Amatie 26:39 - ZE'ELEGO PAALEGA

³⁹ En kiŋɛ fii la, a lu la tiŋa a liko pu'uhɛ yeti, “N Sɔ, la han wan ta'am iŋɛ, bahɛ ti wandina wa tole gee bahɛ mam, gee dagi mam boti se'em, gee fum n boti se'em.”

Farefare Ninkaré

³⁹ La a sẽŋɛ la nẽŋa fẽe ka võglɛ a nẽŋa tẽŋa pʋ'ʋsɛ Nawẽnnɛ yetɩ: «M Sɔ, la sãn tãna, fʋ basɛ tɩ nãmsgɔ ẽna tole dee basɛ ma. La, la da kãn dɛna mam n boorɩ se'em, la dɛna fõn boorɩ se'em.»

Amatie 26:39 ပူးပေါင်းရင်းမြစ်များ

Amatie 20:22

Ti Yezu lerege yeti, “Ya ka mi' sɛla ti ya sɔkera wa. Yamam wan nyaŋɛ nyu wula wa ti mam bɔna bini ti n nyu ka puan wa?” Ti ba yeti, “Tu wan nyaŋɛ.”

Amatie 24:24

Se'ere en sɔi la, Kiresta pumparenduma la nɔtɔgehe pumparenduma wan wa'am na tuna daalehum kãra, nyalema ti ba pã'ahɛ nɛreba zo'e zo'e ti ba bɔregɛ. La han wan ta'am iŋɛ ni, ba wan lagum pã'ahɛ sɛba ti Yinɛ mɛŋa looe la.

Amatie 26:42

Ti a le lebe buyi' puan ta pu'uhɛ yeti, “N Sɔ, wanɛ wa han kan ta'am tole gee bahɛ mam gee dɛna la n nyu de puan, fum sumboolum tum.”

Amarkɩ 13:22

Se'ere en sɔi la, Kiresta pumpã'aheduma la nɔtɔgehe pumparenduma wan ta wa'am na tuna pa'ahegɔ kirehi ti ba bahɛ ti nɛreba bɔregɛ. La han wan ta'am ni iŋɛ ni, ba wan pã'ahɛ ni sɛba ti Yinɛ pun looe la.

Aluki 17:16

Wa'am na paaɛ lu tiŋa Yezu nɛŋan, bo' en fara. A me dela Samariya buuri.

Azã 11:41

Ti nɛreba la bilege kugere la. Ti Yezu gorege tɔ saazuo gee yeti, “N sɔ, mam bo' fum fara, la fum n kelehe mam.

Azã 14:31

gee mam iti la sɛla ti Sɔ la bo' mam nuurɛ ti n iŋɛ la, ti timpaberɛ nɛreba baŋɛ ti mam nɔŋɛ Sɔ la mɛ. Ihige ya ti tu kiŋɛ.

Azã 18:11

Ti Yezu yele Pita yeti, “Dikɛ fum su'a la lebehe su' ka su'a zi'an. N dagi la n nyu mɛlehegɔ wanɛ se'ere puan ti mam Sɔ dikɛ bo' mam la?”

Azã 5:19

Ti Yezu yele ba yeti, “N yeti ya la yelemɛŋerɛ yelemɛŋerɛ wa, ti Dayua la kan ta'an tuna a mɛŋa tuuma, han dagena sɛla ti a nyɛ ti Sɔ la tuna la. Sɛla woo ti Sɔ la tuna la, bala mɛa ti Dayua la tuna.

Azã 5:30

“Mam ka tuni tuunɛ n ma'a. Mam n wum se'em la, mam gakeri dɔla la bala mɛa. Bala zuo, mam gakerɛ la dela tuuntɔɔ se'ere n sɔi la, mam ka tuni n mɛŋa sumboolum, gee se'em n tum mam la sumboolum.

Azã 6:38

Se'ere n en sɔi la, mam ze'ele saazuo sige na dagi la n tuna n mɛŋa sumboolum, gee se'em daana n tum mam na la sumboolum.

Tõoma 10:25

Pita n wa'am na paaɛ la, ti Koneliyose tu'uhɛ en, dɔbelɛ a nɛŋan na'ahɛ en.

Filipi 2:8

sigehe a mɛŋa, nam Yinɛ ta paaɛ kum, kum sebo en pun dɛna pumpuuredɔɔ zuo kum.

Hiburuduma 5:7

Yezu en yuum boi timpaberɛ wa zuo, a inganɛ puan la, a yuum dikeri la pu'uhegɔ, la suhega la kɔkɛ'ɛŋa la nintam bɔ'ɔra se'em daana en wan ta'am faaɛ en kum puan bahɛ la, ti a ni kelehe en, a Yinɛ zoolum la zuo.

Lilegere 19:10

Ti mam nyaa lu a nama tiŋa ti n na'ahɛ en, gee a yele mam yeti, “Da iŋɛ bala! Mam dela fum tuntuna tadaana bɔna la hɔ, la fum tansugere la en gurɛ Yezu yelehum muulegɔ kankaŋi la. Na'ahɛ Yinɛ! Se'ere en sɔi la, Yezu yelehum la muulegɔ en de purega sia.”