔrɛ doohe la ba ayima woo tuuma en de se'em.

2 Korẽntɩ 4:17

Se'ere en sɔi la, namehegɔ pika wa n kan yuue wa maaheni tu mɛ ti tu ta'am to'e vom kamba'ahɛ sunsɛka n tibegɛ ka tara makerɛ la,

Filipi 1:29

Yinɛ ka doohe a zu'uhegɔ la puan bo' tu la yɔ'ɔ ti tu nam la Kiresta ma'a, gee tu nameheri a zuo me,

Filipi 2:17

Gee ba han pun ka'ɛ mam wuu buum kaabegɔ la bahɛ kaabegɔ bo'olum la zuo, yamam sakerɛ zuo, la de mam la pupeelum, ti n nyɛɛni la yamam za'a.

Kolɔsɩ 1:24

Nananawa, mam nyɛɛni mɛ n namehegɔ la puan yamam zuo, mam inganɛ wa puan, bahɛ ya ti n yele de ŋwana yeti, mam ba'aheri la namehegɔ seko en gee Kiresta namehegɔ la puan, a iŋa la en de lageŋɔ la zuo.

Kolɔsɩ 3:24

yan diŋɛ mina ti Daana la puan ya wan ta to'e tɔtɛ ti la dɛna ya yɔɔrɛ la. Ya tuni bɔ'ɔra la Daana Kiresta la.

1 Tesaloniki 2:15

Sɛba en ku' Daana Yezu, la nɔtɔgeheba la, gee sa'ɛ tu bahɛ yiŋa la. Ba ba' tum sagum la Yinɛ suure, gee ka sakera bɔ'ɔra se'em se'em,

Hiburuduma 10:34

Se'ere en sɔi la, ya tari nimbu'ɔ mɛ bɔ'ɔra sɛba en boi paka deto puan, gee sakɛ la nyɛɛma ba han fãara ya lɔgerɔ, gee mina ti yamam mɛhi tari la sɛla en ani suŋa gee bɔna wuuha gana bala.

Hiburuduma 11:26

A yuum nam ya ti Kiresta zuo a wan to'e kɛhega la namehegɔ, ti la dɛna tarega kãtɛ bo' en, nyana Igipiti tarega la, se'ere en sɔi la, a yuum biheri la yɔɔri kãtɛ la en boi nɛŋa ha la.

Hiburuduma 11:33

sɛba en yuum ze'ele sakerɛ puan nyaŋɛ tinkãra, gakɛ la yelemɛŋerɛ, ze'ele to'e sɛla ti Yinɛ biŋe nuurɛ la, mum gbigema nɔya,

Hiburuduma 11:6

Bala, sakerɛ han ka bɔna, la kpe'em mɛ ti fum tigɛ Yinɛ nini, se'ere en sɔi la, se'em woo en wa'am a zi'an na, dela a mina ti Yinɛ boi mɛ, gee yɔɔra sɛba woo en eere en la ninmu'urɛ.

Yemesi 1:2

N suurɔ, ya han ni ta nyɛta maketooro seto woo, da dikɛ ya ku yi' sɛsɛla, gee tugum nyɛɛni ya.

Yemesi 5:10

La han dɛna la namehegɔ la sugeri yɛla, n suurɔ wa, dole ya sɛla ti nɔtɔgeheba sɛba en tɔgɛ Daana la yu'urɛ puan la daa doohe namehɛ seko woo puan tole la.

1 Pita 4:13

Gee nyɛɛni ya, la yan lagum tuta Kiresta namehegɔ la, bala ti ya me wan ta vɔɔla la nyɛɛma, a han ta niiɛ na la a suŋa la.